ॲड. वैशाली बनसोडे यांची सरकारी वकील पदी नियुक्ती
Akluj Vaibhav News Network.
Chief Editor Bhagywant Laxman Naykude.
Akluj , Taluka Malshiras, District Solapur. Maharashtra State, India.
Mo. 9860959764.
सोलापूर प्रतिनिधी दिनांक 19/8/2023 :
महाराष्ट्र लोकसेवा आयोगा मार्फत सहाय्यक सरकारी अभियोक्ता ( वर्ग -अ) पदी सोलापूर येथील
ॲड.वैशाली बनसोडे(शिवशरण) यांची नुकतीच निवड झाली आहे.
सन 2022 च्या जाहिराती नुसार सरळ सेवा भरती पद्धतीने सहाय्यक सरकारी अभियोक्ता (वर्ग -अ ) या पदासाठी महाराष्ट्र लोकसेवा आयोगाने घेतलेल्या लेखी व मौखिक परीक्षेत यशस्वी झाल्याने ॲड.वैशाली बनसोडे यांची निवड झाली आहे. सध्या ते सोलापूर येथील जिल्हा सत्र व न्यायालयात विशेष सहा. सरकारी वकील म्हणून कार्यरत आहेत . विधी क्षेत्रातील प्रदीर्घ अनुभवाचा व परिश्रमाचा त्यांना या परिक्षेत फायदा झाला आहे. सुरुवातीच्या काळात त्यांनी सोलापूर येथील जिल्हा व सत्र न्यायालयात खाजगी वकील म्हणून काम केले आहे. विधि क्षेत्रामध्ये गेली बारा वर्षापासून कार्यरत आहेत.
ॲड. वैशाली बनसोडे यांनी सोलापूर जिल्हा बार असोसिएशनच्या सहसचिवा म्हणूनही उत्कृष्टपणे कामगिरी बजावली आहे. बंमणा निंगप्पा बनसोडे यांच्या त्या कन्या आहेत. या यशाबद्दल त्यांचे सर्वत्र कौतुक होत आहे. साप्ताहिक अकलूज वैभव, पाक्षिक वृत्त एकसत्ता या प्रिंट मीडिया आणि aklujvaibhav.in या डिजिटल मीडिया च्या वतीने सोलापूर प्रतिनिधी ॲड. शिवाजी कांबळे यांनी त्यांचे हार्दिक अभिनंदन करून हार्दिक शुभेच्छा व्यक्त केल्या.
