कृषी व व्यापार कृषी/साखर कारखाना महाराष्ट्र

🟣भाजप निर्मित तीन तंगड्याचे लंगडे सरकार, पांगुळ गाड्या मध्ये मेळ नाही, 🔵दूध उत्पादक शेतकऱ्यांची दिवसाला 35 ते 40 कोटीची लूट, शेतकरी संघटनेची, सरकारवर गंभीर टीका.

Chief Editor19/07/2023

243

🟣भाजप निर्मित तीन तंगड्याचे लंगडे सरकार, पांगुळ गाड्या मध्ये मेळ नाही,
🔵दूध उत्पादक शेतकऱ्यांची दिवसाला 35 ते 40 कोटीची लूट, शेतकरी संघटनेची, सरकारवर गंभीर टीका.

Akluj Vaibhav News Network.
Chief Editor Bhagywant Laxman Naykude.
Akluj , Taluka Malshiras, District Solapur. Maharashtra State, India.
Mo. 9860959764.

मुंबई प्रतिनिधी, दिनांक 17/ 7/2023 :
महाराष्ट्र राज्यामध्ये भाजपा निर्मिती तीन तंगड्याचे लंगडे सरकार पांगुळ गाड्याचे उपद्रव मूल्यामुळे सातत्याने सर्वसामान्य नागरिक व शेतकऱ्यांचे मूळ प्रश्नांकडून जनतेचे लक्ष हटवले जात जात असल्याचा गंभीर आरोप संघटनेने केला आहे. शेतकऱ्यांची बाजार समित्यापासून तर सहकारी, खाजगी दुध संस्था तसेच साखर कारखाने व हळद बाजारामध्ये, कॉटन मार्केटमध्ये शेतकऱ्यांची फरफट, प्रचंड अर्थिक लुट होत आहे. कांदा, टोमॅटो, दुध, कापूस उत्पादक शेतकरी संपूर्ण घायाळ झालेला असताना भाजपला फक्त सरकार वाचवणे, आमदार, खासदार खरेदी करणे याच्यात अडकून पाडत जनतेचे लक्ष विचलित केले जाते तर सोशल मीडिया वरून सर्वसामान्य शेतकऱ्यांच्या लुटीचे कुटील कारस्थानाचे लक्षही जाणीवपूर्वक हटवले जात असल्याची सडकून टीका शरद जोशी विचारमंंच शेतकरी संघटनेचे अध्यक्ष तथा राष्ट्रीय निमंत्रक विठ्ठल पवार राजे यांनी मुंबई येथे पत्रकारांशी बोलताना केली.
ते म्हणाले की दूध नाही. महाराष्ट्र तर पीत आहे. राज्यांमध्ये दुधाची डिमांड साडेतीन ते चार कोटी लिटरची असताना उत्पादन फक्त दोन सव्वा दोन कोटी लिटर इतके कमी आहे तर दुधाचे दर पडतात कसे? आणि लाखो लिटर दुधातील भेसळ ही दुग्धविकास मंत्र्यांच्या जिल्ह्यामध्ये आणि सोलापूर, पुणे जिल्ह्यामध्ये होत आहे, दूध वेस्टइंडीज आणि भेसळीच्या साहित्याचे केंद्र पुणे अहमदनगर आणि सोलापूर जिल्हा आहे मग त्यावर कठोर कारवाई का होत नाही? राज्यातले पशुसंवर्धन दुग्धविकास मंत्र्यांनी दुध खरेदी दर 42 रुपये वरून 30रुपये लिटर इतके खाली गेलेला! दर 35 रुपये दर जाहीर केला? तर सहकारी संस्था 34 रुपये जाहीर करतात? हा काय दूध उत्पादकांचा खेळ चाललाय का!, दूध उत्पादकांना पावत्या न देणे, फॕट, एस. एन. एफ. मध्ये घोळ, दूध मापात पाप? करत खाजगी दूध संस्थांकडून मात्र तीस ते बत्तीस रुपयांनी दूध खरेदी होत आहे? का दुग्धविकास मंत्री पण, डोळे मिटून दूध पीत आहेत, का दुधावरची साय खात आहेत? गेल्या सहा सात महिन्यांमध्ये दुधाचे दर 42 रुपयावरून तीस रुपया इतके खाली गेले, सुमारे 12 रुपये प्रति लिटर इतके कमी दर झालेले आहेत, यामधून एकच खाजगी दूध संस्था दिवसाला 15 ते 20 कोटी रुपयांची दूध उत्पादक शेतकऱ्यांची लूट करतेय, तर महाराष्ट्र राज्यातून दररोज 35 ते 40 कोटी रुपयांची लूट खाजगी व सहकारी दूध संस्था संचालक मंडळ व सरकारी बोके करत आहेत. असे असताना दुग्धविकास मंत्री आणि तीन तंगड्याचे सरकार काय डोळे मिटून दूध पीत आहे, सरकारी बाबू लोक त्यावरची साय, लोणी खात आहेत का? असा कडवट सवाल संघटनेने केलेला आहे. यामध्ये खाजगी दूध संस्थांची मक्तेदारी आणि दादागिरी सरकारवर आहे का ? असा प्रश्न शेतकऱ्यांमधून उपस्थित होत आहे.

गाईचे दुधाचा उत्पादन खर्च 48 रुपये आहे ते म्हशीच्या दुधाचा उत्पादन खर्च 60 रुपये आहे यावर सरकारच्या नियमाप्रमाणे सिटी दर सोडाच पण किमान उत्पादन खर्च तरी शेतकऱ्यांना मिळण्याच्या संदर्भात सरकारने तात्काळ पावले उचलली नाही तर आणि दुधाच्या दराची स्थिती पूर्ववत झाली नाही तर शरद जोशी विचार मंच शेतकरी संघटनेच्या वतीने राज्यभर सुरू असलेली शेतकरी संवाद यात्रा संयुक्त भाजप सरकार विरुद्ध असहाय्य शेतकरी संवाद यात्रा आंदोलन, आणखी तीव्र स्वरूपामध्ये पुकारले जाईल याची सरकारने नोंद घ्यावी. असा इशारा देखील शरदजोशी विचारमंच शेतकरी संघटनेचे अध्यक्ष तथा राष्ट्रीय निमंत्रण विठ्ठल पवार राजे यांनी भाजपा सरकारला दिलेला आहे.