🔵महाराष्ट्रातील जनतेला सतत संभ्रमावस्थेत ठेवण्याचा सत्ता भ्रष्टांचा डाव

🔵महाराष्ट्रातील जनतेला सतत संभ्रमावस्थेत ठेवण्याचा सत्ता भ्रष्टांचा डाव

🟢शेतकरी कष्टकरी कामगारांच्या गंभीर विषयाकडे लक्ष वेधण्यासाठी, “शेतकरी संवाद यात्रेचा लढा” आणखीन तीव्र करणार : विठ्ठल पवार राजे यांचा केंद्र व राज्य सरकारला इशारा.

Akluj Vaibhav News Network.
Chief Editor Bhagywant Laxman Naykude.
Akluj , Taluka Malshiras, District Solapur. Maharashtra State, India.
Mo. 9860959764.

पुणे प्रतिनिधी 10/7/ 2023 :
महाराष्ट्र राज्यातील काँग्रेस राष्ट्रवादी सत्ता गेल्याच्या नंतर राष्ट्रवादी काँग्रेसचे नेते सैरवैर होऊन सत्तेसाठी त्यांची मनस्थिती भ्रष्ट, बिघडलेली असल्यामुळे गेले वर्षहून अधिक काळ महाराष्ट्र राज्यातील शेतकऱ्यांचे गंभीर प्रश्नांकडे कोणाचेही लक्ष नाही. महाराष्ट्र राज्यामध्ये गेल्या वर्ष सव्वा वर्षांमध्ये विरोधी पक्ष अस्तित्वात नसल्या सारखी परिस्थिती निर्माण झाल्याने संघटनेने शेतकरी संवाद यात्रा काढत, शेतकरी, कष्टकरी, कामगारांचे, मराठा समाजाच्या ओबीसीतील समावेश, ओबीसी समाज व इतर समाजांचे अनेक गंभीर प्रश्नाकडे लक्ष वेधलेले आहे. ते प्रश्न प्रलंबित असताना त्या प्रश्नांकडे सत्ताधारी आणि विरोधकांचे लक्ष नाही. सर्वसामान्य नागरिकांचे प्रश्न मागण्या ह्या प्रलंबित असून महाराष्ट्रभर गावागावापासून तर शहरांपर्यंत मोर्चे आंदोलन मोठ्या प्रमाणात निघत आहेत, सुरू असल्याचं चित्र 2022 – 23 या दोन्ही वर्षीत निदर्शनास आलेले आहे. हे कोणालाही नाकारून चालणार नाही. शेतकऱ्यांच्या ऊसदर गंभीर प्रश्नावर, दुधाचे , उसाचे, कांद्याचे दर शेतमालाला बेस रेट विक्री किंमत आणि संघटनेने शेतकऱ्यांचे कृषी पंपाच्या विजेची महावितरण कडून होत बेकायदेशीर पणे होत असलेल्या वसुलीला स्थगिती मिळवलेली आहे. याकडे लक्ष देण्यासाठी राज्य सरकार मधील एकाही मंत्र्याला वेळ नाही अशी गंभीर परिस्थिती सत्ता भ्रष्टासाठी राज्यकर्त्यांनी राज्यामध्ये मुद्दामहून निर्माण केलेली असल्याचा आरोप संघटनेने केलेला आहे.
शेतकऱ्यांच्या विविध मागण्या कोर्ट, अन्न आयोग यांचे कडून झालेल्या निर्णयानुसार राज्य सरकारने दूध व विजेच्या संदर्भात तत्काळ अंमलबजावणी करण्यासाठी शरद जोशी विचारमंच शेतकरी संघटनेच्या माध्यमातून गेल्या 16 जानेवारीपासून शेतकरी संवाद यात्रा सुरू आहे, संघटनेच्या वतीने, शेतकरी संवाद यात्रा अधिक तीव्र करण्याचा इशारा प्रसिद्धीस दिलेल्या पत्रकामध्ये संघटनेचे अध्यक्ष तथा राष्ट्रीय निमंत्रक विठ्ठल पवार राजे यांनी दिला आहे.

शेतकऱ्यांच्या कर्जबाजारीपणातील आत्महत्या, ऊस उत्पादक शेतकऱ्यांच्या आत्महत्या, पिकाचं आर्थिक नुकसान, किमान नुकसान भरपाई नाही, मागील उसाचे 15000 कोटी रुपयाची एफ आर पी व त्यावरील व्याजाची रक्कम थकीत आहे, तर बँकांची बेकायदेशीर सक्तीची वसुली, शेतकऱ्यांच्या जमिनी जप्ती आधी प्रश्न बाबत संघटनेने आवाज उठवलेला आहे. त्यामध्ये संघटना राज्य अन्न आयोग, उच्च न्यायालय व सर्वोच्च न्यायालयामध्ये धाव घेऊन शेतकऱ्यांच्या हिताचा निर्णय घेतला आहे.राज्य सरकारकडून त्याची अंमलबजावणी होत नाही ती अंमलबजावणी राज्य सरकार करत नाही तोपर्यंत, संघटनेच्या शेतकरी संवाद यात्रेची सुरु असलेली धडक वाटचाल सुरुच राहणार आहे. महाराष्ट्र राज्यातील 28 जिल्ह्यांमध्ये शेतकरी संवाद यात्रा शेतकऱ्यांच्या हितासाठी व मागण्यांसाठी प्रचार प्रसार करत असताना राज्यातील कोणत्याही पक्षाचा यामध्ये सहभाग नाही, मुख्यमंत्री एकनाथ शिंदे, उपमुख्यमंत्री देवेंद्र फडणवीस यांनी केवळ तोंडी आदेश दिल्याच्या नंतर राज्य अन्न आयोग व उच्च न्यायालयाच्या आदेशाची अंमलबजावणी अद्याप झालेली नाही असा आरोप संघटनेने केलेला आहे, आणि विरोधक हे केवळ सत्तेसाठी राजकारण, राजकारणासाठी सत्ता याचे भांडण करत राज्यातील सर्वसामान्य जनतेमध्ये संभ्रमावस्था निर्माण करण्याचा कार्यक्रम काँग्रेस वगळता सर्वच पक्ष संघटनांकडून सुरू आहे. राज्यातील शेतकरी कष्टकरी कामगारांच्या हितासाठी अत्यंत गंभीर स्वरूपाचे असल्याचे संघटनेने म्हटले आहे. सत्तेसाठी अत्यंत खालच्या पातळीला गेलेला राष्ट्रवादी काँग्रेस पक्ष आणि त्यांच्या सहकाऱ्यांनी केवळ सत्तेसाठी एकमेव कार्यक्रम राज्यकारण्यांनी ठरवलेला असल्यामुळे शरद जोशी विचारमंंच शेतकरी संघटनेने महाराष्ट्र राज्यात 16 जानेवारीपासून राज्याभर सुरु असलेल्या शेतकरी संवाद यात्रा पुन्हा, नव्याने शेतकरी कष्टकरी कामगारांच्या हितासाठी महाराष्ट्रभर पुन्हा तीव्र करण्याच्या संदर्भात संघटनेने निर्णय घेतलेला आहे, अशी माहिती शरद जोशी विचारमंंच शेतकरी संघटनेचे राष्ट्रीय अध्यक्ष तथा निमंत्रक विठ्ठल पवार राजे यांनी अकलूज वैभव, वृत्त एकसत्ता, aklujvaibhav.in कडे प्रसिद्धीस दिलेल्या पत्रकात म्हटले आहे, यावर संघटनेचे पुणे जिल्हा युवक अध्यक्ष अनिल भांडवलकर राज्य युवक अध्यक्ष रवी राणा पवार, पश्चिम महाराष्ट्राचे अध्यक्ष दीपक फाळके, महाराष्ट्र राज्याचे कार्यकारणी समितीचे अध्यक्ष अंबादास कोरडे पाटील, नाशिक जिल्ह्याचे अध्यक्ष अण्णासाहेब खैरनार, छत्रपती संभाजी नगर जिल्ह्याचे अध्यक्ष काशिनाथ जाधव, पुणे जिल्ह्याचे उपाध्यक्ष बाळासाहेब वर्पे, उत्तर पुणे जिल्ह्याचे अध्यक्ष गुलाबराव पाटील लोखंडे, नंदकिशोर लोखंडे पाटील, वरिष्ठ उपाध्यक्ष प्रदेश प्रकाश पोरवाल, विठ्ठल पाटील लोखंडे, खेड राजगुरुनगर तालुक्याचे अध्यक्ष इंदापूर बारामती अक्षय भापकर, तालुक्याचे अध्यक्ष पुणे शहर जिल्ह्याचे अध्यक्ष, सातारा जिल्हा अध्यक्ष अमोल पिसाळ, एकलहरे सोमनाथ वाकचौरे व महिला प्रतिनिधी, शेतकरी पदाधिकारी शेतकरी संवाद यात्रेत सहभागी होणार असल्याचे संघटनेच्या वतीने सांगण्यात आले.