🟡व्यक्तिगत लाभाच्या घरकुल योजने अंतर्गत धनगर समाजातील २२१ लाभार्थ्यांच्या खात्यावर अनुदान जमा. 🟣यशवंत क्रांती संघटनेच्या प्रयत्नांना यश

🟡व्यक्तिगत लाभाच्या घरकुल योजने अंतर्गत
धनगर समाजातील २२१ लाभार्थ्यांच्या खात्यावर अनुदान जमा.

🟣यशवंत क्रांती संघटनेच्या प्रयत्नांना यश

Akluj Vaibhav News Network.
Chief Editor Bhagywant Laxman Naykude.
Akluj , Taluka Malshiras, District Solapur. Maharashtra State, India.
Mo.9860959764.

कोल्हापूर दिनांक 21/8/2023 : जिल्ह्यातील धनगर समाजाच्या २२१ लाभार्थ्यांच्या खात्यावर यशवंत क्रांती संघटनेच्या प्रयत्नांना यश येऊन अनुदानाचा पहिला हप्ता २२१ लाभार्थ्यांच्या खात्यावर जमा झाल्याने गरिब लाभार्थ्यानी पाहिलेलं आपल्या हक्काच्या घराचं स्वप्न होणार पुर्ण होत आहे.
२०१९ विधानसभा निवडणुका डोळ्यासमोर ठेवून तात्कालिक मुख्यमंत्री देवेंद्र फडणवीस यांनी जे आदिवासींना तेच धनगरांना अशी घोषणा केली होती. त्यापैकीच एक योजना म्हणजे घरकुल योजना! धनगर समाजासाठी घरकुल योजनेची घोषणा केली. लाभार्थ्यांच्या कडून अर्जही मागविण्यात आले. परंतु सदर योजनेस निधी मात्र उपलब्ध करून दिला नव्हता. विधानसभा निवडणूक झाली आणि निवडणुकीनंतर भाजप शिवसेना युती तुटली फडणवीस ऐवजी उद्धव ठाकरे यांनी काँग्रेस राष्ट्रवादी बरोबर युती करून मुख्यमंत्री पदाची सूत्रे हाती घेतली. आणि फडणवीस यांनी घोषणा केलेल्या सर्व योजना गुंडाळून ठेवल्या धनगर समाजासाठी असणाऱ्या सर्वच योजनांना निधी दिला नाही. घरकुल योजना ही निधी अभावी रखडली. पैसे मिळणार म्हणून घर मंजूर झालेल्या अनेकांनी पाया काढला होता. तर कुणी घराचे बांधकाम सुरू ही केले होते. परंतु पैसा अभावी अर्धवट राहिले होते. पैसे कधी मिळणार म्हणून वाट पहात बसलेले होते. घरं मिळावीत गोरगरिबांच्या हक्काच्या घरांचे स्वप्न साकार व्हावं म्हणून यशवंत क्रांती संघटनेच्या माध्यमातून संघटनेचे संस्थापक अध्यक्ष संजय वाघमोडे यांनी मुख्यमंत्री उद्धव ठाकरे, सचिव इतर मागासवर्गीय विभाग मंत्रालय मुंबई, जिल्हाधिकारी कोल्हापूर, मुख्य कार्यकारी अधिकारी जिल्हा परिषद कोल्हापूर, उपायुक्त समाज कल्याण कार्यालय कोल्हापूर, यांच्याकडे पाठपुरावा सुरू केला होता. परंतु उद्धव ठाकरे सरकारने निधी उपलब्ध करून दिला नाही. तरीही यशवंत क्रांती संघटनेच्या माध्यमातून पाठपुरावा सुरूच होता अखेर ठाकरे यांचे सरकार गेले.एकनाथ शिंदे मुख्यमंत्री झाल्यानंतर यशवंत क्रांती संघटनेच्या माध्यमातून त्यांच्याकडे ही निधी उपलब्ध करून देण्याबाबत पाठपुरावा सुरू होता. त्यामुळे दखल घेऊन कोल्हापूर जिल्ह्यातील ५२५ वैयक्तिक लाभाच्या घरासाठी ६ कोटी ३० लाख रुपये निधी वितरित करण्यास मान्यता दिली. परंतु हा निधी उद्दिष्ट ऑनलाइन पोर्टलवर दिसत नव्हता. पुन्हा एकदा संजय वाघमोडे यांच्या नेतृत्वाखाली शिष्टमंडळाने उप मुख्यकार्यकारी अधिकारी जिल्हा ग्रामीण विकास यंत्रणा कोल्हापूर, जिल्हा परिषद कोल्हापूर, मा. जिल्हाधिकारी, कोल्हापूर , तसेच उपायुक्त समाज कल्याण कार्यालय कोल्हापूर, यांना पुन्हा निवेदन देण्यात आले की धनगर समाजासाठी घरे बांधण्याच्या योजनेअंतर्गत कोल्हापूर जिल्ह्यातील व्यक्तिगत लाभाच्या घरकुल योजनेसाठी राज्यस्तरावर यशवंत क्रांती संघटनेने वेळोवेळी पाठपुरावा केला आहे. यशवंत क्रांती संघटनेच्या प्रयत्नांना यश येऊन त्यासाठी आवश्यक असलेला निधी ६ कोटी ३० लाख रुपये मंजूर होऊनही केवळ तांत्रिक अडचणीमुळे निधी लाभार्थ्यांना वितरित करण्यात आलेला नाही. अनेक वेळा जिल्हाधिकारी कार्यालय जिल्हा ग्रामीण विकास यंत्रणा व उपायुक्त समाज कल्याण कार्यालयात संपर्क साधला असता एका कार्यालयाकडून दुसऱ्या कार्यालयाकडे तांत्रिक अडचणी सांगून एकमेकांकडे बोट दाखवले जात आहे. सदर योजनेचा निधी ऑनलाईन प्रणाली वरती रजिस्टर करून मंजुरी देण्याबद्दल कोणती करण्यात आलेली नाही त्यामुळे सदर योजनेच्या लाभांपासून लाभार्थी वंचित राहिलेले आहेत असे खरमरीत निवेदन दिल्यानंतर मात्र तात्काळ अधिकाऱ्यांनी दखल घेऊन धनगर आवास योजनेंतर्गत ५२५ लाभार्थ्यांना सहाय्यक आयुक्त समाज कल्याण यांच्याकडून मंजुरी मिळाली आहे. त्यास अनुसरून जिल्हा ग्रामीण विकास यंत्रणा कोल्हापूर यांच्या कार्यालयाकडून 362 लाभार्थ्यांना ऑनलाइन मंजुरी देण्यात आली आहे. त्यापैकी शासन नियमानुसार 221 लाभार्थ्यांना घराच्या पहिल्या हप्त्याचे अनुदान वर्ग करण्यात आलेले आहे. उर्वरित लाभार्थ्यांना अनुदान देण्याची कारवाई सुरू झाल्यामुळे धनगर समाजातील लाभार्थ्यांचे गेल्या चार-पाच वर्षांपासून पाहिलेले घराचे स्वप्न पूर्ण होत आहे. तालुका आजरा २४,बावडा ११, भुदरगड ८, कागल ४, करवीर ६७, पन्हाळा ३५, राधानगरी १६, शिरोळ ५६ याप्रमाणे लाभार्थ्यांच्या बँक खात्यावर पहिला हप्ता जमा करण्यात आला आहे.याबद्दल धनगर समाजातून यशवंत क्रांती संघटनेच्या कामाबद्दल समाधान व्यक्त करण्यात येत आहे.