🛑 श्रीपूर स्मशानभूमी येथील कावळे झाले गायब

🛑 श्रीपूर स्मशानभूमी येथील कावळे झाले गायब

अकलूज वैभव न्यूज नेटवर्क
आकाश भाग्यवंत नायकुडे.
श्रीपूर/ प्रतिनिधी दिनांक 19/8/2025 :
गेल्या काही महिन्यांपासून श्रीपूर ( तालुका माळशिरस, जिल्हा सोलापूर, महाराष्ट्र राज्य) स्मशानभुमी येथील कावळे गायब झाले आहेत. माती सावडणे नंतर मृत व्यक्तीच्या नावाने घास ठेवण्याची वाड वडीलांपासून परंपरा आहे. मृत व्यक्तीला जे पदार्थ आवडत होते ते पदार्थ तीसरा दिवस माती सावडणे या दिवशी एकत्र ठेऊन ते स्मशानभूमीत मृत व्यक्तीवर ज्या जागेवर अंत्यसंस्कार करण्यात आले आहेत त्या जागेवर एक मोठा दगड पाण्याने धुऊन त्यांवर अबीर बुक्का गुलाल कुंकू हळद टाकून त्यावर फुलांचा हार घातला जातो नंतर त्या समोर उदबत्ती लावून केळीच्या पानावर आवडीचे आणलेले काही खाद्य पदार्थ ठेवले जातात. तेव्हा त्या ठिकाणी सुरुवातीला एक कावळा पुढे येतो. तो त्या पदार्थ ठेवलेल्या ठिकाणी अंदाज घेतो काव काव काव करतो. तेव्हा तेथे दुसरा कावळा येतो मग ते कावळे ज्या पदार्थांवर तोंड लावतात तो पदार्थ त्या मृत व्यक्तीच्या आवडीचा होता अशी कुजबूज होते त्यानंतर दोन चार पाच सहा कावळे येऊन त्या पदार्थांचा फडशा पाडतात. कावळ्याने घास शिवला याचे समाधान त्या मृत व्यक्तीच्या घरातील नातेवाईकांना होते. कावळ्याने घास शिवला म्हणून ते नातेवाईक उपस्थित लोक चर्चा करतात. त्याची कोणती इच्छा राहिली नाही त्यामुळे समाधानाने घास शिवला काही वेळा एखाद्या मृत व्यक्तीच्या नावाने घास ठेवला तरी तेथे कावळा काही येत नाही त्यामुळे घरातील नातेवाईकांना वाटते मृत व्यक्तीची इच्छा अपुरी राहिली आहे त्यावेळी त्याच्या जवळचे नातेवाईक कावळ्याने घास शिवावा म्हणून त्या दगडाजवळ जाऊन दोन्ही हात जोडून पाया पडतात विनवणी करतात काही वेळेला कावळा येतोही व घास शिवतो. मात्र अशा परिस्थितीत एखाद्या मृत व्यक्तीच्या वेळी काही केल्या कावळा येतच नाही नातेवाईक वाट पाहून नंतर देशी गाय घेऊन येतात त्या गायीला तो घास खाऊ घालतात व आपलं समाधान मानून घेतात. हे झाले हिंदू धर्मातील. मात्र बौध्द समाज गेल्या अनेक वर्षांपासून या जुन्या परंपरा अंधश्रद्धा असलेल्या कल्पनांना मोडीत काढून घास वगैरे ठेवत नाहीत बौध्द संस्कार व विधी प्रमाणे अस्थी विसर्जन करुन माघारी जातात या सर्व पार्श्वभूमीवर मात्र श्रीपूर मध्ये येथील स्मशानभूमीत गेल्या काही महिन्यांपासून कावळे यायचे बंद झाले आहे एखादा दुसरा कावळा झाडांवर बाजूला असू शकतो पुर्वी श्रीपूर मध्ये स्मशानभूमीत पंधरा वीस कावळे एका वेळी गोळा होत त्यामुळे तीसरा दिवस माती सावडणे वेळी घास ठेवला की हमखास कावळे येऊन तो खात असत कदाचित पिकांवर रासायनिक औषधांचा वापर होत असल्याने निसर्गातील चिमण्या पोपट कावळे कबुतरे यांची संख्या घटण्याचे प्रमाण वाढले असावे ते ही कारण कावळ्यांची संख्या कमी होत असावी.
बी. टी. शिवशरण, पत्रकार, श्रीपूर.