💢 अतिदुर्गम धनगर वाड्यावरील गरोदर मातेला अपेक्षित प्रसुती तारखेच्या ४ दिवस अगोदरच दवाखान्यात दाखल करण्यात येणार.. 🟨 यशवंत क्रांती संघटनेच्या निवेदनाची जिल्हा प्रशासनाकडून दखल

💢 अतिदुर्गम धनगर वाड्यावरील गरोदर मातेला अपेक्षित प्रसुती तारखेच्या ४ दिवस अगोदरच दवाखान्यात दाखल करण्यात येणार..

🟨 यशवंत क्रांती संघटनेच्या निवेदनाची जिल्हा प्रशासनाकडून दखल

Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 98 60 95 97 64

🔰 आकाश भाग्यवंत नायकुडे

मुंबई दिनांक 11/07/2024 :

अतिदुर्गम धनगर वाड्यावरील गरोदर मातेला अपेक्षित प्रसुती तारखेच्या ४ दिवस अगोदरच दवाखान्यात दाखल करण्यात येणार असल्याचे जिल्हा प्रशासनाने जाहीर करून संबंधित खात्याला तशा सूचना करून आदेश केले आहेत. कोल्हापूर जिल्ह्यातील अतिदुर्गम धनगरवाड्यावर रस्ते नसल्यामुळे अनेक धनगरवाड्यांचा पावसाळ्यात संपर्क तुटतो अशा ठिकाणाहुन महिलांना प्रसुतीसाठी केवळ रस्ता नसल्याने वेळेत दवाखान्यात दाखल करता न आल्याने गरोदर मातेस वेळेत उपचार न मिळाल्याने काही मातांचे मृत्यू झाला आहे. तर काही गरोदर मातेची प्रसूती जंगलात भर पावसात झाली आहे.अशा अनेक दुदैवी घटना घडलेल्या आहेत.अशा घटना वारंवार घडू नयेत म्हणून यशवंत क्रांती संघटनेच्या वतीने संघटनेचे संस्थापक अध्यक्ष संजय वाघमोडे याच्या नेतृत्वाखालील शिष्टमंडळाने अमोल येडगे जिल्हाधिकारी कोल्हापूर, कार्तिकेयन एस मुख्य कार्यकारी अधिकारी जिल्हा परिषद, व राजेंद्र गायकवाड जिल्हा आरोग्यधिकारी जिल्हा परिषद कोल्हापूर यांना यशवंत क्रांती संघटनेच्या वतीने निवेदन दिले.

[यशवंत क्रांती संघटनेच्या निवेदनाची दखल घेऊन तात्काळ तसे परिपत्रक काढण्यात आल्याबद्दल डॉ राजेश गायकवाड जिल्हा आरोग्यधिकारी जि.प.कोल्हापूर यांचा यशवंत क्रांती संघटनेच्या वतीने सत्कार करण्यात आला.]

त्यामध्ये खबरदारी घेण्याबाबत तसेच दुर्गम भागातील (धनगरवाडे) गरोदर महिलांच्या प्रसुतीच्या अपेक्षित तारखेच्या चार दिवस अगोदर शासकीय, प्राथमिक आरोग्य केंद्रामध्ये एका नातेवाईकांसह दाखल करून घेण्यात यावे व त्यांच्या जेवणासह राहण्याची सोय करण्यात यावी. जेणेकरून अशा गरोदर मातेला प्रसुतीवेळी व प्रसुतीपश्चात तात्काळ उपचार मिळतील.व बाळ बाळतीण सुखरूप राहतील. अशी विनंती निवेदनाद्वारे व प्रत्यक्ष चर्चा करून केली होती. यशवंत क्रांती संघटनेच्या निवेदनाची जिल्हा प्रशासनाने. तातडीने दखल घेऊन तसे आदेश जिल्ह्यातील सर्व प्राथमिक आरोग्य केंद्रांना, तालुका वैद्यकीय अधिकारी, प्रा. आ. केंद्राच्या वैद्यकीय अधिकाऱ्यांना देण्यात आले आहेत.

जिल्हा प्रशासनाने काढलेल्या आदेशात म्हटले आहे कि जिल्ह्यातील अतिदुर्गम धनगरवाडे भुस्कलन, पुरपरिस्थीती, तसेच अतिवृष्टीमुळे संपर्क होत नाही अशा दुर्गम भागातील धनगर वाड्यावरील ज्या महिलांची प्रसूतीतारीख जवळ आली आहे अशा गरोदर मातांना (महिलांना) प्रसुती तारखेच्या ४ दिवस अगोदर प्राथमिक आरोग्य केंद्रात एका नातेवाईकांसह दाखल करून घेण्यात यावे व त्यांच्या राहण्याची व जेवणाची सोय करण्यात यावी तसेच प्रसुती झाल्यानंतर जननी सुरक्षा योजनेचा लाभ देऊन प्राथमिक आरोग्य केंद्राच्या रुग्णवाहिकेतुन तिला घरी सोडण्यात यावे. कोणत्याही प्रकारची आरोग्य सुविधा अभावी गुंतागुंत होऊ नये. तसेच प्रसुती माता व नवजात अर्भक याच्या जीवितास धोका निर्माण होणार नाही याची गांर्भियाने नोंद घ्यावी. यामध्ये कोणत्याही प्रकारची कुचराई होणार नाही याची दक्षता घेण्यात यावी.
स्थलांतर करण्यासाठी एखाद्या गरोदर मातेचा नकार असलेस गरोदर मातेचे मतपरिवर्तन करण्यासाठी गावातील प्रतिष्ठीत नागरीक, सरपंच, पोलीस पाटील, विविध संस्थांचे पदाधिकारी तलाठी,ग्रामसेवक , यांचे सहकार्य घेण्यात यावे, आवश्यकता वाटल्यास, गटविकास अधिकारी, तहसीलदार, यांच्याशी पत्रव्यवहार करण्यात यावा.
यशवंत क्रांती संघटनेच्या वतीने कोल्हापूर जिल्ह्यातील अतिदुर्गम धनगर वाड्यावरील सर्व पदाधिकारी कार्यकर्ते, समाज बांधवांना आवाहन करण्यात येते की जर आपल्या धनगर वाड्यावर प्रसुती ची अपेक्षित तारीख जवळ आलेली गरोदर माता (महिला) आहे का खात्री करावी. जर अशी गरोदर माता आढळून आल्यास तिला व तिच्या बरोबर एका नातेवाईकास प्रसूतीच्या अपेक्षित तारखेच्या अगोदर चार दिवस जवळच्या प्राथमिक आरोग्य केंद्रात दाखल करण्यात यावे.म्हणजे प्रसुती वेळी व प्रसुती पश्चात तातडीने आरोग्य उपचार मिळून बाळ आणि बाळतीण सुखरूप राहतील यासाठी प्रयत्न करावेत. काही अडचण आल्यास यशवंत क्रांती संघटनेच्या पदाधिकारी किंवा आपल्या भागातील प्रा. आ. केंद्र, उपकेंद्र, आरोग्य सेविका, आरोग्य सेवक, आशा स्वयंसेविका अंगणवाडी सेविका यांच्याशी संपर्क साधावा. असे आवाहन यशवंत क्रांती संघटनेचे संस्थापक अध्यक्ष संजय वाघमोडे यांनी केले आहे.