🔵 “महार रेजिमेंट हे देशातील सर्वात ताकतवान रेजिमेंट”: अमन आंबेडकर 🟣 वालचंदनगर येथे महार रेजिमेंट स्थापना दिवस व 83 वा वर्धापन साजरा

🔵 “महार रेजिमेंट हे देशातील सर्वात ताकतवान रेजिमेंट”: अमन आंबेडकर

🟣 वालचंदनगर येथे महार रेजिमेंट स्थापना दिवस व 83 वा वर्धापनदिन साजरा

Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra State, India.
Mo. 9860959764.

अकलूज दिनांक 05/10/2023 : महार रेजिमेंट डॉ बाबासाहेब आंबेडकरांनी सुरू केली. त्यामुळे महार रेजिमेंट हे देशातील सर्वात ताकतवान रेजिमेंट असून महार रेजिमेंटने भारत देशाला दोन सेना प्रमुख दिलेले आहेत. शिवाय महार रेजिमेंट ही देशातील सर्व क्लासला मिळून व सर्व राज्यातले मिळून सर्वसमावेशक अशी रेजिमेंट आहे. असे मत विश्वरत्न डॉ बाबासाहेब आंबेडकर यांचे पणतू अमन आनंदराज आंबेडकर यांनी व्यक्त केले.
वालचंदनगर (तालुका इंदापूर जिल्हा पुणे) येथे महार रेजिमेंट स्थापना दिवस व 83 व्या वर्धापन दिनानिमित्त, महार कुटीर यश सिद्धी सैनिक संघ, महाराष्ट्र राज्य यांच्यावतीने आयोजित केलेल्या कार्यक्रम प्रसंगी व्यासपीठावरून ते बोलत होते.
विश्वरत्न डॉ.बाबासाहेब आंबेडकर यांचे पणतू अमन आनंदराज आंबेडकर हे कार्यक्रमास येत असता त्यांचा वंचित बहुजन आघाडी तर्फे भिगवण, कळस, लासुर्णे, जंक्शन, आनंदघन, रत्नपुरी, शिवाजीनगर गार्डन, वालचंदनगर येथे मोठ्या उत्साहाने कार्यकर्त्यांनी फुलांची उधळण करून, ढोल ताशाच्या गजरात त्यांचा सत्कार करण्यात आला. विशेष आकर्षण भारतीय आर्मी मधून महार रेजिमेंट सागर मध्य प्रदेश येथून स्पेशल पाईप बँड अमन आंबेडकर यांच्या स्वागतासाठी मागवण्यात आला होता.

त्यानंतर बार्टी पुणे चे विभाग प्रमुख डॉ सत्येंद्रनाथ चव्हाण यांनी बाबासाहेब आंबेडकरांचा व भिमाकोरेगाव चा इतिहास सांगितला तसेच वंचित बहुजन आघाडी पुणे जिल्हा अध्यक्ष राज कुमार, माढा जिल्हा अध्यक्ष राहुल चव्हाण, यांनी मनोगत व्यक्त केले. कार्यक्रमाची प्रस्तावना आणि आभार सुभेदार महादेव माने यांनी केले. तसेच सूत्रसंचालन मेजर आर. आर. चव्हाण यांनी केले. कार्यक्रमासाठी वंचित बहुजन आघाडी चे पुणे जिल्ह्यातून व सोलापूर जिल्ह्यातून पदाधिकारी कार्यकर्ते व ग्रामस्थ मोठ्या संख्येने उपस्थित होते.