🟪अंजनगाव खेलोबा येथे वीज पडून दोन गाईंचा मृत्यू 🟦 दोन लाख रुपये खाजगीत कर्ज काढून उभारलेला दुग्ध व्यवसाय विज पडून नष्ट 🟪पशु पालक शेतकरी हताश

🟪अंजनगाव खेलोबा येथे वीज पडून दोन गाईंचा मृत्यू

🟦 दोन लाख रुपये खाजगीत कर्ज काढून उभारलेला दुग्ध व्यवसाय विज पडून नष्ट

🟪पशु पालक शेतकरी हताश

Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 98 60 95 97 64

🔰 आकाश भाग्यवंत नायकुडे

अकलूज दिनांक 12/04/2024 :
सलगर वस्ती, अंजनगाव खेलोबा (तालुका माढा, जिल्हा सोलापूर) येथे घरासमोर झाडाखाली बांधलेल्या गाईंच्या अंगावर वीज पडून दोन गाईंचा मृत्यू झाला.
गणेश शंकर सलगर यांच्या राहत्या घरासमोर असलेल्या झाडाखाली दोन दुभत्या गाई बांधलेल्या असताना
काल सायंकाळी अचानक सुरू झालेल्या अवकाळी पावसात वीज अंगावर पडून दोन्ही गाईंचा मृत्यू होऊन दोन लाख रुपयाचे नुकसान झाले. आज रीतसर पोस्टमार्टम प्रक्रिया पूर्ण झाली.

सध्याच्या अवर्षणग्रस्त परिस्थितीमध्ये शेतीला जोड व्यवसाय म्हणून खाजगीत दोन लाख रुपये कर्ज काढून सुरू केलेल्या दुग्ध व्यवसायातील मुख्य असणारा घटक गाईंच्या मृत्यूने सदर कुटुंबीयांचे आर्थिक विश्व कोलमडून पडले गेले आहे. मोठ्या कष्टाने सुरू असलेल्या दुग्ध व्यवसायाच्या माध्यमातून दररोज मिळणारे उत्पन्न या दोन गाईंच्या मृत्यूने कायमचे बंद पडल्याने सदर शेतकरी निराशेच्या गर्तेत सापडला आहे. त्यामुळे या दुर्घटनेत दोन गाईंचा मृत्यू होऊन झालेली नुकसान भरपाईची रक्कम शासकीय पातळीवर तातडीने दखल घेऊन संबंधित शेतकऱ्याला त्वरित मिळावी अशी भावना सर्व स्तरातून व्यक्त होत आहे. सध्या लोकसभा निवडणुकीचे वातावरण असल्याने अवर्षणग्रस्त, आपत्तीग्रस्त शेतकऱ्यांच्या मदतीला जाण्याऐवजी शासकीय अधिकारी आणि कर्मचारी हे मीटिंगच्या नावाखाली धावपळ करताना दिसत आहेत याबद्दल दुर्घटनास्थळी भेटीस आलेल्या असंख्य नागरिकांनी खंत व्यक्त करीत अधिकारी आणि कर्मचाऱ्यांच्या अनिष्ठ वृत्तीला दोष देत नाराजी व्यक्त केली.