🔴बंगळुरू बॉम्बस्फोटात भा.ज.पा.च्या कार्यकर्त्याला अटक, ⚫तपासात धक्कादायक माहिती उघड

Chief Editor06/04/2024Last Updated: 06/04/2024

189 1 minute read

🔴बंगळुरू बॉम्बस्फोटात भा.ज.पा.च्या कार्यकर्त्याला अटक,

⚫तपासात धक्कादायक माहिती उघड

Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 98 60 95 97 64

नवी दिल्ली, दिनांक 06/04/2024 :
कर्नाटकची राजधानी बंगळुरू येथील रामेश्वरम कॅफेमध्ये शक्तिशाली बॉम्बस्फोट प्रकरणाचे धागेदोरे उलगडले असून,
धक्कादायक माहिती उघडकीस आली आहे.
बॉम्बस्फोट प्रकरणात आरोपी साई प्रसाद हा भा.ज.पा.चा कार्यकर्ता असून, राष्ट्रीय तपास यंत्रणेने (एन.आय.ए.) त्याला अटक केली आहे.
बंगळुरूच्या व्हाइटफिल्ड परिसरातील प्रसिद्ध रामेश्वरम कॅफेत १ मार्च २०२४ ला दुपारी १२.५० च्या सुमारास बॉम्बस्फोट झाला. हा आईडी स्फोट होता. या स्फोटात १० जण जखमी झाले. ‘एन.आय.ए.’ने तपास हाती घेतला. सी.सी.टी.व्ही. आणि इतर पुराव्यांच्या आधारे पॉप्युलर फ्रंट ऑफ इंडिया (पी.एफ.आय.) या दहशतवादी संघटनेशी संबंधित मुझाविर हुसेन शाझीब आणि अब्दुल मतीन ताहा या दोघांना शिवमोगा जिह्यातील तिथहिल्ली गावातून अटक केली. त्यानंतर चिकमंगळूरू जिह्यातून मुझामिल शारिफला अटक केली.
‘एन.आय.ए.’ने आणखी आरोपींच्या शोधासाठी कर्नाटक, तामीळनाडू आणि उत्तर प्रदेशातील १८ ठिकाणी छापे टाकले. प्रत्येकी फरारी आरोपांच्या शोधासाठी १० लाख रुपयांचे बक्षीस जाहीर केले.
त्यात आणखी धक्कादायक माहिती उघड झाली असून, साई प्रसाद या भा.ज.पा. कार्यकर्त्याला अटक केली आहे.
साई प्रसादच्या स्फोटाशी संबंधित आरोपींशी काय संबंध आहे? स्फोटके त्याने ठेवली होती का ? याची चौकशी एन.आय.ए.कडून सुरू आहे.

*प्रत्येक वेळी टेरर कनेक्शन भा.ज.पा.चंच का?
काँग्रेसचा सवाल

बंगळुरू बॉम्बस्फोट प्रकरणी संशयित म्हणून भा.ज.पा.च्या कार्यकर्त्याला अटक करण्यात आल्यानंतर काँग्रेसने भा.ज.पा.ला लक्ष्य केले आहे. नेहमी भा.ज.पा.चेच टेरर कनेक्शन का निघतं, असा सवाल काँग्रेसकडून करण्यात आला आहे. ही बातमी टी.व्ही. चॅनेल दाखवणार नाहीत आणि ते का हे सगळ्यांनाच माहीत आहे, असा निशाणाही काँग्रेसने साधला.

*रवा इडली खाल्ली आणि स्फोटकांची बॅग ठेवून गेला

कॅफेत आला तेव्हा आरोपीने चष्मा घातला होता. डोक्यावर टोपी होती. त्याने रवा इडली खाल्ली आणि हातातील स्फोटकांनी भरलेली बॅग कॅफेत ठेवून गेल्याचे सी.सी.टी.व्ही.त स्पष्ट दिसत आहे.