🟣 मूर्ख बहु बडबडला,,,,,,,!

Chief Editor14/12/2023Last Updated: 14/12/2023

326 4 minutes read

Akluj Vaibhav News Network.
Chief Editor Bhagywant Laxmanrao Naykude.
Akluj , Taluka Malshiras, District Solapur. Maharashtra state, India.
Mo. 9860959764.

अकलूज दिनांक 14/12/2023.
काल दिनांक १३/१२/२०२३ रोजी नागपूर चे हिवाळी अधिवेशनात सतेज उर्फ बंटी पाटील यांनी सारथी चे “पी एच डी ” विद्यार्थ्यांना सरसकट फेलोशिप द्यावी अशी मागणी विधानसभा अध्यक्ष यांचे कडे करत असताना अचानक कोणतेही कारण नसताना ना. अजित पवार यांनी मध्येच हस्तक्षेप करीत” पी एच डी” करून काय दिवे लावणार आहेत ? असा मूर्ख प्रश्न विचारला.
वास्तविक पाहता प्रचलित राजकारणात कोणता ना कोणता नेता आपणास त्यांच्या कांहीं गुणा मुळे आवडत असतो. असाच प्रभाव माझ्या वर विद्यार्थी दशेत पवार साहेब यांचा पडला होता , छगनराव भुजबळ साहेब यांनी शिवसेना सोडून काँग्रेस मध्ये प्रवेश केल्या नंतर हिंदू हृदयसम्राट कै. बाळासाहेब ठाकरे यांनी शरदचंद्र पवार साहेब यांचे विरोधात टीकेची राळ उठवली होती. तेंव्हा पवार साहेबांचे भाषण सोलापूर येथील साखर पेठेत झाले होते व त्यांनी त्यांच्या वरील टीकेचा खरपूस समाचार घेतला होता.
मी लॉ कॉलेज चां विद्यार्थी होतो , व मला सुरुवाती पासून सामाजिक, राजकीय चळवळीची आवड होती. हे व्याख्यान मी अगदी स्टेज जवळ बसून ऐकले होते आणि तिथून मी त्यांच्या प्रेमात पडलो. हा प्रवास करताना अजित दादा म्हणजे स्पष्ट वक्ते , धाडसी , फटकळ , कार्य तत्पर , लोकांना न झुलवत ठेवणारे अशी जनमानसातील त्यांची प्रतिमा झिरपत झिरपत आमच्या पर्यंत आली. आणि राजकीय नेता म्हणून आम्ही त्यांना ही आमचे नेते मानण्यास सुरुवात केली.
अर्थात राजकारणात त्यांच्या कडून काय किंवा इतर नेत्या कडून काय कोणीच फुकट आशावाद धरत नाहीत किंवा त्यांचे कडे व्यक्तिगत मागणी ही करत नाहीत. त्या मुळे हे नेतृत्व नेमके कसे आहे ? याचा व्यक्ती म्हणून बोध होतच नसतो ,
पण माझी त्यांची मुलाखत अनेकदा झाली , यात मला जाणवले की ते वर्चस्ववादी वृत्तीचे आहेत , आणि त्यांच्या कडे खाजगी कर्मचारी असतात. त्यांचे शी त्यांची भाषा अतिशय खालच्या पातळीवर अगदी तोंडात शिवी ठेऊन असते ही मी निसर्ग मंगल कार्यालय येथील राष्ट्रवादी कार्यालयात पाहिले आहे.
पण तेंव्हा लातूर येथील मुस्लिम कार्यकर्त्यांच्या शिष्टमंडळास वेळेवर चहा न दिल्याच्या रागातून हा प्रकार घडला होता. आणि मला तेंव्हा असे वाटले की कार्यकर्त्यांच्या पाहुणचारात कमी पडू नये म्हणून केलेलं ते वक्तव्य असेल.
ग्रामीण भागातील अनेकांच्या तोंडात शिव्या रुळलेल्या असतात म्हणून असे ही असेल असे वाटले.
मागे आमच्या मोहोळ तालुक्यातील जनहित शेतकरी संघटनेचे नेते प्रभाकर उर्फ भैय्या देशमुख यांच्या उजनीतील पाण्याची पाळी चे एक आवर्तन मोहोळ कॅनॉल मधून द्यावे असे आंदोलन त्यांनी चालू केले होते , इंदापूर तालुक्यातील छोट्या गावात त्या आंदोलन कर्त्या ची टर उडवताना “धरणातच पाणी नाही मग त्यात मुतू का?”
अशी उद्दाम भाषा त्यांनी वापरली.
त्यावर बराच गदारोळ उडाला.
यातून त्यांनी एक दिवसाचे आत्मक्लेश नावाचे उपोषण स्व. यशवंतराव चव्हाण यांच्या पुतळ्या समोर प्रीती संगम येथे केले.
मी आता अधिक जबाब्दार झालो आहे. मला चुकीच्या वक्तव्याचा पच्छाताप झाला आहे असे नाटक त्यांनी छान पैकी रंगवले.
याला नाटक असे मी का म्हणतो?
तर चुकीतून न शिकता त्या पुन्हा पुन्हा करत राहणे ,,,,
आपले वर्तन हे आंतरबाह्य बदलले पाहिजे , बदल हा वरवरचा कृत्रिम नसावा हा बदल घडून येण्यासाठी संस्कार असावे लागतात ,
ते संस्कारच मुळात अजित दादा कडे नाहीत असेच मला तरी वारंवार दिसून येत आहे.
ग्रामीण भागात एखादे काम स्वतः चे मुलाला ही सांगितले व ते झाले नाही तर “तुझ्या टाळू वर कोणी मुतले होते की नाही”असे सहज म्हणणं होऊन जाते. तसे आम्ही ही गृहीत धरून त्यांना माफ केले.
राष्ट्रवादी काँग्रेस पक्षात फूट पाडून ते भाजपा समवेत सत्तेत गेले , तरी ही आम्ही त्यांची पाठराखण केली.
याचे कारण गेली अनेक वर्ष महाराष्ट्रातील राष्ट्रवादी काँग्रेस तेच चालवत होते. आणि अनेकांना न्याय देण्याची भूमिका त्यांनी पार पाडली होती.
आपला राजकीय वारसदार म्हणून सुप्रिया ताई सुळे यांना पुढे आणत असताना त्यांचे समवेत आ रोहित पवार यांना पुढे आणले जात असताना हे घडणार हे आम्ही राजकीय अभ्यासक म्हणून जाणत होतो यातून अजित दादा यांचेवर अन्याय झाल्याची भावना आमची ही होती.
पण आता मा शरदचंद्र पवार साहेब यांची दृष्टी आणि निवड किती योग्य होती याचा प्रत्यय आम्हाला ही आला .
असंस्कृत , अनपढ , शिवराळ नेतृत्व राजकारणात वारसा , स्ट्राँग जात समूहाचे पाठबळ , घराणे शाही या मुळे जनतेवर थोपवले जाऊ शकते ,
संसदीय राजकारणातील सत्ताकारण या मुळे त्यांना मोठी पदे ही मिळू शकतात. पण या सत्तेचा वापर ते जनहिता साठी च करतील याची सुतराम शक्यता दूरपर्यंत नसते. ते सत्ता स्वतः साठी वापरतील. त्यांचे अर्थकारण अधिक मजबूत करतील. अनेक साखर कारखाने मोडतोड करून त्याचे खाजगीकरण करून ते स्वतःच्या मालकीचे बनवतील. समग्र महाराष्ट्रात त्यांची अर्थसत्ता हुकूमत गाजवेल , पण ते सारथी , महा ज्योती , बार्टी, अश्या संस्थेतून पी एच डी करणाऱ्या सर्व मराठा , कुणबी , ओबीसी , एस सी , एस टी घटकातील विद्यार्थ्यांना आर्थिक मदत देताना सरकारच्या निधीतून ही देण्याचे झारीतील शुक्राचार्य बनून त्यांचे जीवन नरकमय करत राहतील.
याच सभागृहात कै. बाळासाहेब देसाई म्हणाले होते
“राज्य गहाण पडले तरी चालेल पण गरिबांची मुले/ मुली शिकली पाहिजेत” ,
लोकसभेत माढा लोकसभा मतदार संघाचे खा. रणजितसिंह निंबाळकर गर्जून म्हणाले , मराठा धनगर समाजाच्या लोकांनी मुलांना शिकवण्या साठी स्वतः चे किडन्या विकाव्यात काय?
हा दृष्टिकोन असावा लागतो सुसंस्कृत कसे बोलावे ? हे आमच्या उत्तमराव जानकर साहेब यांच्या कडून ही त्यांनी शिकावे.
पण जे शाळेत शिकले नाहीत ते या नेत्याच्या वर्तणुकीतून शिकतील याची सुतराम श्यक्यता नसल्याने पालथ्या घागरी वरील पाणी ठरेल.
पण यातून नव्या पिढीने एक बोध जरूर घ्यावा , फक्त आपल्या जातीचा आहे, राजकीय घराण्यातील आहे , म्हणून अश्या बिनडोक वारसदारांच्या पाठीशी उभे राहू नका , आपले स्वातंत्र्य गहाण टाकून कुणाचे गुलाम बनू नका. आपला लोक प्रतिनिधी सुशिक्षित , अभ्यासू , प्रामाणिक असावा. याची काळजी घ्या. तरच लोकशाहीची मूल्य आणि शिक्षणाचे मूल्य समाजव्यवस्थेत टिकून राहील. तुमच्या आमच्या नशिबी 10 वी नापास असलेल्या माणसांचे आर्थिक बजेट येणार नाही.
लोकशाहीत सर्व समस्यांच्या कुलपाची चावी शेवटी सत्तेकडे असते हे ध्यानात घ्या. त्यांच्या हाताखाली अगदी कलेक्टर ला ही काम करावे लागते. ते बनवतील तो कायदा असतो. असे कायदेमंडळ सुज्ञ लोकांचे असावे त्यात उर्मट , मिजासखोर , आणि मुर्खांचां भरणा नको .
अन्यथा मूर्ख बहु बडबडला,,,, हे जाहीर सभा ते विधिमंडळात घडतं राहील. इतकेच,,,,,,,,,!