🟠संत तुकाराम महाराज सातव्या मराठी ग्रामीण साहित्य संमेलनाचे अंथुर्णे येथे आयोजन

🟠संत तुकाराम महाराज सातव्या मराठी ग्रामीण साहित्य संमेलनाचे अंथुर्णे येथे आयोजन

🟡मुंबई कांदिवली येथील साहित्यिक, पत्रकार, भारत कवितके यांची ” पत्रकार रत्न पुरस्कार २०२३” करीता निवड झाल्याने संमेलनात त्यांचा होणार सन्मान

Akluj Vaibhav News Network.
Chief Editor Bhagywant Laxman Naykude.
Akluj , Taluka Malshiras, District Solapur. Maharashtra State, India.
Mo. 9860959764.

(आकाश भाग्यवंत नायकुडे)

मुंबई दिनांक 2/8/2023 : अंथुर्णे (तालुका इंदापूर, जिल्हा पुणे) येथे 20 ऑगस्ट रोजी संत तुकाराम महाराज सातव्या मराठी ग्रामीण साहित्य संमेलनाचे आयोजन करण्यात आले आहे. संत तुकाराम महाराज पालखी तळ अंथुर्णे येथे रविवारी संपन्न होणाऱ्या एक दिवसीय साहित्य संमेलनाचे उद्घाटन आमदार दत्तात्रय भरणे (माजी राज्यमंत्री) यांच्या हस्ते आणि प्रमुख पाहुणे अखिल भारतीय मराठी चित्रपट महामंडळाचे अध्यक्ष मेघराज राजे भोसले यांच्यासह मान्यवरांच्या उपस्थितीत होणार आहे. साहित्य, कला, पत्रकारिता, सामाजीक, शैक्षणिक कार्यात आपला वेगळा ठसा उमटवणाऱ्या मान्यवरांना साहित्य संमेलनात मान्यवरांचे हस्ते पुरस्कार देऊन गौरविण्यात येणार आहे.अशी माहिती संमेलनाचे कार्याध्यक्ष रानकवी जगदिप वनशिव (निवेदक), संस्थापक अध्यक्ष विजय गायकवाड यांनी अकलूज वैभव, वृत्त एकसत्ता या प्रिंट मीडिया व aklujvaibhav.in डिजिटल मीडियाला दिली.
जेष्ठ साहित्यिक दशरथ यादव (संत साहित्यिक गाढे अभ्यासक, कवी, पत्रकार), सिने अभिनेत्री, नृत्यांगणा गौतमी पाटील (चित्रपट घुंगरु), वसंतराव पाटील (जलदगती हायकोर्ट माझगाव न्यायाधिश), श्रीमंत आकळे (सहाय्यक पोलीस आयुक्त परिवहन विभाग,पुणे), सिने अभिनेता बाबा गायकवाड, प्रा.डॉ.संदिप सांगळे (सावित्रीबाई फुले विद्यापीठ मराठी अभ्यास मंडळ अध्यक्ष), माजी संमेलनाचे अध्यक्ष लोककवी सिताराम नरके ( माजी पोलीस अधिकारी राष्ट्रपती पोलीस पदक मानकरी), बाळासाहेब गिरी (गझलकार), अशोक जाधव (माजी जिल्हा आधिकारी), लक्ष्मण शिंदे (वनविभाग मुख्यालय लेखापाल पुणे), जयश्री सोनवणे (उद्घाटन सोहळा वृत्तनिवेदिका) आदि मान्यवर उपस्थित राहणार आहेत.