प्रलोभन ,दबावाला बळी न पडता आपला पवित्र मतदानाचा हक्क बजवावा – मुख्याधिकारी दयानंद गोरे

प्रलोभन ,दबावाला बळी न पडता आपला पवित्र मतदानाचा हक्क बजवावा – मुख्याधिकारी दयानंद गोरे
Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 98 60 95 97 64
🔰आकाश भाग्यवंत नायकुडे
अकलूज दिनांक 19/03/2024
मतदारांनी धर्म,जात,नातेवाईक आणि प्रलोभांना,दबावाला बळी न पडता आपला पवित्र मतदानाचा हक्क बजवावा असे आवाहन अकलूज नगर परिषदेचे मुख्याधिकारी दयानंद दादासाहेब गोरे यांनी केले.
दिनांक 18 मार्च 2024 रोजी अकलूज नगरपरिषद हद्दीतील शंकरराव मोहिते प्रशाला, माळेवडी व नॉलेज सिटी, शंकरनगर तर 19 मार्च 2024 रोजी रत्नाई कृषी महाविद्यालय आनंदनगर – अकलूज येथे मतदार जनजागृती अभियान राबविण्यात आले. त्यामध्ये SVEEP नोडल अधिकारी म्हणून अकलूज नगरपरिषद मुख्याधिकारी दयानंद गोरे , नगर अभियंता राम भगनुरे, समन्वय शिक्षक सुहास उरवणे, कन्हेरे , प्रशाला शिक्षक वर्ग व नगर परिषद कर्मचारी उपस्थित होते.
मुख्याधिकारी गोरे म्हणाले की, ज्या विद्यार्थी ,विद्यार्थिनी यांचे वय वर्ष १८ सुरू आहे व ज्यांनी अद्यापही आपले नाव मतदार यादीत नोंदणी केलेले नाही त्यांनी ताबडतोब आपले नाव नवीन मतदार नोंदणी फॉर्म क्रमांक ६ भरून नोंदणी करावी.तसेच जे नव मतदार प्रथमच आपला मतदानाचा हक्क बजावणार आहेत.त्यांनी मतदान करण्यास गेल्यानंतर इलेक्ट्रॉनिक वस्तू जसे मोबाईल फोन आत घेऊन जाऊ नये व मतदान करताना गुप्तता पाळावी.कोणीही धर्म जात नातेवाईक किंवा अन्य कोणत्याही प्रलोभन,दबाव किंवा अमिषाला बळी न पडता आपला पवित्र असा मतदानाचा हक्क बजवावा.आपल्या भारत देशाच्या विकासाला बळकटी देण्यासाठी सक्षम अश्या उमेदवाराची योग्य निवड करावी असे आवाहन करून मतदार शपथ सर्वांना देण्यात आली.