🟢रॅम्पच्या ग्रील मधून रुग्णालयात शिरणारे पाणी आवरा 🟣रॅम्पच्या  ग्रीलला स्लाइडिंग ग्लास बसवा कारंजा नागरी समस्या संघर्ष समितीची रुग्णालय अधीक्षकांकडे मागणी 

🟢रॅम्पच्या ग्रील मधून रुग्णालयात शिरणारे पाणी आवरा

🟣रॅम्पच्या  ग्रीलला स्लाइडिंग ग्लास बसवा कारंजा नागरी समस्या संघर्ष समितीची रुग्णालय अधीक्षकांकडे मागणी

Akluj Vaibhav News Network.

Chief Editor Bhagywant Laxman Naykude.

Akluj , Taluka Malshiras, District Solapur. Maharashtra State, India.

Mo. 9860959764.

(वर्धा जिल्हा प्रतिनिधी)

कारंजा ( घाडगे ) दिनांक 25/7/2023 : वर्धा जिल्ह्यातील कारंजा तालुक्याच्या स्थानिक कारंजा  ग्रामीण रुग्णालयाच्या इमारतीमधील प्रसुती  कक्षाच्या दारापर्यंत साचणाऱ्या  पावसाच्या पाण्याकडे नागरी समितीने रुग्णालय प्रशासनाचे लक्ष वेधले आहे. रॅम्पला   स्लाइडिंग  ग्लास बसवून पाण्याचा बंदोबस्त करण्याची निवेदनाद्वारे त्यांनी मागणी केली आहे .

येथील ग्रामीण रुग्णालयाच्या इमारतीमध्ये  रुग्णाच्या सोयी करीता रॅम्प उपलब्ध आहे. परंतु त्या रॅमच्या ग्रीलला स्लाइडिंग ग्लास  नसल्यामुळे पावसाळ्यात ग्रीलच्या दिशेने येणारे पावसाचे पाणी हे रॅम्प वर आत मध्ये शिरते आणि ते पाणी सरळ उताराने प्रसुती कक्षाकडे आतील दरवाजापर्यंत जाऊन साचत असल्याचे रुग्णांनी आणि नागरी समितीने रुग्णालय प्रशासनाच्या प्रत्यक्ष निदर्शनास आणून दिले आहे. तसेच रॅम्प च्या वरच्या टोकावरून भिंतीने पाणी खाली येते आणि तेही पाणी आतमध्ये शिरते ही बाब रुग्णालय स्वच्छतेच्या दृष्टीने आणि रुग्णालयाच्या भौतिक सुविधात्मक व्यवस्थापनाच्या दृष्टीने योग्य नाही असे म्हटले आहे.

तसेच ट्रामा केअर युनिटच्या इमारतीला जो आता नव्याने रॅम्प तयार झालेला आहे त्या रॅम्पला  सुद्धा स्लाइडिंग ग्लास लावणे गरजेचे आहे. जर त्याही इमारतीच्या रॅम्प ला  स्लाइडिंग ग्लास लावला गेला नाही तर पावसाळ्यामध्ये त्याही इमारतीमध्ये हीच समस्या उद्भवू शकते. असे नागरी समितीने म्हटले आहे. त्यामुळे दोन्ही इमारतीच्या रॅम्पला स्लाईडिंग ग्लास ची व्यवस्था करून सदर समस्या सोडवावी अशी मागणी कारंजा नागरी समस्या संघर्ष समितीने रुग्णालय प्रशासनाकडे केली आहे.

विशेष म्हणजे मागील वर्षी पावसाळ्यामध्ये सुद्धा  डकलींनमधून रुग्णालयातील काही वार्ड मध्ये पाणी शिरत होते. तेव्हा ही समस्या नागरी समस्या संघर्ष समितीने रुग्णालय प्रशासनाच्या निदर्शनास आणून देताच  रुग्णालय प्रशासनाने  त्याची दखल घेऊन ती समस्या सोडविली.

    येथील रुग्णालयाला पूर्णवेळ सक्षम अधीक्षक नसल्याकारणाने अशा प्रकारच्या समस्या उद्भवतात व त्या दुर्लक्षित राहतात असे नागरी समितीने म्हटले आहे. सदर समस्येचे निवेदन वैद्यकीय अधिकारी डॉ. सुरज क्रीपाल यांनी स्वीकारले . निवेदन देतेवेळी कारंजा नागरी समस्या संघर्ष समितीचे पदाधिकारी उपस्थित होते.