शिक्षणाचे राष्ट्रीयकरण व्हावे या मुख्य मागणीसाठी लाक्षणिक उपोषण
Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra State, India.
Mo. 9860959764.
🔰 आकाश भाग्यवंत नायकुडे
अकलूज दिनांक 05/10/2023 : शिक्षणाचे राष्ट्रीयकरण व्हावे या मुख्य मागणीसह अन्य 6 मागण्यांसाठी अकलूज येथे लाक्षणिक उपोषण करण्यात आले.
शिक्षणाचे राष्ट्रीयकरण व्हावे या मुख्य मागणी बरोबरच गाव तिथे शाळा( किमान बारावीपर्यंत), राष्ट्रीय उत्पन्नाच्या 15 टक्के खर्च शैक्षणिक क्षेत्रावर व्हावा., मार्क्स व टक्केवारीवरून विद्यापीठ, कॉलेज, शाळांमध्ये प्रवेश नाकारणे बंद व्हावे, शिक्षण पूर्ण झालेल्या प्रत्येक विद्यार्थ्यास रोजगार हवा, रोजगार – पदांसाठी शिक्षण क्षेत्रात चाललेली स्पर्धा सामाजिक धोरणाविरुद्ध आहे, ती स्पर्धा बंद करावी, समता, स्वातंत्र्य व बंधुत्व या मूल्यांवर शिक्षण पद्धतीने भर द्यावा. असे एकूण सात मागण्याचे निवेदन अक्षय भारत जाधव या विद्यार्थ्याने माळशिरस तहसील कार्यालय येथे शिक्षण विभागात दिलेले आहे.
“शिक्षणाचे राष्ट्रीयकरणं” या मागणीसाठी 1 जानेवारी 2022 रोजी पासून सायकल यात्रेद्वारे जनजागृती, त्याच सोबत शैक्षणिक क्षेत्रात होणारी सर्वसामान्यांची मुस्कटदाबी ही पत्रांद्वारे सरकार व राष्ट्रपती यांना दाखवून देत आहे. एक जबाबदार तरुण म्हणून मी हे माझे योगदान देत आहे.आणि येथून पुढे “दर महिन्यातील 5 तारखेला एक दिवसीय लाक्षणिक उपोषण” या उपोषण साखळीतील पहिले उपोषण आज (दि.5 ऑक्टोबर) रोजी अकलूज येथे डॉ. बाबासाहेब आंबेडकर यांच्या स्मारकासमोर सुरू केले आहे.
विविध गावा – शहरातून यापुढे ठीक ठिकाणी असे उपोषण करण्यात येणार असल्याची माहिती उपोषणकर्ते अक्षय भारत जाधव याने “अकलूज वैभवला” सांगितली. उपोषण स्थळी राहुल अरुण चौगुले, वल्लभ पोपट माने, लखन शैलेश बेंद्रे, मनोज भिमराव जगताप यांच्यासह अनेक विद्यार्थ्यांनी सहभाग नोंदविला.
