🟡लोकमाता पु. अहिल्यामाई होळकर यांच्या स्मृतिदिनानिमित्त 13 ऑगस्टला संपूर्ण महाराष्ट्रात एकाचवेळी वृक्षारोपण व प्रबोधन कार्यक्रम 🟣मौर्य क्रांती महासंघाचा उपक्रम

Chief Editor02/08/2023

326

🟡लोकमाता पु. अहिल्यामाई होळकर यांच्या स्मृतिदिनानिमित्त
13 ऑगस्टला संपूर्ण महाराष्ट्रात
एकाचवेळी वृक्षारोपण व प्रबोधन कार्यक्रम

🟣मौर्य क्रांती महासंघाचा उपक्रम

Akluj Vaibhav News Network.
Chief Editor Bhagywant Laxman Naykude.
Akluj , Taluka Malshiras, District Solapur. Maharashtra State, India.
Mo. 9860959764.

(आकाश भाग्यवंत नायकुडे)

मुंबई दिनांक 2/8/2023 : लोकमाता पुण्यश्लोक अहिल्यामाई होळकर यांच्या स्मृतिदिनानिमित्त
13 ऑगस्टला महाराष्ट्रातील 36 जिल्ह्यात एकाचवेळी वृक्षारोपण व प्रबोधन कार्यक्रमाचे आयोजन मौर्य क्रांती महासंघाने केले आहे. अशी माहिती राज्य अध्यक्ष राजीव हाके यांनी अकलूज वैभव, वृत्त एकसत्ता आणि aklujvaibhav.in चे संस्थापक संपादक भाग्यवंत लक्ष्मण नायकुडे यांना भ्रमणध्वनी वरून बोलताना सांगितली.

30 जुलै 2023 रोजी मौर्य क्रांती महासंघ महाराष्ट्र राज्य शाखेची जालना याठिकाणी राज्य स्तरीय बैठक संपन्न झाली. राज्यभरातून उपस्थित झालेल्या पदाधिकारी आणि कार्यकर्त्यांच्या या बैठकीत अनेक महत्वपूर्ण अशा धनगर बहुजन समाजाच्या ज्वलंत प्रश्नावर चर्चा झाली. त्यासोबतच सर्वानुमते निर्णय घेण्यात आला की यावर्षाचा लोकमाता पुण्यश्लोक अहिल्यामाई होळकर यांचा 13 ऑगस्ट हा स्मृतीदिन लोकमाता पु. अहिल्या माई होळकरांच्या विचारांचा , त्यांच्या कार्य सिद्धांताला अनुरूप असा कृतिशील कार्यक्रम आपण संपूर्ण महाराष्ट्राला दिला पाहिजे. या विषयावर सखोल चिंतन करत संपूर्ण महाराष्ट्रात ज्या विविध धनगर आणि बहुजन समाजात जागृती घडवून आणण्यासाठी प्रयत्नशील असलेल्या समाज संघटना आहेत त्यांना सोबत घेऊन आपण अहिल्या माई होळकर यांचा स्मृती दिवस यादगार बनवला पाहिजे, यावर सर्वांमध्ये एकमत झाले.
आणि त्यातून संपूर्ण महाराष्ट्रात एकाचवेळी गावं, तालुका, जिल्हा आणि राज्य पातळीवर पर्यावरण रक्षक लोकमाता पु.अहिल्या माई होळकर यांच्या स्मृतीदिनानिमित्त वृक्षारोपण व प्रबोधन कार्यक्रम करण्याचे निश्चित करण्यात आले.
या भूमिकेचे सर्वांनी स्वागत केले.
13 ऑगस्ट 2023 रोजी धनगर आणि समस्त बहुजन समाजाची जी लोकदैवते आहेत. त्या त्या स्मृतीस्थळाच्या ठिकाणी म्हणजे बिरोबा, खंडोबा, भैरोबा, विठोबा, म्हसोबा, तसेच राज्यभरातील अनाथ आश्रम, वृद्धाश्रम असतील किंवा बहुजन महापुरुष यांच्या पद स्पर्शाने पावन झालेली ठिकाणे असतील, गड किल्ले, स्मृतीस्थळे असतील त्या त्या ठिकाणी वृक्षारोपण करून पर्यावरण रक्षक लोकमाता पु. अहिल्यामाई होळकर यांचा संदेश समाज मनात प्रत्यक्ष कृतीतून रुजवण्याचा निर्णय घेण्यात आला. त्यासाठी त्या त्या भागात कार्यकर्ते आणि पदाधिकारी यांची जबाबदारी निश्चित करण्यात आली आहे.
यासाठी मौर्य क्रांती महासघाचे कार्यकर्ते आणि पदाधिकारी स्थानिक पातळीवर गावचे सरपंच आणि बहुजन समाजातील विविध सेवाभावी संस्था,आणि संघटना यांचे पदाधिकारी आणि कार्यकर्ते यांचेशी प्रत्यक्ष संवाद साधून वृक्षारोपण व प्रबोधन कार्यक्रमाचे नियोजन करत असल्याचे मौर्य क्रांती महासंघाचे संस्थापक अध्यक्ष बलभीम माथेले, राज्य अध्यक्ष राजीव हाके, राज्य प्रभारी ऍड. उत्तम कोळेकर, उपाध्यक्ष. प्रकाश कुटे, महासचिव हनुमंत दवंडे. यांनी प्रसिद्धी पत्रकाद्वारे कळवले आहे.