💢 मेंढपाळ विष्णू माने यांना वनविभागाकडुन ९ हजार रुपये नुकसान भरपाई… 🟡 ‘यशवंत क्रांती’ च्या प्रयत्नांना यश

💢 मेंढपाळ विष्णू माने यांना वनविभागाकडुन ९ हजार रुपये नुकसान भरपाई…

🟡 ‘यशवंत क्रांती’ च्या प्रयत्नांना यश

अकलूज वैभव न्यूज नेटवर्क/ वृत्त एकसत्ता न्यूज :  शिवारे ता. शाहूवाडी येथील मेंढपाळ विष्णू माने रा. शिवारे यांच्या मेंढरांच्या कळपातील १ मेंढी बिबट्याच्या हल्लात ठार झाली होती. ठार झालेल्या मेंढीच्या नुकसान भरपाईपोटी ९ हजार रुपये वनविभागाकडून नुकसान भरपाई म्हणून देण्यात आले.
याबाबत सविस्तर माहिती अशी कि शिवारे ता. शाहुवाडी येथील मेंढपाळ विष्णू भिकाजी माने यांच्या मेंढरांचा कळप शिवारे गावातीलच शेतकरी सुभाष विष्णु पाटील यांच्या शेतात (गट नं. ७७२) खतासाठी बसायला असताना रविवार दिनांक ५/५/२०२४ रोजी रात्री १० वाजता बिंबट्यासदृष्य वन्य प्राण्यांने हल्ला करून एका मेंढीस ठार मारले होते. हल्ल्यानंतर मेंढपाळ विष्णू माने यांनी तातडीने यशवंत क्रांती संघटनेच्या शाखा शिवारे येथील पदाधिकऱ्यांशी संपर्क साधून घडलेली घटना सांगितली व मदतीची विनंती केली होती.
आशिष पाटील वनरक्षक आवळी, वनमजूर रामचंद्र यशवंत केसरे सौते, विष्णु कुभार आकुर्ळे, यांनी घटनास्थळी उपस्थित राहून घटनेचा पंचनामा केला. यशवंत क्रांती संघटनेचे संस्थापक अध्यक्ष संजय वाघमोडे यांनी घटनास्थळी भेट देऊन मेंढपाळांना आधार दिला व यशवंत क्रांती संघटना आपल्या पाठीशी भक्कम आहे व मृत मेंढीची नुकसान भरपाई वन विभागाकडून मिळेपर्यंत पाठपुरावा सुरू ठेवला होता.केलेल्या पाठपुराव्यास यश येऊन वनविभागा कडून मेंढीची भरपाई म्हणून ९ हजार रुपये मेंढपाळ विष्णू माने यांच्या खात्यावर जमा करण्यात आले. मेंढपाळ विष्णू माने यांनी वनविभाग अधिकारी, पशुवैद्यकीय अधिकारी, यशवंत क्रांती संघटनेच्या सर्व पदाधिकारी यांचे आभार मानले. यावेळी शाखासंपर्क प्रमुख, विजय धोंडिबा मुडळे उपाध्यक्ष, संदीप बापू मुडळे सदस्य, आनंदा बापू गोपणे सदस्य, विष्णु भिकाजी माने खजिनदार, संजय श्रीपती मुडळे सेक्रेटरी , रघुनाथ आण्णाप्पा मुडळे, शिवाजी दत्तु मुडळे सदस्य, संजय धोंडिबा मुडळे, अशोक ज्ञानदेव मुडळे संघटक , दिपक बापू मुडळे सदस्य, इत्यादी उपस्थित होते.