🟪 पुण्यश्लोक अहिल्यादेवी होळकर यांचे त्रिशताब्दी जयंतीनिमित्त
एक दिवसीय नवउद्योजक मार्गदर्शन व कार्यशाळा संपन्न

अकलूज वैभव न्यूज नेटवर्क
आकाश भाग्यवंत नायकुडे
मुंबई दिनांक 02/05/2025 :
पुण्यश्लोक अहिल्यादेवी होळकर यांचे त्रिशताब्दी जयंतीनिमित्त कौशल्य विकास केंद्र (PM USHA) योजनेअंतर्गत एक दिवसीय नवउद्योजक मार्गदर्शन व कार्यशाळेचा उद्घाटन सोहळा भव्य थाटाने संपन्न झाला. 2 मे 2025 रोजी सकाळी 10 ते दुपारी 5 वाजेपर्यंत सहकार महर्षि शंकरराव मोहिते पाटील स्मृतीभवन शंकरनगर अकलूज येथे आयोजित करण्यात आलेल्या कार्य शाळेचे उद्घाटन आमदार उत्तमराव जानकर, आमदार रणजितसिंह मोहिते पाटील, खासदार धैर्यशिल मोहिते-पाटील, सौ शितलदेवी मोहिते पाटील, डॉक्टर लक्ष्मीकांत दामा(प्र. कुलगुरू, पुण्यश्लोक अहिल्यादेवी होळकर सोलापूर विद्यापीठ सोलापूर), डॉ. प्रभाकर कोळेकर ( समन्वयक, पुण्यश्लोक अहिल्यादेवी होळकर सोलापूर विद्यापीठ सोलापूर), मिलिंद बारापत्रे ( सहसंचालक व कार्यालय प्रमुख, मुंबई महाराष्ट्र राज्य एमएसएमई मंत्रालय भारत सरकार ),सुनील खुजनारे ( सहाय्यक संचालक, मुंबई महाराष्ट्र राज्य एमएसएमई मंत्रालय भारत सरकार), रितेश रंगारी (उपव्यवस्थापक, राष्ट्रीय लघु इंडस्ट्री कॉर्पोरेशन लि.NSIC भारत सरकार), डॉ. चेतन नरके ( सल्लागार, थायलंड देशाचे अर्थ मंत्रालय व वाणिज्य सल्लागार), सत्यजित हंगे ( ओनर टू ब्रदर्स ऑरगॅनिक फार्म) या मान्यवरांनी कार्यशाळेत मार्गदर्शन केले. यावेळी माळशिरस तालुका पंचायत समितीचे माजी उपसभापती अर्जुनसिंह मदनसिंह मोहिते पाटील, अकलूज ग्रामपंचायतचे माजी सरपंच शिवतेजसिंह उदयसिंह मोहिते पाटील हे उपस्थित होते.

पुण्यश्लोक अहिल्यादेवी होळकर सोलापूर विद्यापीठ सोलापूर, शिवरत्न इन्स्टिट्यूट ऑफ मॅनेजमेंट स्टडीज, ग्रीनफिंगर्स कॉलेज ऑफ कॉम्प्युटर अ‍ॅन्ड टेक्नॉलॉजी, विजयसिंह मोहिते-पाटील कॉलेज ऑफ नर्सिंग, रोटरी क्लब सराटी डिलाईट, राष्ट्रीय लघु उद्योग महामंडळ (NSIC), सूक्ष्म व लघु व मध्यम उद्योग मंत्रालय (MSME), यांचे संयुक्त विद्यमाने एक दिवसीय नवउद्योजक मार्गदर्शन व कार्यशाळेचे आयोजन करण्यात आले होते.
या कार्यक्रम प्रसंगी माढा लोकसभा मतदारसंघातील ज्या तरुणांनी उद्योग व्यवसाय क्षेत्रात भरारी घेतली त्यांचा “खासदार नव उद्योजक पुरस्कार” देऊन सन्मान करण्यात आला.