🟠 “शिवतीर्थ आखाड्यात आंतरराष्ट्रीय कुस्ती व त्रिमुर्ती केसरी कुस्ती स्पर्धा होणार” : सयाजीराजे मोहिते पाटील 🟣 पहिले बक्षीस दोन लाख रुपये.

🟠 “शिवतीर्थ आखाड्यात आंतरराष्ट्रीय कुस्ती व त्रिमुर्ती केसरी कुस्ती स्पर्धा होणार” : सयाजीराजे मोहिते पाटील

🟣 पहिले बक्षीस दोन लाख रुपये.

Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra State, India.
Mo. 9860959764.

अकलूज दिनांक 29/10/2023 :
श्रीमती रत्नप्रभादेवी शंकरराव मोहिते पाटील यांचे जन्मशताब्दी, जयसिंह शंकरराव मोहिते पाटील व मदनसिंह शंकरराव मोहिते पाटील यांच्या अमृत महोत्सवी वर्षाचे वाटचाली निमित्त शंकरराव मोहिते पाटील जयंती समारंभ समिती, व प्रताप क्रिडा मंडळ शंकरनगर- अकलूज यांच्या संयुक्त विद्यमाने आंतरराष्ट्रीय कुस्ती व त्रिमूर्ती केसरी कुस्ती स्पर्धा शिवतीर्थ आखाड्यात आयोजित केलेल्या आहेत. अशी माहिती कुस्ती स्पर्धेचे प्रमुख व आयोजक सयाजीराजे संग्रामसिंह मोहिते पाटील यांनी पत्रकार परिषदेत सांगितले.
रविवार दिनांक 29 रोजी सायंकाळी 6 वा.सहकार महर्षि शंकरराव मोहिते पाटील सहकारी साखर कारखान्याच्या अतिथी गृहामध्ये प्रताप क्रीडा मंडळाच्या अध्यक्षा कु. स्वरुपाराणी जयसिंह मोहिते पाटील यांच्या उपस्थितीत संपन्न झालेल्या पत्रकार परिषदेत ते बोलत होते. यावेळी सुमित्रा पतसंस्थेचे चेअरमन महादेवराव अंधारे उपस्थित होते. पुढे बोलताना त्यांनी सांगितले की, दिनांक 29, 30 नोव्हेंबर व 1 डिसेंबर 2023 रोजी शंकरनगर-अकलूज येथील नामांकित ” शिवतीर्थ” आखाड्यात या आंतरराष्ट्रीय कुस्ती व त्रिमुर्ती केसरी कुस्ती स्पर्धा होणार आहेत. या सोहळ्यातील पहिल्या कार्यक्रमास अर्जुन पुरस्कार प्राप्त जागतिक दर्जाचे कुस्ती खेळाडू व माजी आयपीएस अधिकारी पैलवान कर्तारसिंग उपस्थित राहणार आहेत. नुकतेच त्यांना समक्ष भेटून निमंत्रण दिले आहे त्यावेळी आमच्या समवेत राष्ट्रकुल स्पर्धा विजेते राम सारंग तसेच संस्थेचे संचालक वसंतराव जाधव उमेश भिंगे उपस्थित होते. कुस्ती स्पर्धेसाठी रुपये दोन लाख, रुपये दीड लाख, रुपये एक लाख आणि रुपये पन्नास हजार अशी रोख पारितोषिक देण्यात येणार आहे.
पहिली मोठी कुस्ती हरियाणा केसरी पै. प्रवीण भोला विरुद्ध महाराष्ट्र केसरी पृथ्वीराज पाटील यांच्यात होईल. तर दुसरी कुस्ती पुण्याच्या हनुमान तालीम चा मल्ल समीर शेख आणि करमाळा तालुक्यातील कंधारचा मल्ल सत्पाल सोनटक्के यांच्यात होईल अशी माहिती पत्रकार परिषदेत सयाजीराजे मोहिते पाटील यांनी दिली.
फक्त याचवेळी दिनांक 29 , 30 व 1 डिसेंबर 2023 रोजी त्रिमूर्ती केसरी कुस्ती स्पर्धा होणार आहेत. यानंतर मात्र सालाबाद प्रमाणे त्रिमुर्ती केसरी कुस्ती स्पर्धा पूर्वीप्रमाणेच पूर्वनियोजित तारखांना होतील. तसेच श्रीमती रत्नप्रभादेवी शंकरराव मोहिते पाटील उर्फ आक्कासाहेब यांचें जन्मशताब्दी तसेच सहकार महर्षि शंकरराव मोहिते पाटील सहकारी साखर कारखान्याचे चेअरमन जयसिंह शंकरराव मोहिते पाटील व अकलूज कृषी उत्पन्न बाजार समितीचे सभापती मदनसिंह शंकरराव मोहिते पाटील यांच्या अमृत महोत्सवी वर्षाच्या वाटचाली निमित्त शंकरराव मोहिते पाटील जयंती समारंभ समिती व प्रताप क्रीडा मंडळ शंकरनगर अकलूज यांच्या संयुक्त विद्यमाने दिनांक 1 डिसेंबर 2023 ते 1 डिसेंबर 2024 या कालावधीमध्ये विविध उपक्रमांचे आयोजन करण्यात आलेले असल्याची माहिती याच पत्रकार परिषदेमध्ये प्रताप क्रीडा मंडळाच्या अध्यक्षा कु. स्वरूपाराणी जयसिंह मोहिते पाटील यांनी सांगितली.