दर दहा दिवसाला बिले अदा करणारा “श्री शंकर” सोलापूर जिल्हयातील दुसरा साखर कारखाना : ॲड. मिलिंद कुलकर्णी
दर दहा दिवसाला बिले अदा करणारा “श्री शंकर” सोलापूर जिल्हयातील दुसरा साखर कारखाना : ॲड. मिलिंद कुलकर्णी
Akluj Vaibhav News Network.
Chief Editor Bhagywant Laxmanrao Naykude.
Akluj , Taluka Malshiras District Solapur Maharastra State, India.
Mo. 9860959764.
अकलूज दिनांक 27/11/2023 :
दर दहा दिवसाला बिले अदा करणारा श्री शंकर सहकारी साखर कारखाना सोलापूर जिल्हयातील दुसरा कारखाना आहे. गेल्या 25 दिवसात अंदाजे 25 कोटी रक्कमेची ऊस व तोडणी वाहतूक बिले अदा झालेली आहेत.श्री शंकर सहकारी साखर कारखाना लिमिटेड सदाशिवनगरने सन 2023-24 गळीत हंगामासाठी गाळपास आलेल्या ऊसासाठी रक्कम रू 2600 प्रति मे. टन प्रमाणे तसेच बिगर ऍडव्हान्स तोडणी वाहतुकीची तिसऱ्या मस्टर ची बिले दिनांक 29/11/2023 रोजी सभासद,ऊस उत्पादक शेतकरी व तोडणी वाहतूक कंत्राटदारांच्या बँक खात्यावर जमा करण्यात येणार असलेची माहिती कारखान्याचे व्हाईस चेअरमन ॲड. मिलिंद कुलकर्णी यांनी सांगितली. कारखान्याचे चेअरमन आ. रणजितसिंह मोहिते पाटील यांनी दिलेल्या आश्वासनाप्रमाणे तिसऱ्या मस्टर ची ऊस बिले,तोडणी वाहतुकीची बिले 12 व्या दिवशी अदा करणेची वचनपूर्ती कारखान्याच्या व्यवस्थानाकडून केली जात असलेचे यावेळी बोलताना श्री कुलकर्णी यांनी सांगितले.
बॉयलर तसेच कारखाना मशिनरीचे आधुनिकीकरण केलेने कारखान्याचे गाळप विना अडथळा चालू असून सभासद तसेच ऊस उत्पादक शेतकऱ्यांच्या सहकार्याने व विश्वासाने कारखाना गाळप हंगाम प्रगतीपथावर आहे. कारखाना व्यवस्थापनाने 4 लाख मे टन गाळपाचे उद्धिष्ट निर्धारित केले असून सभासद व ऊस उत्पादक शेतकऱ्यांनी आपला सर्व ऊस कारखान्याकडे गाळपास पाठविणेचे आवाहन श्री कुलकर्णी यांनी यावेळी केले.
