🔵67 व्या धम्मचक्र प्रवर्तन दिनानिमित्त माय रमाई फाउंडेशन ट्रस्ट चा उपक्रम संपन्न 🟣 “माता रमाई – बाबांच्या लेकी रमाई – बाबांच्या गावी” धम्म अभ्यास भेट दौरा

🔵67 व्या धम्मचक्र प्रवर्तन दिनानिमित्त माय रमाई फाउंडेशन ट्रस्ट चा उपक्रम संपन्न

🟣 “माता रमाई – बाबांच्या लेकी रमाई – बाबांच्या गावी” धम्म अभ्यास भेट दौरा

Akluj Vaibhav News Network.
Chief Editor Bhagywant Laxmanrao Naykude.
Akluj Taluka Malshiras, District Solapur. Maharashtra State, India.
Mo. 9860959764.

🔰 आकाश भाग्यवंत नायकुडे

मुंबई दिनांक 28/10/2023 : 67 व्या धम्मचक्र प्रवर्तन दिनाचे औचित्य साधून माय रमाई फाउंडेशन ट्रस्ट कामशेत  यांच्यावतीने “माता रमाई बाबांच्या लेकी रमाई बाबांच्या गावी” या उपक्रमांतर्गत “धम्म अभ्यास व सदिच्छा भेट” दौरा संपन्न झाला.
दिनांक 26 व 27 ऑक्टोबर 2023 या दोन दिवसीय धम्म अभ्यास व सदिच्छा भेट दौऱ्यामध्ये महाड येथील चवदार तळे, दापोली येथील माता रमाई यांचे निवासस्थान, आणि रत्नागिरी जिल्ह्यातील आंबेवडे येथील डॉक्टर बाबासाहेब आंबेडकर यांचे निवासस्थान या ठिकाणी उभारण्यात आलेल्या स्मारक स्थळी भेट देऊन त्यांच्या वंशजांसी हितगुज साधण्यात आले. त्याचबरोबर मुरुड च्या समुद्रकिनारी फेरफटका ही मारण्यात आला.
महाडच्या चवदार तळे येथे उभारण्यात आलेल्या डॉक्टर बाबासाहेब आंबेडकर यांच्या भव्य पुतळ्याचे पूजन फाउंडेशनचे संस्थापक अध्यक्ष डॉक्टर अमर चौरे यांच्या अध्यक्षतेखाली फाउंडेशनच्या महिला आघाडी च्या प्रदेशाध्यक्षा शितल भूषण बनसोडे, आदेश वंजारी, सरपंच शिंदे, उपाध्यक्ष व भीम शाहीर सुभाष मारुती सिताफळे, पुणे जिल्हा महिला आघाडीच्या अध्यक्षा सौ. मंगल अमर चौरे, अकलूज वैभव, वृत्त एकसत्ता, aklujvaibhav.in चे संस्थापक संपादक भाग्यवंत लक्ष्मणराव नायकुडे, इत्यादी मान्यवरांच्या हस्ते पूजन, दीप प्रज्वलन करून बौद्ध पद्धतीने सामुदायिक मानवंदना देण्यात आली.
माता रमाई यांच्या पवित्र पदस्पर्शाने पुनीत झालेल्या आणि त्यांनी वास्तव्य केलेल्या राहत्या निवासस्थानावर उभारण्यात आलेल्या भव्य स्मारक स्थळी बौद्ध पद्धतीने सामुदायिक पूजन करून प्रार्थनेसह मानवंदना देण्यात आली. यावेळी प्रामुख्याने माता रमाईच्या चुलत भाचे सून श्रीमती संगीता हरिश्चंद्र धोत्रे, नातसुन विनिता विजय धोत्रे, दिपक हरिश्चंद्र धोत्रे, शरद गेनू धोत्रे इत्यादी वंशज उपस्थित होते. अवघ्या सव्वा महिन्यापूर्वी माता रमाई चे वंशज हरिश्चंद्र धोत्रे यांचे निधन झालेले असतानाही दुःख बाजूला सारून श्रीमती संगीता हरिश्चंद्र धोत्रे यांनी जुन्या आठवणींना उजाळा देत उपस्थितांना माहिती सांगितली. माय रमाई फाउंडेशन च्या वतीने सौ. मंगल अमर चौरे यांनी त्यांचे सांत्वन करून दिलासा देत फाउंडेशनच्या वतीने भेटवस्तू देत त्यांचा सन्मान केला.
रात्री च्या मुक्कामी धम्म जागर उपक्रमांतर्गत  गायिका शितल भूषण बनसोडे, सुप्रसिद्ध भीमशाहीर सुभाष मारुती सिताफळे, सुप्रसिद्ध गायक व डांसर राहुल चौरे या दिग्गजांनी पहाटे तीन वाजेपर्यंत उपस्थितांना आपल्या गायन कलेद्वारे मंत्रमुग्ध करून सोडले. यावेळी हार्मोनियम ची साथ प्रसिद्ध गायक व हार्मोनियम वादक अनिल गुणाजी जाधव आणि तबल्याची साथ उत्कृष्ट तबलावादक अजय अशोक जाधव यांनी दिली. न्हरे आंबेगाव पुणे येथील विविध क्षेत्रात भरीव कार्य करीत असलेल्या सामाजिक कार्यकर्त्या आणि माय रमाई फाउंडेशनच्या पदाधिकारी सौ. सुमन जयस्वाल – शिंदे आणि त्यांचा मुलगा अथर्व यांनी आई व मुलगा यांच्या नात्यातील संस्कार विषयक सादरीकरण केलेली लघु नाटिका उपस्थित दर्शकांच्या काळजाला जाऊन भिडली. या लघुनटिकेतील संदेशाने सर्वांचेच मन हेलावून गेले. हे विशेष उल्लेखनीय ठरले. गायक आणि वादक यांचे वर उपस्थितांनी बक्षिसांचा वर्षाव करीत सामुदायिक ठेका धरला. माता रमाईंच्या स्मारक स्थळांनजीक बारा गुंठे जागा सांस्कृतिक भवनासाठी देणारे माता रमाईं चे वंशज आणि सांस्कृतिक भवनाचे व्यवस्थापक

शरद गेनू धोत्रे यांचा फाउंडेशनच्या वतीने दिनांक 27 रोजी सकाळी पत्रकार भाग्यवंत लक्ष्मणराव नायकुडे यांच्या हस्ते रोख रक्कम देऊन सन्मान करण्यात आला. त्यानंतर लगेच सकाळी सात वाजता माता रमाई यांच्या स्मारकस्तळी सर्व वयोवृद्ध व ज्येष्ठ महिलांच्या हस्ते सकाळची पूजा, दीप प्रज्वलन होऊन सामुदायिक बुद्ध प्रार्थना घेण्यात आली.
सायंकाळी चार वाजण्याच्या सुमारास आंबेवडे येथील डॉक्टर बाबासाहेब आंबेडकर यांच्या निवासस्थानी उभारण्यात आलेल्या भव्य स्मारक स्थळी त्यांचे वंशजांच्या समवेत पूजन दीप, प्रज्वलन, सामुदायिक धम्म प्रार्थना करून मानवंदना देण्यात आली. या ठिकाणी असलेल्या डॉक्टर बाबासाहेब आंबेडकर यांच्या अस्थिकलशाने त्या ठिकाणी नतमस्तक होणारे सर्वजणच भारावून जात असल्याचे स्पष्ट दिसत होते.
धम्म अभ्यास व सदिच्छा भेट दौऱ्यामध्ये सहा महिन्याच्या बालकापासून 90 वर्षीय वृद्धापर्यंत एकूण शंभर अबाल वृद्ध स्त्री-पुरुष बालकांनी सहभाग नोंदविला.
डॉक्टर बाबासाहेब आंबेडकर आणि माता रमाईं च्या गावी उभारण्यात आलेल्या स्मारकांना भेट देऊन आमचे जीवन सफल झाले. दोन्ही पुण्यात्मांच्या पदस्पर्शाने पवित्र झालेल्या भूमीमध्ये येऊन त्यांच्या चरणस्पर्शाने पवित्र झालेली माती आमच्या कपाळी लावता येईल असं आम्हांला स्वप्नात देखील वाटले नव्हते. परंतु माय रमाई फाउंडेशन चे संस्थापक अध्यक्ष डॉक्टर अमर चौरे त्यांच्या पत्नी सौ मंगल चौरे यांच्या संकल्पनेतून हे आमचे स्वप्न पूर्ण झाले. असे भावनिक उदगार सहभागी झालेल्या सर्वच ज्येष्ठांनी साप्ताहिक “अकलूज वैभव”, व पाक्षिक “वृत्त एकसत्ता” सी बोलताना काढले. काहींनी, पैसे असूनही सोबत आणि वेळ नसल्याने, तर काहींनी आर्थिक गरीबी च्या परिस्थितीमुळे जे शक्य होत नव्हते ते अल्प खर्चात माय रमाई फाउंडेशनने शक्य करून दाखवले असेही मत यासंदर्भात सहभागी जाणकारांनी स्पष्टपणे मांडले.
गत पंचवीस वर्षापासून माय रमाई फाउंडेशन च्या माध्यमातून संस्थापक अध्यक्ष डॉक्टर अमर चौरे यांनी समाज हितोपयोगी विविध उपक्रम राबवित फाउंडेशन चा नावलौकिक वाढविला आहे. आत्तापर्यंत फाउंडेशनच्या माध्यमातून 300 विवाह जमवून ते यशस्वी पणे पार पाडले आहेत. विशेष म्हणजे फाउंडेशनच्या माध्यमातून विवाह झालेले सर्व दांपत्ये आपले वैवाहिक जीवन समाधानामध्ये व्यतीत करीत माय रमाई फाउंडेशन चे संस्थापक अध्यक्ष डॉक्टर अमर चौरे यांना दुवा देत आहेत.