“माता रमाईच्या लेकी, माता रमाई च्या गावी” संकल्पांतर्गत 200 महिला भेटीस नेणार : डॉ. अमर चौरे
“माता रमाईच्या लेकी, माता रमाई च्या गावी” संकल्पांतर्गत 200 महिला भेटीस नेणार : डॉ. अमर चौरे.
Akluj Vaibhav News Network.
Chief Editor Bhagywant Laxmanrao Naykude.
Akluj , Taluka Malshiras, District Solapur. Maharashtra State, India.
Mo. 9860959764.
🔰 आकाश भाग्यवंत नायकुडे
अकलूज दिनांक 30/9/2023 :
ऑक्टोबर महिन्यामध्ये “माता रमाईच्या लेकी, माता रमाई च्या गावी” संकल्पांतर्गत जवळजवळ 200 महिला माता रमाईंच्या जन्म गावी सदिच्छा भेटीसाठी नेणार असल्याचे माय रमाई फाउंडेशन ट्रस्ट चे संस्थापक अध्यक्ष डॉ. अमर चौरे यांनी सांगितले.माय रमाई फाउंडेशन ट्रस्ट ची महत्वपूर्ण बैठक सोलापूर जिल्ह्यातील अकलूज येथील शासकीय विश्रामगृहात संपन्न झाली. यावेळी मार्गदर्शन करताना ते बोलत होते. शनिवार दिनांक 30 सप्टेंबर रोजी घेण्यात आलेल्या बैठकीच्या अध्यक्षस्थानी महिला आघाडीच्या नवनियुक्त प्रदेशाध्यक्षा शितल बनसोडे या होत्या.
संस्थापक अध्यक्ष डॉक्टर अमर चौरे यांच्या मार्गदर्शनाखाली पार पडलेल्या या महत्त्वपूर्ण बैठकीस
आर.पी.आय. प्रदेश उपाध्यक्ष नंदकुमार केंगार, जेष्ठ विचावंत, पत्रकार ऍड. अविनाश टी. काले, अकलूज वैभव, व वृत्त एकसत्ता आणि aklujvaibhav.in चे संस्थापक संपादक भाग्यवंत लक्ष्मणराव नायकुडे हे प्रामुख्याने उपस्थितीत होते.
कार्यक्रमाचे सूत्रसंचालन पुणे शहराचे अध्यक्ष अजय अहिरे यांनी केले. कार्यक्रमाचे प्रस्ताविक महिला आघाडीच्या सोलापूर जिल्हा अध्यक्षा रेखा कांबळे यांनी केले. सोलापूर जिल्हा अध्यक्ष कुंडलिक किर्ते यांनी आभार मानले. यावेळी मनोगतामध्ये शीतल बनसोडे, सुभाष सीताफळे, नंदकुमार केंगार, ऍड अविनाश काले, रेखा कांबळे, सोनाली सरतापे अध्यक्ष खेड तालूका महिला आघाडी इ. आपले विचार मांडले
यावेळी डॉक्टर अमर चौरे संस्थापक अध्यक्ष यांनी रमाई फाउंडेशन संस्थेच्या स्थापने पासूनच्या केलेल्या कार्याची माहिती सांगितली. माता रमाई फाउंडेशन ट्रस्ट च्या वतीने सोलापूर जिल्ह्याचा पंढरपूर येथे सर्व जाती धर्मीय भव्य दिव्य असा वधू वर मेळावा घेण्याचा निर्णयही पक्का झाला. सोलापूर जिल्ह्याच्या मेळाव्यासाठी राज्यातील फाउंडेशनचे पदाधिकारी उपस्थित राहणार असल्याचेही त्यांनी यावेळी स्पष्ट केले. त्याचबरोबर सोलापूर जिल्ह्यात माता रमाई अन्न छत्र सुरू करूया असे ही संस्थापक अध्यक्ष डॉ अमर चौरे यांनी सांगितले. या महत्त्वपूर्ण बैठकीमध्ये, अखंड 50 वर्षे पत्रकार म्हणून कार्य करीत असलेले आदर्श पत्रकार भाग्यवंत लक्ष्मणराव नायकुडे यांना माता रमाई फौंडेशन चा “राज्यस्तरीय आदर्श पत्रकार, समाज भूषण पुरस्कार 2023” जाहीर करण्यात आला. उत्कृष्ठ गायिका समाज भूषण पुरस्कार महाराष्ट्र राज्य शीतल बनसोडे यांना व सुभाष सीताफळे यांना उत्कृष्ट गायक महाराष्ट्र राज्य पुरस्कार जाहीर करण्यात आला.
यावेळी शितल बनसोडे महाराष्ट्र अध्यक्षा महिला आघाडी, अंजली सुधाकर चंदनशिवे महाराष्ट्र युवती अध्यक्षा, राकेश आहिरे पुणे सल्लागार, रेखा कांबळे अध्यक्षा सोलापूर जिल्हा महिला आघाडी, सविता नवगिरे कार्याध्यक्षा सोलापूर जिल्हा, कविता मच्छिंद्र जाधव संपर्कप्रमुख सोलापूर जिल्हा, माया दिलीप जाधव उपाध्यक्ष सोलापूर जिल्हा, सुधाकर चंदनशिवे सल्लागार सोलापूर जिल्हा, मंगल लक्ष्मण लांडगे अध्यक्षा माळशिरस तालूका, आशा नवगिरे पंढरपूर तालुका अध्यक्षा, मंगल बाळासाहेब जाधव पंढरपूर तालुका उपाध्यक्षा, राधा गणेश जोशी सचिव पंढरपूर तालुका, अनुराग बाळासाहेब नवले युवक अध्यक्ष पंढरपूर, विठ्ठल घोडके उपाध्यक्ष पंढरपूर शहर, शशिकांत अंबादास शिंदे सचिव पंढरपूर, तानाजी महादेव सुतार उपाध्यक्ष पंढरपूर, यांना संस्थापक अध्यक्ष डॉ. अमर चौरे यांनी पद नियुक्ती पत्र देऊन त्यांचा सत्कार केला.
