🟣अकलूज नगर परिषद स्वच्छता कामाचा झपाटा. 🔵 अवघ्या दोनच तासात अकलूज शहर स्वच्छ 🟠170 कर्मचाऱ्यांद्वारे 15 टन कचऱ्याची उचल बांगडी

🟣अकलूज नगर परिषद स्वच्छता कामाचा झपाटा.
🔵 अवघ्या दोनच तासात अकलूज शहर स्वच्छ
🟠170 कर्मचाऱ्यांद्वारे 15 टन कचऱ्याची उचल बांगडी

Akluj Vaibhav News Network.
Chief Editor Bhagywant Laxman Naykude.
Akluj , Taluka Malshiras, District Solapur. Maharashtra State, India.
Mo. 9860959764.

अकलूज दिनांक 25/6/2023 :
जगद्गुरु संतश्रेष्ठ तुकाराम महाराज पालखी सोहळा पंढरपूर साठी माळीनगरच्या दिशेने मार्गस्थ होताच अवघ्या दोन तासात अकलूज गाव चकाचक  बनवण्याचे काम पूर्ण करून अकलूज नगर परिषदेने स्वच्छता कामाचा झपाटा दाखवून सर्वांनाच चकित केले.170 कर्मचाऱ्यांद्वारे 15 टन कचऱ्याची उचल बांगडी करण्यात आली.

पालखी मार्गावरील कोणत्याही गावातून पालखी मार्गस्थ झाल्यानंतर स्वच्छतेची खूप मोठी समस्या निर्माण होते. परंतु अकलूज नगपरिषदेने हे आव्हान स्विकारून केवळ दोन तासातच अकलूज चकाचक केल्याने गावातील नागरीकांतून स्वच्छता कर्मचार्‍यांचे कौतुक करण्यात येत आहे.

संतश्रेष्ठ तुकाराम महाराज पालखी चे शनिवार दि.24 रोजी अकलूज मध्ये आगमन झाले होते. परंतु दिनांक 23 रोजी पालखी सराटी येथे मुक्कामी असली तरी जवळपास सर्वच वारकरी अकलूज मुक्कामी येणे पसंत करतात. पालखी बरोबरच्या लाखो वारकर्‍यांना सर्वतोपरी सुविधा देताना अकलूज नगरपरिषदेचे कर्मचारी रात्रंदिवस एक करून परीश्रम घेत होते. कालचा मुक्काम आटोपून आज सकाळी पालखीने माळीनगर कडे प्रस्थान केलेे

.
संत तुकारामांची पालखी मार्गस्थ होताच अकलूज नगरपरिषदेचे मुख्याधिकारी दयानंद गोरे यांच्या मार्गदर्शनाखाली नगरपरिषदेच्या सुमारे 170 कर्मचार्‍यांनी 20 घंटागाड्या व 10 पाणी टँकर, मैला टँकर च्या सहाय्याने केवळ दोन तासाच अकलूज शहर स्वच्छ केले. या साफसफाईमध्ये सुमारे 15 टन कचरा गोळा करण्यात आला.कमी वेळात अकलूज नगरपरिषदेने नियोजनबध्द साफसफाईने अकलूज परिसरातील नागरीकांतून स्वच्छता कर्मचार्‍यांचे

कौतुक करण्यात येत आहे. या स्वच्छता मोहिमेचा आदर्श पालखी मार्गावरील सर्वच छोट्या-मोठ्या गावांनी आणि शहरांनी घेतला तर पालखी गेल्यानंतरच्या उद्भवणाऱ्या रोगराईस मोठ्या प्रमाणात प्रतिबंध होण्यास मदत होईल. अशीही चर्चा सुजाण नागरिकांतून व्यक्त होत आहे.