💢संजय वाघमोडे यांना राज्यस्तरीय गरुड झेप पुरस्कार प्रदान

💢संजय वाघमोडे यांना राज्यस्तरीय गरुड झेप पुरस्कार प्रदान

Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 98 60 95 97 64

🔰 संकलन : आकाश भाग्यवंत नायकुडे

मुंबई दिनांक 11/06/2024 :

यशवंत क्रांती संघटनेचे संस्थापक अध्यक्ष संजय वाघमोडे यांना ईगल फौंडेशन संस्थेचा “राज्यस्तरीय गरुडझेप पुरस्कार2024” माजी आ. रामहरी रूपनवर यांच्या हस्ते व समाज कल्याण आयुक्तालय पुणे च्या उपसंचालक श्रीम.निशादेवी वाघमोडे (बंडगर), ईगल फाऊंडेशनचे अध्यक्ष विलासराव कोळेकर यांच्या उपस्थितीत प्रदान करण्यात आला.आण्णासाहेब डांगे शैक्षणिक संकुल आष्टा येथील सभागृहात संपन्न झालेल्या सोहळ्यात पुण्यश्लोक अहिल्यादेवी होळकर विद्यापीठ सोलापूर चे सहाय्यक कुलसचिव डॉ.शिवाजी नारायणराव शिंदे, मुंबई हायकोर्ट वकील संघटनेचे उपाध्यक्ष अँड विलासराव कोळेकर, बाळासाहेब कोळेकर (इलेक्ट्रॉनिक मिडिया), अविनाश रामचंद्र गायकवाड, आर.एस.पी.ऑफीसर डॉ.मनिलाल रतिलाल शिंपी, डॉ.मीना प्रमेंद्र श्रीवास्तव, दै.महासत्ता चे शिराळा प्रतिनिधी विनायक गायकवाड, सौ.अर्चना सुरेश पाटील ,प्रा.डॉ.जयसिंग होनाजी गाडेकर, माधव मंचकराव मुंडे, रामराजे फड खादगांवकर, संजय वाघमोडे, तानाजी मारुती पाटील, संध्या अंकुश जानकर, सौ.पल्लवी वढवेकर बर्वे, गंधारधून.. संस्था , सुनील यशवंत हळदणकर, सुरेश केसरकर , प्रशांत पुजारी वाडीकर, निलेश बाळाराम पाटील, विक्रम राजाराम धुमाळ, बापू पांडुरंग जेधे , बबनराव गंगाराम धायगुडे, सौ.भारती औटी, बाळा यशवंत साठे, माधुरी अनिल पाटील ,श्रीमती सुनंदा मधुकर वायदंडे , संदीप हणमंत कुंभार यांनाही सन्मानचिन्ह, मानपत्र देवून इगल पुरस्काराने गौरविण्यात आले.

दुर्गम असणाऱ्या दऱ्याखोऱ्यात वाड्यावस्तीत घनदाट जंगलात आपल्या लेकराबाळासह मोठ्या हिमतीने व धाडसाने राहणारी जमात म्हणजेच आपला धनगर समाज होय. प्रामुख्याने शेळ्या -मेंढ्यांना आपल्या लेकराप्रमाणे जीव की प्राण समजून त्यांच्यावर प्रेम करणारी ही साधी भोळी माणसे आज आधुनिकरणाच्या या युगात कुठेतरी मागे पडू नये ते या जगाच्या प्रवाहाबरोबर पुढे जावेत हा प्रामाणिक उदांत हेतू ठेवून मी माझ्या समाजाचं काही तरी देणं आहे.. या शुद्ध हेतूने संजय वाघमोडे यांनी यशवंत क्रांती नावाची संघटना स्थापन केली. लहानपणापासून गरिबीची जाण असल्याने आपल्या समाजाचे नेमके दुखणे काय आहे हे परिस्थितीमुळे लहानपणीच कळाले होते. यातून समाजकार्याची आवड निर्माण झालेने आपल्या समाजासाठी काहीतरी करावे. ही त्यांची धडपड सतत चालू होती त्याचाच भाग म्हणून यशवंत क्रांती संघटनेमार्फत विविध समाजकार्य त्यांच्या हातून घडू लागली. “एक वही समाज बांधवांसाठी, दऱ्याखोऱ्यात रहाणाऱ्या समाजबांधवा च्या मुलासाठी” हा उपक्रम सुरू झाला. या उपक्रमाच्या माध्यमातून दरवर्षी केवळ परिस्थिती मुळे विद्यार्थ्यांना आपले शिक्षण अर्धवट सोडावे लागू नये म्हणून दर वर्षी लोकसहभागातून गरजू विद्यार्थ्यांना मोफत शैक्षणिक साहित्याचे वाटप केले जाते. यासारखे अनेक उपक्रम संजय वाघमोडे यांनी सुरू केले आहेत. या उपक्रमाची सुरुवात राजमाता अहिल्यादेवी होळकर जयंतीनिमित्त दरवर्षी केली जाते या जयंतीनिमित्त लोकांना असे आवाहन केले जाते की जयंती धुमधडाक्यात साजरी करा परंतु अनावश्यक खर्च टाळून एक वही समाजबांधवांसाठी या सामाजिक उपक्रमाला हातभार लावा. शैक्षणिक साहित्य देऊन आपल्या समाज बांधवांची मुले शिकवून त्यांचे हात बळकट करण्यासाठी या उपक्रमात शैक्षणिक साहित्य देऊन सहभागी व्हावे.असे आवाहन केले जाते. “एक कॉल प्रॉब्लेम साँल” या उपक्रमाच्या माध्यमातून संपूर्ण महाराष्ट्रातील मेंढपाळ बंधू भगिनी तसेच धनगरवाड्यावरील अडचणीत असलेल्यांना मदत केली जाते. आजपर्यंत या उपक्रमाच्या माध्यमातून अनेक बांधवांना आर्थिक नुकसान भरपाई मिळवून देण्याची मोलाची कामगिरी संघटनेमार्फत झाली आहे. याचाच एक भाग म्हणून कै. रामचंद्र गडदे रा.नागोळे तालुका कवठेमहांकाळ जिल्हा सांगली या मेंढपाळाचा अंगावर वीज पडून मृत्यू झाला त्याच्या कुटुंबीयांना शासनाकडून आर्थिक मदत म्हणून चार लाख तीस हजार रुपयांची मदत संजय वाघमोडे यांनी संघटनेमार्फत मिळवून दिली. तसेच मेंढपाळ समाज हा भटकंती करणार असल्याने डोंगर कपारीत वन्य प्राण्यांच्या हल्ल्याची शक्यता असते. बिरु जोंग रा. राशिवडे ता. राधानगरी या बांधवांच्या मेंढरांच्या तळावर लांडग्यांच्या हल्ला करून ३२ मेंढ्यांना ठार केले होते त्यास वन विभागाकडून २ लाख ४४ हजार ७६३ रुपये नुकसान भरपाई तर लोकसहभागातुन म्हणजे सोशल मीडियावर आव्हान करून दीड लाख रुपये जमा करून मिळालेल्या रक्कमेतुन ३० मेंढरे घेऊन देण्यात आली.
छत्रपती शाहू महाराजांच्या राज्यात “विठ्ठल तु एकटा नाहीस” हा उपक्रम राबवून वन्य प्राण्यांच्या (गव्याच्या) हल्ल्याची जखमी झालेल्या गरीब धनगर वाड्यातील विठ्ठल बाजारी यांच्या उपचारासाठी लागणार आर्थिक खर्च लोकसभागातून केला गेला त्यासाठी हजारो रुपयांची आर्थिक मदत या संघटनेच्या माध्यमातून समाज बांधवांकडून करण्यात आली.
कोरोना काळामध्ये जिल्हा बंदी असल्याने समाज बांधवांच्या आर्थिक व पोटापाण्याची हाल होऊ लागले याचाच विचार करून संघटनेच्या माध्यमातून शासन दरबारी यांचे विरोधात आवाज उठवून मेंढपाळांना जिल्हाबंदी उठविण्यात यावी यासाठी महत्त्वाची भूमिका संघटनेने बजावली तसेच लॉकडाऊन मध्ये “यशवंत वैद्यकीय कक्ष” सुरू करून मेंढपाळ बांधवांना तातडीचे वैद्यकीय मदत करण्यात आली. जंगलात राहणाऱ्या बांधवांना वन्यप्राण्यांच्या हल्ल्यानंतर नुकसान भरपाई मिळत नव्हती. नुकसान भरपाई मिळावी यासाठी सतत पाठपुरावा करून सन २००४ साली निर्णय बदलण्यास शासनास भाग पाडले. वसंतराव नाईक इतर मागासवर्गीय महामंडळाच्या सर्व योजनांचा फायदा, राष्ट्रीय बँका बरोबर जिल्हा मध्यवर्ती बँकेतही योजनाचा लाभ मिळावा सतत पाठपुरावा करून सदर योजनेसाठी मध्यवर्ती बँकेचा समावेश करण्यात आला.याचा फायदा धनगर समाजातील जवळजवळ शंभर तरुणांनी घेऊन प्रत्येकी दहा लाख रुपये बिनव्याजी कर्जही घेतलेले आहे. दुर्गम भागातील बांधवाचे केवळ वैद्यकीय उपचार वेळेत मिळाले नाहीत अनेकदा बांधवांचा मृत्यू होतो हे टाळण्यासाठी शासनाकडून वाडया- वस्त्यावर आरोग्यदुत नेमण्यात यावेत यासाठी सतत पाठपुरावा सुरू आहे. तसेच अनेक विद्यार्थी विद्यार्थिनींना वैद्यकीय व इंजिनिअरींगचे शिक्षण घेण्यासाठी अर्थिक मदत केली आहे. अश्या सामाजिक कार्याची दखल घेऊन आत्तापर्यंत त्यांना समाजभूषण, धनगर रत्न, समाजरत्न, समाजसेवक, देवदूत, अशा विविध पुरस्काराने सन्मानित करण्यात आले आहे. या यशवंत क्रांती संघटनेच्या सामाजिक कार्याबद्दल प्रथम पारितोषिक देण्यात आले. संजय वाघमोडे यांना २०२३चा ठाणे येथे राज्यस्तरीय धनगर रत्न पुरस्कार ठाणे प्रतिष्ठान कडून देण्यात आला आहे. तसेच शाहू स्मारक भवन कोल्हापूर येथे गंगाधर न्यूज पेपर कोल्हापूर यांच्याकडून नुकताच त्यांना समाजभूषण पुरस्कार देऊन गौरविण्यात आले. त्यांनी सामाजिक कार्यातुन तरुण युवा पिढी समोर आदर्श निर्माण केला आहे. त्यांच्या कार्याची दखल घेऊन ईगल फाउंडेशन कडून २०२४ चा गरुडझेप पुरस्कार देऊन त्यांना सन्मानित करण्यात आले. यावेळी पत्रकार डॉ तानाजी टकले, अतुल धनगर, दादासो गावडे, भीमराव गावडे, तानाजी गावडे, इंजिनियर अभिजित ताटे, अंकुश ढोले,पै पोपट शेळके, किरण हजारे, व अन्य. गजानन आरगे, पिंटू गावडे बिरू अनुसे अभिजित ताटे याच्यासह यशवंत क्रांती संघटनेचे पदाधिकारी व अनेक वृत्तपत्राचे संपादक , इलेक्ट्रॉनिक मिडीयाचे विशेष प्रतिनिधी, पत्रकार, व मान्यवर उपस्थित होते.