🟣दे दणका ….!

• 🟣दे दणका ….!

  🟡भारत स्वतंत्र झाल्या पासून तरआज पर्यंत अमरावती शहरात मुख्य ठिकाणी पुण्यश्लोक अहिल्यादेवी होळकर यांचा एकही पुतळा नाही. याला जबाबदार कोण ? – सचिन ढगे

अकलूज वैभव न्यूज नेटवर्क.
संस्थापक संपादक : भाग्यवंत लक्ष्मण नायकुडे.
अकलूज – 413101.तालुका माळशिरस, जिल्हा सोलापूर. महाराष्ट्र राज्य.
मोबा.9860959764.

अमरावती दिनांक 18/7/2023 : अमरावती जिल्हाचा विचार केल्यास येथे धनगर समाजाची लोकसंख्या ही मोठ्या प्रमाणात आहे. या जिल्ह्यात लोकसभेचा एक आणि विधान सभेच्या आठ जागा आहेत यातच अमरावती हे विभागीय कार्यालय असल्या मुळे येथे पदवीधर मतदार संघ एक आमदार,तसेच शिक्षक मतदार संघ असल्यामुळे एक आमदार व स्थानिक स्वराज्य संस्था मतदार संघातून एक आमदार असे तीन आमदार विधान परिषद वर आहेत. या सर्वच लोकसभे सह विधान सभेच्या जागेवर धनगर समाजाची मते ही निर्णायक ठरतात. या सर्व मतदार संघात धनगर समाजाने ज्या उमेदवाराला आपली मते दिली तो उमेदवार निवडून येतो. यात शंका नाही. परंतु येवढे असूनही या जिल्हातिल धनगर समाज बांधव अजूनही झोपलेलाच आहे असे दिसते. आणि या जिल्ह्यातील धनगर समाजाच्या नेत्यांनी तर झोपेचे सोंघच घेतल्याचे दिसते. कारण हे नेते फक्त मिरवत असतात आम्ही असे केले, तसे केले, आमच्या मुळेच असे झाले, तसे, झाले, पण मला हे कळत नाही यांनी आता पर्यंत समाजासाठी केले तरी काय? याचे उत्तर समाज बांधवांनी आता या नेत्यांनाच विचारायला हवे. यांनी फक्त समाजातून समाज बांधवां जवळून वर्गणी गोळा करून थोडे फार कार्यक्रम घेऊन समाजाचे हे नेते होऊन बसलेत. कार्यक्रम घेणे म्हणजे समाजासाठी आम्ही काहीतरी करीत आहे हे दाखवणे वेगळे आहे आणि प्रत्यक्षात समाजासाठी काही करणे हे वेगळे आहे. समाजासाठी करायचेच होते तर आता पर्यंत यांनी समाजासाठी समाज भवन बांधायला हवे होते. मोक्याच्या जागेवर पुण्यश्लोक अहिल्यादेवी होळकर यांचा पुतळा बसवायला हवा होता. आम्ही यांना अमरावती येथील मालटेकडी, शिवटेकडी, येथे महानगर पालिके मार्फत मा साहेब जिजाऊ, पुण्यश्लोक अहिल्यादेवी होळकर, सावित्री आई फुले या महान स्त्री शक्ति चे पुतळे येथे बसवावे याची मागणी अनेक वर्षापूर्वी केली होती. परंतु आपल्याच काही लोकांनी त्याचा पाठ पुरावा केला नाही,त्याला विरोध केला. असे हे समाजातील नेते आहेत. आता पर्यंत यांनी समाजातील मुलानं मुली साठी एम. पी. एस. सी . , यु.पी. एस.सी. सारखे समाजासाठी मार्गदर्शन क्लासेस सुरू करायला हवे होते. त्या मुळे आता पर्यंत समाजातील अनेक मुले,मुली, अधिकारी बनले असते. तसेच यांनी आता पर्यंत समाजातील गरीब घरातील किती मुला,मुलींचे शिक्षण पूर्ण केले, त्यांच्या शिक्षणासाठी यांनी आता पर्यंत किती खर्च केला हे यांनी सांगावे. किती बेरोजगारांना रोजगार उपलब्ध करून दिला, किती लोकांना पुण्यश्लोक अहिल्यादेवीं च्या प्रतिमा भेट दिल्यात, समाजातील किती युवकांना यांनी साथ दिली. यांनी तर अनेक समाजातील उभरते नेतृत्व नेस्तानाबूत करण्याचे काम केले. फक्त श्रीमंत लोकांना यांनी त्यांचे पैसे पाहून सोबत घेतले, मोठे केले. यांनी अमरावती शहरातील काही समाज बांधव सोडले तर कोणालाच मोठे होऊ दिले नाही, उलट अनेकांचे खच्चीकरण करण्याचे काम यांनी केले. यांनी यांच्या शिवाय दुसऱ्याला समाजाचे नेतेच होऊ दिले नाही. अमरावती जिल्ह्यातील तालुक्याच्या ठिकाणचे अनेक उभरते नेत्यांचे यांनी खच्चीकरणं करून टाकले. त्यांचे नेतृत्वच यांनी वरती येऊ दिले नाही. अश्या समाजातील स्वतःला नेते समजनाऱ्याला आता समाजानेच ओळखायला हवे. यांना आता उघडे नागडे करण्याची वेळ आली आहे. कारण यांच्या मुळे अमरावती येथील समाज अनेक वर्षे मागे राहिला आहे.
या नेत्यांनी समाजासाठी सर्वच केले तर भारत स्वतंत्र झाला तेव्हापासून तर आज पर्यंत अमरावती शहरात मुख्य ठिकाणी आपल्या दैवत असणाऱ्या मातोश्री अहिल्यादेवी होळकर यांचा एकही पुतळा हे समाजातील नेते बसवू शकले नाहीत. ही समाजासाठी लाजिरवाणी बाब आहे की नाही आता तुम्हीच सांगा. जे नेते आपल्या मातेचा अहिल्या देवी होळकर यांचा

अमरावती शहरात आज पर्यंत एकही पुतळा बसवू शकले नाही मग ते खरंच धनगर समाजाचे नेते होऊ शकतात का ? आणि वरतून आव आणतात आम्ही असे केले. अरे बाबानो, आपण काय केले समाजासाठी फक्त निवडणुका आल्या की आपण अमुक पक्षाला आमच्या धनगर समाजाचा पाठिंबा. दुसरा येतो तो म्हणतो टमूक पक्षाला आमच्या धनगर समाजाचा पाठिंबा. अरे बाबांनो तुम्हाला धनगर समाज काही खैरात वाटली का जो येतो तो आपल्या राजकीय स्वार्था साठी समाजाला विकण्याचा प्रयत्न करतो. समाज काय आपल्या बापाची प्रॉपर्टी आहे का? आपल्याला कोणी अधिकार दिला समाजाला विकण्याचा ? आणि आपण आज पर्यंत समाजाच्या किती लोकांना नगर परिषद, महानगर पालिका, पंचायत समित्या, जिल्हापरिषद ,विधान सभा, विधान परिषद, लोक सभा, राज्य सभा, या पैकी किती राजकीय पक्षाची तिकीट समाजातील बांधवांना मिळवून दिल्यात हे समाजाला पहिले सांगा. नंतर समाजाचा इतर राजकीय पक्ष्यांना पाठिंबा ध्या. फक्त आपल्या स्वतःच्या स्वार्था साठी समाजाला विकणे कितपत योग्य आहे ? समाजाचा कोणताही बांधव निवडणुकीला उभा असेल तर त्याला तुम्हीच नाही तर संपूर्ण समाजाने पाठिंबा द्यावा. त्याचा तन, मन, धनाने, प्रचार सुध्दा करावा. त्याला निवडून आणण्यासाठी प्रयत्न करावे. पाडण्यासाठी नव्हे.परंतु समाजाचा कोणीच उभा नसताना आपण कोणालाच पाठिंबा देऊ नये कारण तो नैतिक अधिकार कोणालाच नाही. आपण पाठिंबा देऊन आपले घरे भरायची आणि समाजाला वाऱ्यावर सोडायचे. आता असे चालणार नाही. कोणालाही कोणत्याही राजकीय पक्षाला समाजाचा पाठिंबा द्यायचा असेल तर त्याने पहिले समाजातील लोकांची मीटिंग, सभा घ्यावी, त्या मध्ये ज्या राजकीय पक्षाला आपण पाठिंबा देत आहोत त्या पक्षा कडून आपल्या समाजाला काय मिळेल, ते आपल्याला काय देतील, आपल्या समाजाला किती लोकसभा, विधान सभा, या मध्ये तिकीटा देतील,महानगर पालिका,नगर पालिका,पंचायत समित्या, जिल्हा परिषद,या मध्ये आपल्या समाजाला किती राजकीय वाटा देतील हे आता पहिले समाजाला सांगावे. नाहीतर आपल्या मनात आले आणि आपले खिसे गरम झाले म्हणून आपल्या स्वार्था साठी आता समाजाला विकू नका. याने समाजाचे भले होत नाही,तर समाजाचे मोठ्या प्रमाणात नुकसान होते. आणि हेच नुकसान आज पर्यंत या नेत्यांनी समाजाचे केले. अमरावती जिल्हा हे विभागीय ठिकाण आहे ,पाच जिल्ह्याचे विभागीय कार्यालये अमरावतीत आहे,आणि ह्याच जिल्ह्यातील धनगर समाजाचे नेते झोपलेले आहेत.ही खेदाची बाब आहे.या अमरावती शहरात एकही पुण्यश्लोकअहिल्यादेवी होळकर यांचा पुतळा नाही. या जिल्ह्यात धनगर समाजाचे महानगर पालिकेत नगर सेवक नाही. जिल्हा परिषद मध्ये जिल्हा परिषद सदस्य नाही,पंचायत समिती सदस्य फारच कमी प्रमाणात आहे बोटावर मोजण्या इतके,खासदार तर सोडाच आज पर्यंत धनगर आमदार सुध्दा मल्हारराव माहुलकर सोडले तर कोणीच झाले नाही. मल्हारराव माहुलकर यांच्या नंतर निवडून येण्याची आमदार होण्याची कुवत कोणत्याच धनगर समजातील नेत्यानं मध्ये नव्हती काय ? असा प्रश्न आता निर्माण होतो. त्यांच्या नंतर समाजाने कोणालाच निवडणुकीला उभे का केले नाही? ज्यांना केले त्याच्या मागे मग समाजाने समाजातील नेत्यांनी खंबीर पनणे उभे राहायला पाहिजे होते, आपला राजकीय वारसा जोपासायला पाहिजे होता. आपल्या समाजाला या नेत्यांनी एकत्रित आणून आपली व्होट बँक का तयार केली नाही ? राजकारणात आपल्या समाजाचा दब दबा का तयार केला नाही. याचे या नेत्यांनी पहिले उत्तर द्यायला हवीत. या अमरावती शहरात धनगर समाजाचे एकही समाज मंदिर नाही, सभागृह नाही.मी समाजाच्या मालकीचे म्हणतो. कोण्या एका संघटनेची हुकूम शाही असलेले समाज मंदिर हे माता अहिल्यादेवींचे समाज मंदिर होऊच शकत नाही. लोकांनी लोकांसाठी लोकांच्या सेवेसाठी तयार केलेले सभागृह ज्या सभागृहात सर्व समाजाचा अधिकार असेल असे समाज भवन ज्या ठिकाणी पाचशे सहासे, समाज बांधवांची मीटिंग, सभा होऊ शेकेल असे सभागृह अमरावती शहरात कोणत्या नेत्यांनी आज पर्यंत बांधले का नाही,अमरावती शहरात आता पर्यंत ई क्लास च्या, नजुल च्या जागेवर इतर समाज बांधवांनी त्यांच्या समाजाची मोठ मोठे सभागृह बांधली आहेत,या शहरात अनेक समाज बांधवांच्या आप आपल्या समाजाच्या नेत्यांच्या महापुरुषांच्या नावाने सभागृहे आहेत. त्यांच्या महापुरुषांचे पुतळे आहेत. परंतु आपल्या नेत्यांना ते जमले नाही किंवा त्यांनी त्या करीता प्रयत्नच केले नाही. यांनी फक्त आपले खिसे भरले काय असा सवाल आता समाज बांधव यांना विचारणार. तर त्यात गैर काहीच नाही. यांना असा सवाल विचारण्याचे सर्व समाज बांधवांना अधिकार आहे. कारण यांनी निवडणुकीला समाजाचा इतर राजकीय पक्षाना पाठिंबा देऊन समाजाचा लिलाव केला होता. म्हणून यांना आता सर्वांनी जाब विचारायला पाहिजे.कारण हे समाजाचे नेते आहेत. यांच्या मार्गदर्शना खाली समाज चालत असतो. यांच्या एका हाकेवर समाज एकत्रित येत असतो. म्हणून त्यांनी सुद्धा आपला व आपल्या परिवाराचाच फक्त विचार केल्या पेक्ष्या साजाचा विचार करायला हवा होता, तेव्हाच समाज समोर गेला असता. नाहीतर जसे यांनी या पूर्वी केले तसेच आताही हे असेच करत असेल तर यांना आता रोखले पाहिजे. समाजाच्या विकासाची भूमिका घेणाऱ्यां सोबत आता समाजाने जायला पाहिजे. यांच्याच भरोस्यावर समाज राहीला तर अजूनही समाजाचा विकास होणार नाही. समाज जसा आहे तसाच राहील. अजूनही आपण राजकारण, समाजकारण आणि सामाजिक एकिकरण या पासून कोसो दूर राहू . म्हणून आता समाज बांधवांनी विचार करावा.आणि आपल्या समाजाला जो कोणी पूढे नेत असेल,त्याच्या सोबत समाजाने प्रामाणिक पने रहावे. मग तो कोणीही असो. राहला पुण्यश्लोक अहिल्यादेवी होळकर यांचा पुतळा अमरावती शहरात यांनी बसवला नाही. पण समाजाने आम्हाला साथ दिल्यास आम्ही आता पुण्यश्लोक अहिल्यादेवी होळकर यांचा 51 फुटी पुतळा अमरावती येथे काही दिवसात बसवून दाखवू. फक्त आपली सर्व समाज बांधवांची साथ आम्हाला पाहिजे.
जय मल्हार, जय अहिल्या, जय क्रांती

सचिन ढगे
9823854301