सहकार महर्षि अभियांत्रिकी महाविद्यालयामध्ये वेब अॅप्लीकेशन डेव्हलपमेंट कार्यशाळा संपन्न
सहकार महर्षि अभियांत्रिकी महाविद्यालयामध्ये वेब अॅप्लीकेशन डेव्हलपमेंट कार्यशाळा संपन्न
Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 98 60 95 97 64
🔰 आकाश भाग्यवंत नायकुडे
अकलूज दिनांक 11/04/2024 :
येथील सहकार महर्षि शंकरराव मोहिते पाटील इन्स्टिट्यूट ऑफ टेक्नॉलॉजी अँड रिसर्च, शंकरनगर-अकलूज या अभियांत्रिकी महाविद्यालयामध्ये पदवी कॉम्प्युटर सायन्स अँड इंजिनिअरिंग विभागा मार्फत, वेब अॅप्लीकेशन डेव्हलपमेंट या विषयावर सहा दिवसीय कार्यशाळा संपन्न झाल्याची माहिती पदवी कॉम्प्युटर सायन्स अँड इंजिनिअरिंग विभागाचे विभाग प्रमुख प्रा. सचिन पांढरे यांनी दिली .
कार्यक्रमाचे प्रास्ताविक विश्वराज अलगुडे व सार्थक मोरे या विद्यार्थ्यांनी केले. या कार्यशाळेमध्ये विद्यार्थ्यांना मार्गदर्शन देण्यासाठी फोराइज सॉफ्टवेअर सोल्युशन प्रायव्हेट लिमिटेड, पुणे कंपनी मधील सॉफ्टवेअर डेव्हलपर, अक्षय जाधव हे उपस्थित होते. कार्यशाळेमध्ये अक्षय जाधव यांनी विद्यार्थ्यांना वेगवेगळ्या टेक्नॉलॉजी ज्या क्रिएटिंग, बिल्डींग अँड मेंटेनिंग वेबसाईट अँड वेब अप्लिकेशन साठी वापरल्या जातात याबद्दल सविस्तर माहिती प्रात्यक्षिकांद्वारे दिली. तसेच विद्यार्थ्यांकडून वेगवेगळ्या वेबसाईट बनवून घेण्यात आल्या.
सदर कार्यशाळेप्रसंगी विद्यार्थ्यांना संबोधित करताना महाविद्यालयाचे प्राचार्य डॉ. प्रवीण ढवळे म्हणाले की विद्यार्थ्यांच्या सर्वांगीण विकासासाठी महाविद्यालय विकास समिती अध्यक्षा स्वरूपाराणी जयसिंह मोहिते पाटील यांचे मार्गदर्शना खाली अशा प्रकारचे वेबिनार, कार्यशाळा महाविद्यालयामध्ये वेळोवेळी आयोजित केले जातात यामधून विद्यार्थ्यांना त्यांच्या टेक्निकल कौशल्यामध्ये वाढ होऊन, व अलीकडील आयटी मधील नवीन ट्रेंडस कळतात त्याचा फायदा विद्यार्थ्यांना जॉब मिळवण्यासाठी व स्वतःची आयटी कंपनी सुरु करण्यासाठी होत आहे. अशी कार्यशाळा संपन्न करण्यासाठी मॅनेजमेंट नी केलेल्या सहकार्या बद्दल डॉ. प्रवीण ढवळे यांनी मॅनेजमेंट चे आभार मानले. सदर कार्यशाळा यशस्वीपणे पार पाडण्यासाठी कार्यक्रमाच्या समन्वयक म्हणून प्रा. रूपाली सूर्यवंशी यांनी काम पाहिले.
