सहकार महर्षि साखर कारखान्यात सुरक्षितता सप्ताह संपन्न
Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 98 60 95 97 64
🔰आकाश भाग्यवंत नायकुडे
अकलूज दिनांक 11/03/2024 :
सोलापूर जिल्ह्यातील माळशिरस तालुक्याच्या शंकरनगर अकलूज येथील सहकार महर्षि शंकरराव मोहिते-पाटील सहकारी साखर कारखान्यात दि. ४ मार्च २०२४ ते ११ मार्च २०२४ या कालावधीमध्ये सुरक्षितता सप्ताहाचे आयोजन करण्यात आले होते.
दि. ४ मार्च हा सुरक्षितता दिन व तेथून ११ मार्च २०२४ पर्यन्त सुरक्षितता सप्ताह पाळण्याचे आवाहन करण्यात आले होते. सदर कार्यक्रमाचे सुरूवातीला सहकार महर्षिचे प्रतिमेचे पूजन कारखान्याचे कार्यकारी संचालक राजेंद्र केरबा चौगुले यांचे हस्ते करून सुरक्षितता सप्ताहाचा प्रारंभ झाला. यावेळी डेप्युटी चिफ् इंजिनिअर सुनिल पांडुरंग पताळे यांनी सर्वांना एकत्रितपणे सुरक्षिततेची शपथ दिली. कार्यकारी संचालक यांनी कारखाना कर्मचारी यांना सुरक्षितता नियमांचे पालन करुन व सुरक्षितता साधनांचा वापर करुन कामे करावीत असे आवाहन केले.
त्यानंतर सुरक्षा अधिकारी पुष्पदास भानुदास रणनवरे यांनी कामगारांनी काम करित असतांना काय दक्षता घ्यावी, कामगाराचे हित व कारखान्याचे हित कसे जोपासावे, विविध विभागातील अडचणींबाबत मार्गदर्शन करून सुरक्षितता विभागामार्फत कामगारांसाठी दिलेली सुरक्षा साधने याचा वापर करणेबाबत योग्य सूचना केल्या. सुरक्षितता सप्ताहामध्ये सुरक्षा विभागामार्फत व्हिडिओ फिल्म दाखवुन जनजागृती केली. कार्यकारी संचालक, पांडुरंग एकतपुरे, सेक्रेटरी यांचे शुभहस्ते निबंध, चारोळी व घोषवाक्य स्पर्धेतील विजेत्या स्पर्धकांना बक्षिस वितरण केले. निबंध लेखन प्रथम क्रमाक सुरज गोडसे, द्वितीय क्रमांक- रविंद्र दोलतोडे. चारोळी लेखन प्रथम क्रमांक विनायक कुंभार, द्वितीय क्रमांक संजय कुंभार. घोषवाक्य लेखन प्रथम क्रमांक जालिंदर कावळे, द्वितीय क्रमांक नागेश गुळवे, तृतीय क्रमांक सुहास दोशी यांना बक्षिस वितरण करण्यात आले.
कारखान्याचे मार्गदर्शक व महाराष्ट्र राज्याचे माजी उपमुख्यमंत्री विजयसिंह मोहिते-पाटील व चेअरमन जयसिंह मोहिते-पाटील यांचे कुशल नेतृत्वाखाली कारखाना प्रगतिपथावर कार्यरत असून कारखान्याने राज्यपातळीवर व देशपातळीवरील विविध पारितोषिके मिळवणारा कारखाना म्हणून ख्याती मिळविलेली आहे.
सदर कार्यक्रमास शिवसृष्टी संचालक पांडुरंग एकतपुरे,
,कारखान्याचे सेक्रेटरी अभयसिंह माने देशमुख, चिफ् अकौंटंट वाय. बी. इनामदार, चिफ केमिस्ट सुनिल जाधव, को-जन मॅनेजर वाय. के. निंबाळकर, परचेस ऑफिसर राजेंद्र गायकवाड लेबर अॅण्ड वेलफेअर ऑफिसर साळुंखे, हेड टाईम किपर वाघ, सिक्युरिटी ऑफिसर एन. सी. निंबाळकर, कामगार प्रतिनिधी तसेच सर्व कामगार ऊपस्थित होते. कार्यक्रमाचे सुत्रसंचालन व आभार प्रदर्शन गजानन पिसे यांनी केले.सहकार महर्षि साखर कारखान्यात सुरक्षितता सप्ताह संपन्न झाला
