🔵दिलीपकुमार साळवे फाउंडेशन व ग्रामपंचायत चौंडेश्वरवाडीचा स्तुत्य उपक्रम 🟣 उदयनगर येथे 29 ऑगस्टला मोफत नेत्र तपासणी व मोतीबिंदू शस्त्रक्रिया शिबिराचे आयोजन

🔵दिलीपकुमार साळवे फाउंडेशन व ग्रामपंचायत चौंडेश्वरवाडीचा स्तुत्य उपक्रम

🟣 उदयनगर येथे 29 ऑगस्टला मोफत नेत्र तपासणी व मोतीबिंदू शस्त्रक्रिया शिबिराचे आयोजन

Akluj Vaibhav News Network.
Chief Editor Bhagywant Laxman Naykude.
Akluj , Taluka Malshiras, District Solapur. Maharashtra State, India.
Mo. 9860959764.

अकलूज दिनांक 25/8/2023 : दिलीपकुमार साळवे फाउंडेशन यशवंतनगर-अकलूज आणि ग्रामपंचायत चौंडेश्वरवाडी उदयनगर यांच्या संयुक्त विद्यमाने व नॕब नेत्र रुग्णालय मिरज यांच्या सहकार्याने मोफत नेत्र तपासणी व मोतीबिंदू शस्त्रक्रिया शिबिराचे मंगळवार दिनांक 29 ऑगस्ट 2023 रोजी उदयनगर येथील “शंकरराव मोहिते पाटील सभागृह” मध्ये आयोजन केले आहे. या सामाजिक कार्यक्रमास अध्यक्ष म्हणून अकलूज येथील अश्विनी हॉस्पिटलचे सर्वेसर्वा, हृदयरोग तज्ञ डॉ. एम. के. इनामदार तर प्रमुख पाहुणे म्हणून अकलूज पोलीस स्टेशनचे पोलीस निरीक्षक दीपरतन गायकवाड हे उपस्थित राहणार असल्याची माहिती फाउंडेशनचे संस्थापक अध्यक्ष पत्रकार रमेश साळवे यांनी दिली.
शिबिरामध्ये तपासणी व नेत्रोपचार व नेत्रशस्त्रक्रिया नॕब नेत्र रुग्णालय मिरज येथील नामवंत नेत्र तज्ञामार्फत केली जाईल. मोतीबिंदू साठी नेत्र भिंगारोपण, शस्त्रक्रिया, बिन टाका शस्त्रक्रिया , काचबिंदू, लासरू, डोळ्याचे प्लास्टिक सर्जरी व तिरळेपणा यांचे योग्य निदान व उपचार करून निरोपाप्रसंगी गॉगल्स मोफत दिले जातील. शिबिराच्या दिवशीच मोतीबिंदू रुग्णांना नॕब नेत्र रुग्णालय मिरज येथे नेण्यात येईल , रुग्णांना जाण्या येण्याची व्यवस्था केली जाईल , रुग्णांना चहा व जेवणाची व्यवस्था केली जाईल, रुग्णाच्या सोबत येणाऱ्या व्यक्तीस चहा व जेवणाची अल्प खर्चात कॅन्टींग ची सोय, सर्व प्रकारच्या नेत्र शस्त्रक्रिया अत्याधुनिक पद्धतीने दुर्बिनद्वारे नॕब नेत्र रुग्णालय मिरज येथे होईल. अशी ही माहिती देण्यात आली.
तरी जास्तीत जास्त रुग्णांनी याचा लाभ घ्यावा असे आवाहन करण्यात आले आहे तसेच चौंडेश्वरवाडी ग्रामपंचायत उदयनगर , विझोरी ग्रामपंचायत, विजयवाडी ग्रामपंचायत, यांच्या संयुक्त विद्यमाने शिबिर होणार आहे.