🟣ऊसाच्या एफ.आर.पी. मध्ये वाढ नाही, 129 रु. घट आहे!

Chief Editor30/06/2023Last Updated: 01/07/2023

252 1 minute read

Akluj Vaibhav News Network.
Chief Editor Bhagywant Laxman Naykude.
Akluj , Taluka Malshiras, District Solapur. Maharashtra State, India.
Mo. 9860959764.

अकलूज दिनांक 30/6/2023 :
मीडिया ने “ऊसाचा गोडवा आणखी वाढणार” अशी दिशाभूल करणारे शिर्षक दिले आहे. कारण केंद्र सरकारने येत्या हंगामा साठी (2023-24) टनास 100 रु. ची वाढ केली आहे.
गेल्या सात वर्षात ऊसाच्या निविष्टा, वीज, मजुरी, खर्च, महागाई निर्देशांक मध्ये वाढ किती झाली. त्या प्रमाणात वाढ होणे तर दूरच उलट प्रत्यक्षात 129 रु./टन घट झाली आहे. हे खालील गणित सूत्राने (Calculations) सिद्ध होते.
A) सन 2017-18 ला शेतकऱ्यांना मिळणारी रक्कम:
1. त्याकाळात एफआरपी होती 2550 रु, साखर उतारा 8.5% साठी.
व प्रत्येक 0.1% उतारा (Recovery) वृद्धी साठी मिळत होते 26.8 रु. / टन जास्त.
म्हणजे 10.25% उताऱ्या साठी मिळतील 469 रु / टन. ( 26.8×1.75÷0.1) जास्त.
2. उताऱ्या प्रमाणे एफआरपी आली 2550+469= 3019 रु /टन
3. ऊस तोड व वाहतूक (H &T) खर्च 500 रु.
4. शेतकऱ्यांना मिळणारी रक्कम : 3019-500= 2519 रु /टन.
B) आता म्हणजे सन 2023-24 ला शेतकऱ्यांना मिळणारी रक्कम:
1. नवीन एफआरपी आहे 3150 रु, साखर उतारा 10.25 % साठी.
2. सारख्या उताऱ्या प्रमाणे एफआरपी आहे 3150 रु /टन
3. ऊस तोड व वाहतूक (H &T) खर्च 750 रु. मानवी ऊस तोड.
(ऊस तोड मशीन ने केल्यास हा खर्च 1000 रु /टन.)
कारखान्याच्या ऊस उत्पादक अंतर परिघाप्रमाणे साखर आयुक्तलयाचे मापदंड आहेत. वरील खर्च जवळचा आहे.
4. गोपीनाथ मुंडे ऊस तोड महामंडळा साठीची कपात 10 रु. प्रति टन
5. शेतकऱ्यांना मिळणारी रक्कम : 3150-750-10= 2390 रु /टन.
C) शेतकऱ्यांना कमी मिळणारी रक्कम: 2519-2390= 129 रु / टन.
D) महत्वाची नोट:
1. ऊस तोड कंत्राटकरांना एकरी 5000 रु शेतकऱ्यांनी दिले होते. म्हणजे 167 रु /टन. ते ह्या मध्ये पकडलेले नाहीत.
2. साखर उताऱ्या मध्ये इथेनॉल निर्मिती मुळे होणारी 0.8 ते 1.8% घट होत आहे. त्याचे पैशे, दुसरा हप्ता नियमितपणे देण्याची प्रक्रिया अजून सुरु नाही. त्याबद्दल कोणी बोलत नाही. इथेनॉल इफेक्ट. ते नुकसान ह्या मध्ये पकडलेले नाही.
3. मशीन ने केलेल्या ऊस तोड व जास्त अंतरा चा वाहतूक वाढीव खर्च गृहीत धरला नाही.
ह्या संदर्भात अनेक विषय निगडित आहेत. पण एकाच लेखात सगळे लिहीत नाही.

सतीश देशमुख, B.E. (Mech.), पुणे अध्यक्ष, फोरम ऑफ इंटलेकच्युअल्स 9881495518
Coordinator- Task Force Sugar Core Committee (समन्वयक, टास्क फोर्स शुगर कोअर कमिटी)