🟣अजित पवार यांनी सिंचन क्षेत्रामध्ये अजिबात लक्ष घालू नये शेतकरी संघटनेची टीका 🟢शेतकरी संघटना व कांदा उत्पादकांच्या आंदोलनामुळे कांद्याचा बेसरेट दर 2410 रूपये जाहीर झाला

🟣अजित पवार यांनी सिंचन क्षेत्रामध्ये अजिबात लक्ष घालू नये शेतकरी संघटनेची टीका

🟢शेतकरी संघटना व कांदा उत्पादकांच्या आंदोलनामुळे कांद्याचा बेसरेट दर 2410 रूपये जाहीर झाला

Akluj Vaibhav News Network.
Chief Editor Bhagywant Laxman Naykude.
Akluj , Taluka Malshiras, District Solapur. Maharashtra State, India.
Mo. 9860959764.

अकलूज दिनांक 10/9/2023 : सद्या मराठवाड्यासह संपुर्ण महाराष्ट्रात दुष्काळसदृश्य परिस्थिती आहे. धरणांमधील पाणीसाठाही कमी होत चालला आहे. हाच धागा पकडून आगामी काळात पश्चिमेकडील पाणी पूर्वेकडे आणण्यासाठी आगामी काळात प्रयत्न करू. त्यासाठी १ लाख कोटी रुपये लागले तरी चालतील, असे आश्वासन उपमुख्यमंत्री अजित पवार यांनी बीड येथे दिले आहे.
त्यावर शरद जोशी विचारमंच शेतकरी संघटनेने प्रहार करत एक वेळा अजित पवार यांना भारतीय जनता पक्षाने प्रथम पक्षातून तत्काळ काढून टाकावे आणि त्यांच्याकडे कुठली सिंचन योजनेची कामे देऊ नये कारण त्यांचा मागील इतिहास भूगोल आणि नागरिकशास्त्र हा सिंचन विभागांमधील अनुभव महाराष्ट्राने उलगडलेला असून त्यांनी कराड येथील यशवंतराव चव्हाण यांच्या समाधी वर येथे जाऊन आत्मक्लेष केलेला आहे. एवढा पुरावा भारतीय जनता पक्षाला पुरेसा आहे अशी खरमरीत टीका संघटनेने केली आहे. पश्चिमेकडील समुद्रात वाहून जाणारे पाणी, शेती सिंचनासाठी पूर्वेकडे वळवण्यासाठी संघटना आणि संघटनेचे पदाधिकारी, प्रहार संघटनेचे रामदास पिल्दे यांनी मोठे प्रयत्न केलेले आहेत. त्यासाठी देवेंद्र फडणवीस सरकारने तीस हजार कोटी रुपयांची तरतूद केलेली होती, केली आहे. त्याचा पूर्ण आराखडा देखील त्यावेळेस पासून तयार आहे. आता अजित पवार यांनी आयत्या पिठावर रेगोट्या ओडू नयेत आणि ते कुठली सिंचन योजना पूर्ण करू शकत नाहीत हे मागे एकदा सिद्ध झालेलं आहे. आणि अजित पवार यांनी त्यांच्या सहकाऱ्यांनी मागील सिंचन योजनेमध्ये 70 कोटींचा घोटाळा केला आहे. त्यामधून केवळ एक ते दोन टक्के योजना पूर्ण झालेली असून बाकी सर्व पैसा हा त्यांचे कडून स्वाहा झालेला आहे. हे खुद्द मोदींनी सांगितलेले आहे. त्यामुळे भारताच्या सर्वप्रथम नागरिकांनी त्यांच्या घोटाळ्याच्या विषयात दिलेली माहिती हा त्यांचा दांडगा अनुभव सरकारला पुरेसा आहे अशी माहिती त्यांनी यावेळी दिली.

कांद्याचा प्रश्न जानेवारीत निघालेला होता त्यावेळेस अजित पवार आणि धनंजय मुंडे हे विरोधी पक्षात तर अजित पवार हे विरोधी पक्ष नेते होते. त्यावेळेस कांदा टोमॅटो रस्त्यावर फेकून दिला त्यावेळेस त्यांनी त्यांचे तोंडं का उघडली नाहीत? त्यावेळी ते कुठे झोपा घेत होते का खोक्याचा आणि बोक्याचा हिशोब करत होते का? असा खरमरीत प्रश्न केला आहे.
शरद जोशी विचारमंच शेतकरी संघटनेने कांद्याच्या संदर्भामध्ये जानेवारी 2023 पासून रस्त्यावर उतरत आंदोलन करून केंद्र सरकारकडे नाफेड च्या मार्फत किमान दहा लाख मे टन कांदा खरेदी करावा, शेतकऱ्यांच्या कांद्याचा हमीभाव बेसरेट 1850 रूपये प्रतिक्विंटल केंद्र शासनाने जाहीर केलेल्या प्रमाणे अधिक सी टू फिफ्टी प्रमाने दर जाहीर करावा अशी मागणी केली होती त्यामुळे केंद्र सरकारने नाफेड व एनसीसीएफ मार्फत दोन लाख मेट्रिक टन कांदा 2410 प्रतिक्विंटल दराने खरेदी करण्याचा निर्णय जाहीर केला . त्यानंतर बाजार समितीतल्या आडत्या व्यापार आणि दलाल या राष्ट्रवादीच्या लोकांनी शेतकऱ्यांना लुटण्यास सुरुवात केली आहे त्यावर अजित पवार का बोलत नाहीत. त्या बाजार समिती यांनी शेतकऱ्यांची 18 ते सतरा रुपयांनी कांदा खरेदी करून कांदा उत्पादक शेतकऱ्यांची लूट केलेली आहे यावर अजित पवार यांनी आपले मत स्पष्ट करावे अशी मागणी शरद जोशी विचारमंच शेतकरी संघटनेने पुणे येथे पत्रकारांशी बोलताना केली आहे.