🟪 पुण्यश्लोक अहिल्यादेवी होळकर यांचे त्रिशताब्दी जयंतीनिमित्त एक दिवसीय नवउद्योजक मार्गदर्शन व कार्यशाळा

🟪 पुण्यश्लोक अहिल्यादेवी होळकर यांचे त्रिशताब्दी जयंतीनिमित्त
एक दिवसीय नवउद्योजक मार्गदर्शन व कार्यशाळा

अकलूज वैभव न्यूज नेटवर्क
आकाश भाग्यवंत नायकुडे
मुंबई दिनांक 01/05/2025 :
पुण्यश्लोक अहिल्यादेवी होळकर यांचे त्रिशताब्दी जयंतीनिमित्त कौशल्य विकास केंद्र (PM USHA) योजनेअंतर्गत एक दिवसीय नवउद्योजक मार्गदर्शन व कार्यशाळा 2 मे 2025 रोजी सकाळी 10 ते दुपारी 5 वाजेपर्यंत सहकार महर्षि शंकरराव मोहिते पाटील स्मृतीभवन शंकरनगर अकलूज येथे आयोजित करण्यात आलेली आहे.
पुण्यश्लोक अहिल्यादेवी होळकर सोलापूर विद्यापीठ सोलापूर, शिवरत्न इन्स्टिट्यूट ऑफ मॅनेजमेंट स्टडीज, ग्रीनफिंगर्स कॉलेज ऑफ कॉम्प्युटर अ‍ॅन्ड टेक्नॉलॉजी, विजयसिंह मोहिते-पाटील कॉलेज ऑफ नर्सिंग, रोटरी क्लब सराटी डिलाईट, राष्ट्रीय लघु उद्योग महामंडळ (NSIC), सूक्ष्म व लघु व मध्यम उद्योग मंत्रालय (MSME), यांचे संयुक्त विद्यमाने होणार असलेल्या एक दिवसीय नवउद्योजक मार्गदर्शन व कार्यशाळेसाठी आमदार रणजितसिंह विजयसिंह मोहिते पाटील, खासदार धैर्यशील राजसिंह मोहिते पाटील, आमदार उत्तमराव शिवदास जानकर, शिवरत्न शिक्षण संस्थेच्या अध्यक्षा सौ शितलदेवी धैर्यशिल मोहिते पाटील हे मान्यवर प्रमुख उपस्थिती राखणार आहेत.

डॉक्टर लक्ष्मीकांत दामा(प्र. कुलगुरू, पुण्यश्लोक अहिल्यादेवी होळकर सोलापूर विद्यापीठ सोलापूर), डॉ. प्रभाकर कोळेकर ( समन्वयक, पुण्यश्लोक अहिल्यादेवी होळकर सोलापूर विद्यापीठ सोलापूर), मिलिंद बारापत्रे ( सहसंचालक व कार्यालय प्रमुख, मुंबई महाराष्ट्र राज्य एमएसएमई मंत्रालय भारत सरकार ),सुनील खुजनारे ( सहाय्यक संचालक, मुंबई महाराष्ट्र राज्य एमएसएमई मंत्रालय भारत सरकार), रितेश रंगारी (उपव्यवस्थापक, राष्ट्रीय लघु इंडस्ट्री कॉर्पोरेशन लि.NSIC भारत सरकार), डॉ. चेतन नरके ( सल्लागार, थायलंड देशाचे अर्थ मंत्रालय व वाणिज्य सल्लागार), सत्यजित हंगे ( ओनर टू ब्रदर्स ऑरगॅनिक फार्म) हे दिग्गज मान्यवर या कार्यशाळेत मार्गदर्शन करणार आहेत.