🟡 वन विभागाकडून मेंढपाळ बिरू जोंग यास २ लाख ४४ हजार ७६३ रुपये नुकसान भरपाई 🟣 यशवंत क्रांती संघटनेच्या प्रयत्नांना यश

🟡 वन विभागाकडून मेंढपाळ बिरू जोंग यास २ लाख ४४ हजार ७६३ रुपये नुकसान भरपाई

🟣 यशवंत क्रांती संघटनेच्या प्रयत्नांना यश

Akluj Vaibhav News Network.
Chief Editor Bhagywant Laxmanrao Naykude.
Akluj , Taluka Malshiras, District Solapur. Maharashtra state, India.
Mo. 9860959764.

राशिवडे दिनांक 14/12/2023 : वन्यप्राण्यांच्या हल्यात ठार झालेल्या मेंढरांच्या नुकसान भरपाई पोटी वनविभागाकडून मेंढपाळ बिरू जोंग यास 2 लाख ४४ हजार ७६३ रु.चा धनादेश देण्यात आला. नुकसान भरपाई मिळावी यासाठी यशवंत क्रांती संघटनेच्या माध्यमातून संघटनेचे संस्थापक अध्यक्ष संजय वाघमोडे यांनी केलेल्या पाठपुराव्यास यश आले. याबाबत सविस्तर माहिती अशी की मेंढपाळ बिरू विठू जोंग हे राशिवडे तालुका राधानगरी जिल्हा कोल्हापूर येथील रहिवासी आहेत. ते नेहमीच कुटुंबासह मेंढरांच्या बरोबर भटकंती करत असतात. मेंढरांचा कळप जत तालुक्यातील बागेवाडी (कुंभारी) येथील शेतकरी नानासाहेब बळवंत पडोळकर, यांच्या पडोळकर वस्तीजवळील शेतात (गट नंबर २५६) मुक्कामी असताना लांडगा सदृश्य वन्यप्राण्यांनी मंगळावर दि २६/१०/२०२३ रोजी पहाटे एक ते दोनच्या दरम्यान हल्ला केला. या हल्ल्यात ३२ मेंढरं ठार १६ गंभीर जखमी तर २२ मेंढरं बेपत्ता होती. लांडग्यांच्या हल्ल्यामुळे मेंढरांचा संपूर्ण कळपच विखुरलेला होता.

मेंढरं संपूर्ण तीन चार किलोमीटरच्या परिसरात विखरून मृतावस्थेत अर्धवट खाल्लेल्या स्थितीत पडलेली होती. पाऊस पडत असल्याने रात्री लवकर मदत मिळाली नाही. लांडग्यांचा धुमाकूळ जवळपास तासभर सुरू होता. सकाळी मेंढपाळ बिरू जोंग यांनी हि घटना संजय वाघमोडे कोल्हापूर, जिल्हा सरचिटणीस राम कोळेकर यांना सांगताच त्यांनी जिल्हाध्यक्ष राहुल चौगुले कवठेमंकाळ शाखाध्यक्ष अनिल बंडगर वनाधिकारी व पशुसंवर्धन अधिकाऱ्यांसह घटनास्थळी जाऊन घटनेचा पंचनामा केला. मृत मेंढ्या सुमारे तीन किलोमीटर परिसरात शोधून एकत्र करण्यात आल्या. प्रविण पाटील वनपरिक्षेत्र अधिकारी जत, चंद्रकांत ढवळे वनपरिमंडळ अधिकारी, विद्या घागरे वनरक्षक हिवरे, भैरवनाथ यादव वनरक्षक, कुंभारी, यांनी मृत बकऱ्यांचा पंचनामा केला व डॉ. राठोड पशुसंवर्धन अधिकारी कुंभारी, प्रमोद सोने परिचर यांनी जखमी बकऱ्यांच्यावर उपचार व मृत बकऱ्यांचे शवविच्छेदन केले होते.सदर घटनेचा संघटने द्वारे सतत केलेल्या पाठपुराव्यास यश येऊन मेंढपाळ बिरू जोंग यास नुकसान भरपाई म्हणून २लाख ४४ हजार ७६३ रु. देण्यात आले. सदर रक्कमेचा धनादेश मेंढपाळ जोंग यांच्या मेंढरांच्या तळावर जाऊन देण्यात आला.

यावेळी संजय वाघमोडे ,जिल्हा संपर्क प्रमुख सुनील शेळके, राधानगरी संपर्क प्रमुख राम देवणे, जिल्हा संघटक श्रावण उर्फ पिंटू गावडे, मेंढपाळ बिरू जोंग, सागर आनंदा जोंग, हातकणंगले तालुका अध्यक्ष यशवंत वाकसे, शिरोळ तालुका अध्यक्ष दादासो गावडे, खोची शाखाध्यक्ष महादेव कोळेकर, किसन अनुसे नंरदे, तानाजी शेळके, संपत शेळके, लक्ष्मण बंडगर, तसेच यशवंत क्रांती संघटनेचे पदाधिकारी उपस्थित होते.