🔵भाग्योदय लेखणीचा साहित्यिक मंच आयोजित दुसरे राष्ट्रीय कवी संमेलन आणि पुरस्कार सोहळा संपन्न. 🟡पत्रकार, साहित्यिक व सामाजिक कार्यकर्ते भारत कवितके सामाजिक क्षेत्रातील कार्याबद्दल राष्ट्रीय समाज भूषण पुरस्काराने सन्मानित

🔵भाग्योदय लेखणीचा साहित्यिक मंच आयोजित दुसरे राष्ट्रीय कवी संमेलन आणि पुरस्कार सोहळा संपन्न.

🟡पत्रकार, साहित्यिक व सामाजिक कार्यकर्ते भारत कवितके सामाजिक क्षेत्रातील कार्याबद्दल राष्ट्रीय समाज भूषण पुरस्काराने सन्मानित

Akluj Vaibhav News Network.
Chief Editor Bhagywant Laxmanrao Naykude.
Akluj , Taluka Malshiras, District Solapur. Maharashtra State, India.
Mo. 9860959764.

🔰 आकाश भाग्यवंत नायकुडे

मुंबई दिनांक 02/10/2023 :
भाग्योदय लेखणीचा साहित्यिक मंच आयोजित दुसरे राष्ट्रीय कवी संमेलन आणि पुरस्कार सोहळा रविवारी (दि.1) गुजरात बलसाड येथील तिथलं, स्वामी नारायण मंदिर सभागृह, अक्षर महोल येथे संपन्न झाला. यावेळी साहित्य, शिक्षण, समाज सेवा, पत्रकारिता या क्षेत्रात उल्लेखनीय कार्य करणाऱ्या मान्यवरांना पुरस्कार देऊन सन्मानित करण्यात आले. प्रमुख मान्यवरांचे हस्ते सरस्वती प्रतिमा पूजनानंतर दिप प्रज्वलनाने कार्यक्रमाचे उदघाटन करण्यात आले.
यावेळी व्यासपीठावर उपस्थित असलेल्या मान्यवरांनी आपले विचार व्यक्त केले.
” प्रत्येकामध्ये परमेश्वराचा अंश असतो.तो आपल्याला शोधता आला पाहिजे.आयोजकांना मी नेहमीच सांगत असतो त्यांनी नव्याने लिहिणाऱ्यांना संधी उपलब्ध करून द्यावी. ते संधी चे सोने नक्कीच करतील यात शंका नाही.”असे याप्रसंगी कार्यक्रमाचे अध्यक्ष साहित्यिक चंद्रकांत दादा वानखेडे यांनी मार्गदर्शन करताना म्हटले. तर “साहित्यिकांच्या साहित्यामध्ये सर्व सामान्य माणसाला हसविण्याची, रडविण्याची ताकद असते. एखाद्याच्या लिखाणाने नेत्याचे पद ही जाऊ शकते”असे उदघाटक शरद चितोडकर यांनी म्हटले.

यावेळी मुंबई कांदिवली येथील पत्रकार साहित्यिक व सामाजिक कार्यकर्ते भारत कवितके यांना सामाजिक क्षेत्रातील कार्याबद्दल राष्ट्रीय समाज भूषण पुरस्कार देऊन चंद्रकांत दादा वानखेडे यांचे हस्ते गौरविण्यात आले.या वेळी चंद्रकांत दादा वानखेडे यांनी आपल्या काही रचना आपल्या पहाडी आवाजात गाऊन दाखविल्या.भागश्री बागड यांनी प्रास्ताविकामध्ये मंचच्या दोन वर्षांतील प्रगती चा आढावा घेतला. आनंद ढाले, रंजना बोरा, प्रमोद सूर्यवंशी, अनिल केंगार, बाळू श्रीराम, माणिकराव गोडसे, मधुकर हुजरे, संदिप जगताप, प्रदीप बडदे, वंदना चौधरी, भारत कवितके, दिपक तळवडेकर, इत्यादी कवी कवयित्री नी आपल्या कविता सादर केल्या. कवी संमेलन चे सूत्रसंचालन अमोल चिने पाटील, तर पुरस्कार सोहळा सूत्रसंचालन सिध्देश उतेकर यांनी केले. भाग्यश्री बागड, राकेश बागड व प्रदीप बडदे यांनी या कार्यक्रमाचे यशस्वी आयोजन केले.