संदीप सदानंद कुंभार यांचा रत्नत्रय शैक्षणिक संकुलामध्ये विशेष सत्कार.
Akluj Vaibhav News Network.
Chief Editor : Bhagywant Laxman Naykude.
Akluj , Taluka Malshiras, District Solapur. Maharashtra State, India.
Mo. 9860959764.
अकलूज दिनांक 17/7/2023 : सदाशिवनगर येथील संदीप सदानंद कुंभार यांची केंद्रीय लोकसेवा आयोगामार्फत तांत्रिक सल्लागार तथा सचिव केंद्रीय बाष्पक मंडळ नवी दिल्ली या पदी नियुक्ती झाली आहे. त्यानिमित्त रत्नत्रय इंग्लिश मीडियम स्कूल व कनिष्ठ महाविद्यालय मांडवे येथे प्रमोद भैय्या दोशी मित्र मंडळ, रत्नत्रय परिवार व सदाशिवनगर ग्रामस्थ यांच्या संयुक्त विद्यमानाने एज्युकेशन सोसायटीचे संस्थापक अध्यक्ष अनंतलाल रतनचंद दोशी यांच्या शुभहस्ते सत्कार करण्यात आला. कुंभार यांचे प्राथमिक शिक्षण जिल्हा परिषद प्राथमिक शाळा इस्लामपूर व सदाशिवनगर, माध्यमिक शिक्षण कर्मवीर बाबासाहेब पाटील विद्यालय सदाशिवनगर येथे झाले. पदवी व पदव्युत्तर शिक्षण कराड येथे झाले. ते पूर्व उच्च प्राथमिक शिष्यवृत्ती परीक्षा व पूर्व माध्यमिक शिष्यवृत्ती परीक्षा मध्ये गुणवत्ता श्रेणीत आले होते. सत्कार प्रसंगी बोलताना संस्थेचे चेअरमन प्रमोद अनंतलाल दोशी यांनी, त्यांनी केलेल्या कष्टाचे फळ त्यांना मिळाले असल्याचे सांगितले. त्यांचा जीवन प्रवास हा सर्व पुढील पिढीसाठी प्रेरणादायी असल्याचे सांगितले. संस्थेचे संस्थापक अध्यक्ष अनंतलाल रतनचंद दोशी यांनी त्यांना मिळालेल्या यशाबद्दल कौतुक करून पुढील कार्य करत राहून सदाशिवनगरचे नाव उज्वल करावे अशा प्रकारच्या शुभेच्छा दिल्या. सत्कारास उत्तर देताना कुंभार म्हणाले की, माझ्या सर्व यशाचे श्रेय माझे आई, वडील, कुटुंब गुरुजन वर्ग तसेच माझा मित्र परिवार यांना आहे. त्यांनी सातत्याने प्रयत्न केल्यानंतर हमखास यश मिळते असे यशाचे गमक सांगितले. सदर प्रसंगी संस्थेचे संस्थापक अध्यक्ष अनंतलाल दोशी,सदानंद कुंभार, सदाशिवनगर ग्रामपंचायत सरपंच वीरकुमार अनंतलाल दोशी, रत्नत्रय एज्युकेशन सोसायटीचे सचिव प्रमोद अनंतलाल दोशी, सत्कारमूर्ती संदीप कुंभार, तुषार सानप, तनोज शहा, संतोष बनसोडे,शिवाजी खरात, सुभाष सुज्ञे, अमित पाटील, दैवत वाघमोडे, सर्व शिक्षक शिक्षकेतर कर्मचारी उपस्थित होते.
