सहकार महर्षि अभियांत्रिकी महाविद्यालयांमध्ये प्रथम वर्ष पदविका अभियांत्रिकीचा इंडक्शन प्रोग्रॅम संपन्न
सहकार महर्षि अभियांत्रिकी महाविद्यालयांमध्ये प्रथम वर्ष पदविका अभियांत्रिकीचा इंडक्शन प्रोग्रॅम संपन्न
अकलूज वैभव न्यूज नेटवर्क
आकाश भाग्यवंत नायकुडे.
मुंबई दिनांक 19/8/2025 :
सहकार महर्षि शंकरराव मोहिते पाटील इन्स्टिट्यूट ऑफ टेक्नॉलॉजी अँड रिसर्च, शंकरनगर अकलूज या अभियांत्रिकी महाविद्यालयांमध्ये महाविद्यालय विकास समितीच्या अध्यक्षा कु. स्वरूपाराणी जयसिंह मोहिते पाटील यांच्या मार्गदर्शनाखाली दि.१८ ऑगस्ट २०२५ रोजी इंडक्शन प्रोग्रॅम संपन्न झाल्याची माहिती महाविद्यालयाचे प्राचार्य डॉ. प्रवीण ढवळे यांनी दिली.
सदर प्रोग्रॅमसाठी प्रमुख अतिथी म्हणून एसीइ सॉफ्ट स्कील सोल्युशन्स चे फाउंडर डायरेक्टर अँड चीफ ट्रेनर डॉ. मोहन देशपांडे हे उपस्थित होते. त्यांनी विद्यार्थ्यांना अभियांत्रिकीच्या अभ्यासक्रमाबद्दल तसेच दैनंदिन जिवनातील विविध गोष्टी बाबत मार्गदर्शन केले.
इंडक्शन प्रोग्रॅम चे आयोजन प्रथम वर्ष पदविका मधील शिकत असणाऱ्या विद्यार्थ्यांना नवीन वातावरणाशी जुळवून घेण्यास, टेक्नीकल अभ्यासक्रम व महाविद्यालयीन संस्कृती समजून घेण्यास आणि प्राध्यापकांशी जोडण्यास मदत करण्यासाठी केले होते.
सदर कार्यक्रम यशस्वीरित्या पार पाडण्यासाठी कार्यक्रमाचे समन्वयक म्हणून प्रा. संजय झंजे तसेच सर्व विभागाचे विभाग प्रमुख, शिक्षक व शिक्षकेत्तर कर्मचारी यांनी काम पाहीले. सुत्रसंचालन व आभार प्रदर्शन प्रा. भारती चंदनकर यांनी केले.
