आपला जिल्हा क्रीडा व मनोरंजन प्रेरक सामाजिक

🟣कै. रत्नप्रभादेवी शंकरराव मोहिते पाटील यांच्या 98 व्या जयंतीनिमित्त महिलांसाठी जिल्हास्तरीय विविध स्पर्धांचे आयोजन 🟢 श्री विजय गणेशोत्सव मंडळ ट्रस्ट शंकरनगर -अकलूज चा उपक्रम. 🟣स्पर्धेसाठी एकूण सव्वा लाख रुपयें ची रोख बक्षीसे, जनरल चॅम्पियनशिप, प्रशस्तीपत्र, ट्रॉफी.

Chief Editor12/07/2023Last Updated: 13/07/2023

246 2 minutes read

🟣कै. रत्नप्रभादेवी शंकरराव मोहिते पाटील यांच्या 98 व्या जयंतीनिमित्त महिलांसाठी जिल्हास्तरीय विविध स्पर्धांचे आयोजन
🟢 श्री विजय गणेशोत्सव मंडळ ट्रस्ट शंकरनगर -अकलूज चा उपक्रम.

🟣स्पर्धेसाठी एकूण सव्वा लाख रुपयें ची रोख बक्षीसे, जनरल चॅम्पियनशिप, प्रशस्तीपत्र, ट्रॉफी.

Akluj Vaibhav News Network.
Chief Editor Bhagywant Laxman Naykude.
Akluj , Taluka Malshiras, District Solapur. Maharashtra State, India.
Mo. 9860959764.

अकलूज दिनांक 12/7/2023 :
माजी उपमुख्यमंत्री विजयसिंह शंकरराव मोहिते पाटील यांच्या संकल्पनेतून श्री विजय गणेशोत्सव मंडळ ट्रस्ट शंकरनगर -अकलूज च्या वतीने खास महिलांच्या कलागुणांना वाव देण्यासाठी महिलांसाठी जिल्हास्तरीय विविध स्पर्धांचे आयोजन करण्यात आले आहे. सलग चार रविवारी घेण्यात येणार असलेल्या स्पर्धांचे उद्घाटन रविवार दिनांक 16/7/2023 रोजी सकाळी अकरा वाजता होणार आहे. रविवार दिनांक 16/7/2023 ,23/7/2023 आणि 30/7/2023 रोजी होणाऱ्या विविध स्पर्धा सहकार महर्षि शंकरराव मोहिते पाटील इन्स्टिट्यूट ऑफ टेक्नॉलॉजी अँड रिसर्च सेंटर शंकरनगर येथे होणार आहेत. तर रविवार दिनांक 6/8/2023 रोजी समूह नृत्य व गायन या स्पर्धा सकाळी दहा ते चार या वेळेत आणि स्पर्धांचा बक्षीस वितरण समारंभ 4:30 वाजता सहकार महर्षि शंकरराव मोहिते पाटील स्मृती भवन शंकरनगर येथे होणार आहेत. रविवार दिनांक 16 रोजी अकॅडमिक/ क्रिएटिव्हिटी विभाग अंतर्गत रांगोळी, विणकाम, वक्तृत्व, सामान्य ज्ञान (जी.के.) या स्पर्धा होतील. दिनांक 23/7/2023 क्रिएटिव्हिटी विभाग अंतर्गत पाककला व्हेज पॉट पेंटिंग मेहंदी मेकअप हेअरस्टाईल, तर दिनांक 30 रोजी स्पोर्ट्स डे अंतर्गत क्रिकेट रेल्वे धावणे तांदूळ निवडणे या स्पर्धा होतील. कोणत्याही स्पर्धेत सहभागी होण्यासाठी कोणतेही शुल्क आकारले जाणार नाही. वरील विविध स्पर्धेमध्ये जी महिला स्पर्धक सहभागी होऊन सर्वोत्कृष्ट कामगिरी करेल त्या महिला स्पर्धकाची जनरल चॅम्पियनशिप म्हणून निवड करण्यात येऊन प्रशस्तीपत्र, ट्रॉफी, व रोख रक्कम रुपये दहा हजार बक्षीस दिले जाईल. अशी माहिती डॉटर मॉम फाउंडेशनच्या अध्यक्ष व स्पर्धाप्रमुख सौ. शितलदेवी धैर्यशिल मोहिते पाटील आणि सहकार महर्षि शंकरराव मोहिते पाटील सहकारी साखर कारखाना संचालिका कु. स्वरूपाराणी जयसिंह मोहिते पाटील यांनी शिवरत्न वर आयोजित केलेल्या पत्रकार परिषदेमध्ये सांगितली. स्पर्धांविषयी अधिक माहिती देताना असेही सांगण्यात आले की रांगोळी, विणकाम, वक्तृत्व, सामान्य ज्ञान, धावणे, तांदूळ निवडणे, पाककला, पॉट पेंटिंग, मेहंदी, मेकअप हेअर स्टाईल, गायन या प्रत्येक स्पर्धेमध्ये प्रथम येणाऱ्या 1 ते 3 क्रमांकांना प्रशस्तीपत्र ट्रॉफी व प्रत्येकी प्रथम रु.1000/-, द्वितीय रु.700/-, तृतीय रु.500/-, प्रमाणे रोख रक्कम दिली जाईल. रिले स्पर्धेसाठी प्रथम रु. 2800/-, द्वितीय रु. 2000/-, तृतीय रु.1200/-, तर क्रिकेट स्पर्धा व समूह नृत्य स्पर्धा यासाठी पहिल्या 1 ते 3 क्रमांकांना प्रशस्तीपत्र ट्रॉफी आणि प्रथम रु.7500/-, द्वितीय रु.5500/-, तृतीय रु.3500/-अशी रोख रकम देण्यात येणार आहे. अशा रीतीने एकूण सव्वा लाख रुपये रोख स्वरूपात विजेत्या स्पर्धकांना देण्यात येणार आहेत.
तांदूळ निवडणे आणि धावणे या स्पर्धा 60 वर्षापुढील महिलांसाठी असून उर्वरित सर्व स्पर्धां साठी वयोमर्यादा 23 वर्षाच्या पुढे आहे. सर्व स्पर्धांसाठी अटी व नियम राहतील. तसेच पंचांचा निर्णय अंतिम राहील.
सर्व क्षेत्रातील, सर्व स्तरातील महिलांनी या बहुविध स्पर्धांमध्ये सहभाग नोंदवून आपल्या अंगभूत कलागुणांचा अविष्कार दाखवावा असे आवाहन या स्पर्धेच्या निमित्ताने करण्यात आलेले आहे. या स्पर्धां संदर्भात नाव नोंदणी व अधिक माहितीसाठी
शिवरत्न फाउंडेशन – 7385177083,
स्वाती झुंबड – 9156793564,
शेख मॅडम – 9545455373,
LINK : //forms.gle/QZtpd7cFcH3rdXrd6 संपर्क साधावा.