💢”शेती, पिण्याच्या व पशुधनासाठी पाणीपुरवठा बाबत इंदापूर वर अन्याय होऊ देणार नाही”- उपमुख्यमंत्री पवार 🟢हातबल इंदापूरकरांसाठी पालकमंत्र्याचा शेतकरी संघटनेला शब्द

💢”शेती, पिण्याच्या व पशुधनासाठी पाणीपुरवठा बाबत इंदापूर वर अन्याय होऊ देणार नाही”- उपमुख्यमंत्री पवार

🟢हातबल इंदापूरकरांसाठी पालकमंत्र्याचा शेतकरी संघटनेला शब्द

Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 98 60 95 97 64

🔰 आकाश भाग्यवंत नायकुडे

मुंबई दिनांक 02/06/2024 :
“शेती, पिण्याच्या व पशुधनासाठी पाणीपुरवठा बाबत इंदापूर वर अन्याय होऊ देणार नाही” असे दिलासादायक वक्तव्य उपमुख्यमंत्री अजित पवार यांनी केले. शरद जोशी विचारमंच शेतकरी संघटनेने गेल्या डिसेंबर पासून इंदापूर तालुक्याला पिण्याचे पाणी, पशुधन वाचवण्यासाठी व शेतीला चारा पिकांसाठी, ग्रामीण भागातील शेतकरी कष्टकऱ्यांसाठी पिण्याचे पाणी सोडण्याची मागणी जिल्हाधिकारी तसेच जिल्हा नियोजनाच्या बैठकीत निवेदनाद्वारे केलेली होती. या संदर्भात संघटनेच्या वतीने साखर संकुल पुणे येथे पालकमंत्र्यांची भेट घेऊन संघटनेचे सर्वेसर्वा विठ्ठल राजे पवार आणि संघटनेचे मान्यवर पदाधिकारी यांनी मागण्यांचे निवेदन सादर केले त्याप्रसंगी पालकमंत्री बोलत होते.

दि 1 जुन रोजी शरद जोशी विचारमंच शेतकरी संघटनेचे राष्ट्रीय अध्यक्ष तथा राष्ट्रीय निमंत्रक व एनयूबीसी अर्थात राष्ट्रीय पिछडा वर्ग महासंघाचे वेस्टर्न भारताचे अध्यक्ष विठ्ठल राजे पवार, संघटनेचे प्रदेश युवक अध्यक्ष अंकुश काळे पाटील, युवक सदस्य सुनील अवचिते पारनेर, मारुती जाधव नांदेड, जिल्हाध्यक्ष बाळासाहेब वर्पे पाटील, दिपक फाळके, शेतकरी संघटनेचे पुणे जिल्हा व राज्यातील पदाधिकारी व कार्यकर्ते यावेळी उपस्थित होते.
शेतकरी संघटनेच्या मागणीवर दोन-तीन दिवसात शेती व पशुधन संदर्भात पाणी सोडण्याचा निर्णय जिल्हा प्रशासन घेणार असल्याची माहिती जिल्हाधिकारी सुहास दिवसे यांनी देखील संघटनेला भ्रमणध्वनीवरून चर्चा करताना सांगितलेले आहे. इंदापूर तालुक्याचा पाण्याचा प्रश्न दोन तीन दिवसातच मार्गी लागेल असा शब्द पालकमंत्र्यांनी दिलेला आहे, त्यामुळे शेतकरी संघटनेचे अध्यक्ष विठ्ठल राजे पवार यांनी समाधान व्यक्त केले.