आरोग्य व शिक्षण प्रेरक महाराष्ट्र सामाजिक

🟣देश स्वतंत्र होऊन ७५ वर्षे झाली तरीही धनगर वाड्यावर मुलभूत सोईसुविधा पोहचल्याच नाहीत : संजय वाघमोडे. 🔵एक वही समाज बांधवासाठी.. या उपक्रमार्तगत गगनबावडा तालुक्यातील २०० विद्यार्थ्यांना शैक्षणिक साहित्याचे वाटप

Chief Editor28/06/2023Last Updated: 28/06/2023

177 1 minute read

🟣देश स्वतंत्र होऊन ७५ वर्षे झाली तरीही धनगर वाड्यावर मुलभूत सोईसुविधा पोहचल्याच नाहीत : संजय वाघमोडे.

🔵एक वही समाज बांधवासाठी.. या उपक्रमार्तगत गगनबावडा तालुक्यातील २०० विद्यार्थ्यांना शैक्षणिक साहित्याचे वाटप

Akluj Vaibhav News Network Chief Editor Bhagywant Laxman Naykude.
Akluj, Taluka Malshiras, District Sholapur. Maharashtra State, India.
Mo. 9860959764.

गगनबावडा दिनांक 28/6/2023 : देश स्वतंत्र होऊन ७५ वर्षे झाली तरीही धनगर वाड्यावर मुलभूत सोईसुविधा पोहचल्याच नाहीत असे प्रतिपादन यशवंत क्रांती संघटनेचे संस्थापक अध्यक्ष संजय वाघमोडे यांनी केले. ते “एक वही समाज बांधवासाठी..दऱ्याखोऱ्यात राहणाऱ्या समाज बांधवांच्या मुलासाठी” या उपक्रमार्तगत गगनबावडा तालुक्यातील धनगर वाड्यावरील विद्यार्थ्यांना शैक्षणिक साहित्याचे वाटप कार्यक्रम प्रसंगी ते बोलत होते. एक वही समाज.. या क्रमांतर्गत संकलित झालेले शैक्षणिक साहित्य गगनबावडा तालुक्यातील धनगर वाड्यावरील २०० विद्यार्थ्यांना वाटप करण्यात आले.

यावेळी राधानगरी भुदरगड यशवंत क्रांती संघटना संपर्क प्रमुख संदिप झोरे, यशवंत क्रांती गगनबावडा अध्यक्ष धनाजी गावडे,सांगशी केंद्रप्रमुख आर. यु. गांगुर्डे उपस्थित होते.पूढे बोलताना ते म्हणाले कि देश स्वतंत्र होऊन 75 वर्षे झाली तरीही आर्थिक परिस्थितीमुळे विद्यार्थ्यांना चौथीपासून शिक्षण सोडून हॉटेल किंवा घर कामासाठी शहरात जावे लागते हि खरी दुर्दैवाची गोष्ट आहे. धनगरवाड्यावर विकास आजही पोहोचलाच नाही. सांगशी केंद्र प्रमुख गांगुर्डे यांनी सांगितले की संजय वाघमोडे यांच्या संकल्पनेतून सुरू झालेल्या एक वही समाज बांधवांसाठी दऱ्याखोऱ्यात राहणाऱ्या ,समाज बांधवांच्या मुलांसाठी या उपक्रमार्तंगत दुर्गम भागातील विद्यार्थ्यांना शैक्षणिक साहित्य देणेसाठी गगनबावडा तालुक्यातील वि.मं.वेसरफ, आश्रम शाळा पळसंबे, वि.मं.निगडेवाडी , वि.मं. भूतलवाडी (सांगशी ) वि‌. मं.जांभुळणीवाडी , वि .मं. नरवेली , माध्यमिक विद्यालय सांगशी, व माध्यमिक विद्यालयात येणा-या जवळपासच्या विद्यार्थ्यांचे डोंगर, द-याखो-यातून राहणारे जांभळी करवंदे, नेर्ले, पेरु, आळू, विकणा-या पालकांची मुलेमुली , शिक्षण घेत आहे. अशा २०० गरीब, गरजवंत विद्यार्थ्यांना आज,वह्या,पेन, असे साहित्य वाटप करणेत आले. त्या सर्व शाळेतील मुलांच्यामधील द्विगुणित आनंदाचे वातावरण मनाला बिंबवून ,मन प्रसन्न होवून शाळेचे प्रवाहात विद्यार्थी आकर्षित झाले. वह्या पेन मिळाल्यामुळे विद्यार्थी धाडसाने स्वतः हून बोलण्यासाठी पुढे येऊ लागले,आणि वह्या पेनचा उपयोग शिक्षणात ख-या अर्थाने वापर करून त्यापासून ज्ञानदान साठवण करून अभ्यासातील प्रगती वाढवून , स्पर्धा परिक्षेत धाडस, करून , यश मिळवू. असे विद्यार्थ्यांनी सांगितले. संजय वाघमोडे यांनी विद्यार्थ्यांशी संवाद साधून , विद्यार्थ्यांना प्रेरित करून प्रोत्साहन देवून शिक्षकांच्या कामाचे नियोजन ,शिक्षकांच्या कार्याबदद्ल त्या शाळेतील शिक्षक,व विद्यार्थ्यांचे कौतुक करून सर्वांचे हार्दिक अभिनंदन केले.