शिक्षण प्रसारक मंडळाच्या 199 गुणवंत विद्यार्थ्यांचा सत्कार समारंभ बुधवारी
Akluj Vaibhav News Network.
Chief Editor Bhagywant Laxman Naykude.
Akluj , Taluka Malshiras, District Solapur. Maharashtra State, India.
Mo. 9860959764.
अकलूज दिनांक 03/07/2023 :
पुणे बोर्डाच्या वतीने मार्च २०२३ मध्ये घेण्यात आलेल्या इयत्ता १० वी व १२वी परीक्षेत यश प्राप्त केलेल्या शिक्षण प्रसारक मंडळातील १९९ गुणवंत विद्यार्थी, विद्यार्थिनी व त्यांच्या पालकांचा सत्कार समारंभ बुधवार दिनांक ५ जुलै २०२३ रोजी सकाळी ११ वाजता स्मृती भवन शंकरनगर येथे संस्थेचे जेष्ठ संचालक जयसिंह मोहिते पाटील यांच्या शुभ हस्ते होणार आहे.
या समारंभास संस्थेचे अध्यक्ष संग्रामसिंह मोहिते पाटील, संचालिका कु.स्वरुपाराणी मोहिते पाटील, सचिव अभिजीत रणवरे, सहसचिव हर्षवर्धन खराडे पाटील, सर्व संचालक मंडळ प्रमुख उपस्थित राहणार आहेत.
या सत्कार समारंभात १०वीचे ९० टक्के पेक्षा अधिक गुण प्राप्त केलेले११७ गुणवंत विद्यार्थी तसेच शाखावर प्रथम आलेले १३ असे १० वीचे एकूण १३० विद्यार्थ्यांचा, इयत्ता १२ वी च्या ८० टक्के पेक्षा अधिक गुण प्राप्त केलेले ६२ विद्यार्थी, विषयात पैकीच्या पैकी गुण प्राप्त केलेले ४ विद्यार्थी, व्यवसाय विभागात संस्थेत प्रथम १ विद्यार्थी, शाखावर प्रथम आलेले २ विद्यार्थी असे १२वीचे एकूण ६९ विद्यार्थी, व इयत्ता १०वी व १२वीचे एकूण १९९ गुणवंत विद्यार्थी व त्यांच्या पालकांचा सत्कार आयोजित केला आहे.
इयत्ता१०वी मध्ये संस्थेत प्रथम आलेले कु. अनुष्का केदारी ९७% (जिजामाता कन्या प्रशाला), द्वितीय कु. श्रुती चव्हाण ९६.८०% (पळसेश्वर विद्यालय पळसमंडळ), तृतीय चिरंजीव पुष्पराज मेहता ९५.८०% (समावि अकलूज).
इयत्ता १२वी मध्ये संस्थेत प्रथम आलेले कु. इकरा शेख ९३% (समावि अकलूज विज्ञान शाखा), द्वितीय कु. प्रांजली सावंत ९२.५०% (समावि विज्ञान शाखा), द्वितीय विभागून कु. पूर्वा गांधी ९२.५०% (क.बा.पा. विद्यालय सदाशिवनगर वाणिज्य शाखा), तृतीय कु. सानिका सूर्यवंशी ९१.३३% (समावि अकलूज विज्ञान शाखा) यांच्याबरोबरच कला, वाणिज्य, व्यवसाय अभ्यासक्रम यामध्ये प्रथम तीन आलेले विद्यार्थी यांचाही सत्कार होत आहे. यावेळी मुख्याध्यापक संजय गळीतकर ,सौ. सुनीता वाघ, अमोल फुले उपस्थित होते.
