🟣डिस्टीलरी युनिटसाठी औद्योगिक पाणीवापर दरानुसार पाणीपट्टी आकारणेबाबतचा मुद्दा आ. रणजितसिंह द्वारे सभागृहात उपस्थित

🟣डिस्टीलरी युनिटसाठी औद्योगिक पाणीवापर दरानुसार पाणीपट्टी आकारणेबाबतचा मुद्दा आ. रणजितसिंह द्वारे सभागृहात उपस्थित

Akluj Vaibhav News Network.
Chief Editor : Bhagywant Laxman Naykude.
Akluj , Taluka Malshiras, District Solapur. Maharashtra State, India.
Mo. 9860959764.

अकलूज दिनांक 20/7/2023 :
विधिमंडळाच्या पावसाळी अधिवेशनात आज आमदार रणजितसिंह मोहिते पाटील यांनी लक्षवेधी सूचना मांडली. तसेच डिस्टीलरी युनिटसाठी औद्योगिक पाणीवापर दरानुसार पाणीपट्टी आकारणेबाबतचा मुद्दा सभागृहात उपस्थित केला.
महाराष्ट्र जलसंपदा नियामक प्राधिकरणाकडून कारखान्यांना पाण्याचे दर पूर्वी ११.५२ रू प्रति हजार लीटर प्रमाणे आकारले जात होते. मात्र आता ३३० रू प्रति हजार लीटर दर आकारण्यात येतात.
राज्यात एकुण १५६ डिस्टलरीज आहेत तर १३७ इथेनाॅल प्रकल्प आहेत. राज्याची इथेनॉल निर्मितीची प्रचंड क्षमता ३१२ कोटी लिटर आहे. मात्र कारखान्यांमध्ये वापरण्यात येणारे प्रक्रियायुक्त पाणी हा कच्चा माल म्हणून गृहीत धरला जातो ज्याला वेगळ्या दरानुसार पाणीपट्टी लागू होते.
कारखान्यांवर पाणीपट्टीचा ताण येवुन काही कारखान्यांची पाणीपट्टी २५ कोटी रुपयांपर्यंत आलेली आहे. त्यामुळे शेतकऱ्यांना योग्य दर देण्यासाठी मर्यादा येत आहेत,त्यामुळे डिस्टलरी उद्योग वाचवण्यासाठी तो एक प्रक्रिया उद्योग म्हणून विचारात घेवुन पूर्वीच्या दर पत्रकानुसार बिल घ्यावे अशी मागणी विधानसभेत बोलताना केली.