दोशी पिता – पुत्राच्या वाढदिवसानिमित्त मांडवे येथे रक्तदान शिबिर संपन्न
Akluj Vaibhav News Network.
Chief Editor Bhagywant Laxman Naykude.
Akluj , Taluka Malshiras, District Solapur. Maharashtra State, India.
Mo. 9860959764.
अकलूज दिनांक 17/7/2023 : माळशिरस तालुक्यातील सदाशिवनगर येथील रत्नत्रय परिवाराचे संस्थापक अनंतलाल रतनचंद दोशी आणि त्यांचे पुत्र रत्नत्रय पतसंस्थेचे चेअरमन तथा सदाशिवनगर ग्रामपंचायत सरपंच वीरकुमार अनंतलाल दोशी यांच्या वाढदिवसानिमित्त रक्तदान शिबिर संपन्न झाले. मांडवे येथील रत्नत्रय इंग्लिश स्कूल मध्ये संपन्न झालेल्या रक्तदान शिबिराचे उद्घाटन प्रमुख पाहुणे व संन्मती सेवा दलाचे संस्थापक अध्यक्ष मिहिर गांधी यांच्या हस्ते करण्यात आले. या शिबिरात 87 रक्तदात्यांनी रक्तदान केले. याप्रसंगी पुरंदावडे ग्रामपंचायत चे उपसरपंच देविदास ढोपे, सहसचिव अभिजीत दोशी, रत्नत्रय स्कूलचे अध्यक्ष प्रमोद अनंतलाल दोशी, श्री शंकर सहकारी साखर कारखान्याचे संचालक रामदास कर्णे, प्रशांत दोशी, बबन गोफणे, वसंत ढगे, हरिभाऊ पालवे, सुरेश धाईंजे, रत्नत्रय पतसंस्थेचे संचालक संजय गांधी, अजय गांधी, संजय दोशी, सुरेश गांधी, रामदास गोफणे, दत्ता भोसले, चंद्रकांत तोरणे, इत्यादी मान्यवर उपस्थित होते. रक्तदान कार्यक्रम स्थळी विविध संस्थांच्या वतीने आणि मान्यवरांनी दोशी पिता पुत्राचा यथोचित सत्कार करून शुभेच्छा देत त्यांचे अभिष्टचिंतन केले.
रत्नत्रय परिवाराच्या माध्यमातून स्थापनेपासूनच समाज हिताच्या दृष्टीने उपयुक्त असे विविध उपक्रम राबविले जात आहेत. रक्तदान शिबिरासाठी ज्ञानदीप ब्लड बँक नातेपुते यांनी मोलाचे योगदान दिले. सर्व रक्तदात्यांना आंबा वृक्षरोप देऊन उत्सवमूर्ती अनंतलाल दोशी यांनी त्यांचे आभार व्यक्त केले. या कार्यक्रमासाठी श्रीनिवास कदम पाटील, सुभाष मदने, तुषार सानप, नवजीवन दोशी, जिनेन्द्र दोशी, किरण गांधी, श्रीकांत शहा , महावीर शहा, केतन दोशी, पांडुरंग माने, ज्ञानेश राऊत, सागर पालवे, संतोष शिंदे, सतीश बनकर, अमित पाटील, दैवत वाघमोडे यांच्यासह अनेक मान्यवर तसेच रत्नत्रय पतसंस्थेचे सर्व कर्मचारी, रत्नत्रय इंग्लिश मीडियम स्कूलचे शिक्षक शिक्षकेतर कर्मचारी उपस्थित होते.
