WDSO चा समाज जोडो अभियानांतर्गत पश्चिम महाराष्ट्र व कोकण विभाग पदाधिकारी मेळावा
Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 9860959764.
आकाश भाग्यवंत नायकुडे.
मुबई दिनांक 20/12/2023 : वर्ल्ड धनगर सोशल ऑर्गनायझेशन (WDSO) च्या समाज जोडो अभियानांतर्गत पश्चिम महाराष्ट्र व कोकण विभागातील पदाधिकारी यांचा मेळावा रविवार दिनांक 7 जानेवारी 2024 रोजी शासकीय विश्रामगृह कोल्हापूर या ठिकाणी सकाळी 10 : 30 ते दुपारी 3 : 30 यावेळेत आयोजित केला आहे. अशी माहिती डब्ल्यू डी एस ओ चे संस्थापक अध्यक्ष बबनराव आटोळे यांनी अकलूज वैभव ला सांगितली.
रविवार दिनांक 10 डिसेंबर 2023 रोजी श्री गजानन महाराज यांचे शेगाव जिल्हा बुलढाणा येथील शासकीय विश्रामगृहात संपन्न झालेल्या वर्ल्ड धनगर सोशल ऑर्गनायझेशनच्या पदाधिकारी यांच्या विराट मेळाव्यात महाराष्ट्रातील 19 तर मध्य प्रदेशातील 5 जिल्ह्यातील पदाधिकारी बहुसंख्येने उपस्थित होते.
4 फेब्रुवारी 2024 रोजी बारामती येथे साजरा करण्यात येणाऱ्या पहिल्या जागतिक धनगर स्वाभिमान दिना निमित्त आयोजित करण्यात येणाऱ्या मेळाव्यासंदर्भात शेगाव येथील पदाधिकारी मेळाव्यात रूपरेखा मांडण्यात आली. यावर झालेल्या चर्चेत सर्वांनी विचार मांडले.
पश्चिम महाराष्ट्र व कोकण विभागीय मेळाव्याचे नियोजना निमित्त वर्ल्ड धनगर सोशल ऑर्गनायझेशन चे संस्थापक अध्यक्ष बबनराव आटोळे, राष्ट्रीय सल्लागार समितीचे सदस्य भाग्यवंत लक्ष्मणराव नायकुडे, डब्ल्यू. डी. एस. ओ. चे महासचिव प्राध्यापक अजय गाढवे, राष्ट्रीय समन्वयक सखाराम खोत हे शनिवार दिनांक 6 जानेवारी 2024 रोजी सकाळी 10 वाजता कोल्हापूरच्या दिशेने रवाना होणार आहेत.
