🛑 “काँग्रेस कार्यकर्त्यांनी जिल्हा परिषद, पंचायत समिती निवडणूकासाठी सज्ज राहावे”….. काँग्रेसचे जिल्हाध्यक्ष सातलिंग शटगार 🟢 माळशिरस तालुका काँग्रेस कमिटीची बैठक संपन्न

🛑 “काँग्रेस कार्यकर्त्यांनी जिल्हा परिषद, पंचायत समिती निवडणूकासाठी सज्ज राहावे”…..
काँग्रेसचे जिल्हाध्यक्ष सातलिंग शटगार
🟢 माळशिरस तालुका काँग्रेस कमिटीची बैठक संपन्न

अकलूज वैभव न्यूज नेटवर्क
आकाश भाग्यवंत नायकुडे.
मुंबई दिनांक 19/8/2025 : माळशिरस तालुका काँग्रेस कमिटीची बैठक मंगळवार दिनांक १९ ऑगस्ट रोजी शासकीय विश्रामगृह माळशिरस येथे माजी केंद्रीय गृहमंत्री सुशीलकुमार शिंदे, खासदार प्रणिती शिंदे यांच्या नेतृत्वाखाली व महाराष्ट्र प्रदेश काँग्रेस कमिटीचे अध्यक्ष हर्षवर्धन सपकाळ,प्रदेश उपाध्यक्ष व जिल्हा निरीक्षक मोहन जोशी यांच्या मार्गदर्शनाखाली,व सोलापूर जिल्हा काँग्रेस कमिटीचे अध्यक्ष सातलिंग शटगार यांच्या अध्यक्षतेखाली व महाराष्ट्र प्रदेश काँग्रेस कमिटीचे उपाध्यक्ष, माजी आमदार ॲड. रामहरी रुपनवर यांच्या प्रमुख उपस्थिती संपन्न झाली.
यावेळी व्यासपीठावर माळशिरस तालुका काँग्रेसचे कार्याध्यक्ष दादासाहेब वाघमोडे, प्रदेश ओबीसी विभागाचे सचिव गिरीश शेटे, जिल्हा उपाध्यक्ष आदिनाथ रुपनवर, बाळासाहेब मगर, नियोजन समितीचे माजी सदस्य नागेश काकडे, रमेश नामदास आदी उपस्थित होते.

सोलापूर जिल्हा काँग्रेस कमिटीच्या नूतन अध्यक्षपदी सातलिंग शटगार यांची निवड झाल्याबद्दल माळशिरस तालुका काँग्रेस कमिटीच्या वतीने माजी आमदार ॲड. रामहारी रूपनवर यांच्या हस्ते सत्कार करण्यात आला.
यावेळी बैठकीत मार्गदर्शन करताना जिल्हा काँग्रेस कमिटीचे अध्यक्ष सातलिंग शटगार म्हणाले की माळशिरस तालुका काँग्रेसची पुनर्रचना होणार असून यामध्ये जुने काँग्रेस कार्यकर्ते व नवीन कार्यकर्ते, युवकांना व सध्या असलेले पदाधिकारी यांना कार्यकारणीत सामावून घेऊन नवीन पक्ष संघटना बांधणी करण्यात येईल. आगामी जिल्हा परिषद, पंचायत समिती व नगरपरिषदेला काँग्रेस पक्षातर्फे सक्षम उमेदवार आणि निष्ठावंत कार्यकर्त्यांना आपण संधी देणार असल्याचे त्यांनी सांगितले. काँग्रेस कार्यकर्त्यांनी मतदार यादीची पुनर पडताळणी प्रत्येक गावात,गटात गणात जाऊन करावी असे आवाहन त्यांनी केले.
महाराष्ट्र प्रदेश काँग्रेस कमिटीचे उपाध्यक्ष माजी आमदार ॲड. रामहरी रुपनवर यावेळी म्हणाले भारत देशात सर्वात जुना पक्ष हा काँग्रेस पक्ष आहे. या पक्षाने देशाला स्वातंत्र्य मिळवून दिले. काँग्रेस पक्षाला इतिहास आहे. गेल्या 70 वर्षामध्ये औद्योगिक, उद्योग क्षेत्रात, कृषी क्षेत्रात, विज्ञान व तंत्रज्ञान क्षेत्रात,अवकाश यामध्ये जी प्रगती झाली आहे ती काँग्रेस पक्षांनी केली आहे . भारत देशाचा विकास झाला आहे तो फक्त आणि फक्त काँग्रेस पक्षानेच केला आहे. असे ते म्हणाले.
यावेळी माळशिरस तालुका काँग्रेस कमिटीचे कार्याध्यक्ष दादासाहेब वाघमोडे, प्रदेश ओबीसी विभागाचे सचिव गिरीश शेटे, जिल्हा उपाध्यक्ष डॉ आदिनाथ रूपणवर,बाळासाहेब मगर, जिल्हा नियोजन समितीचे माजी सदस्य नागेश काकडे,राजीव गांधी पंचायत राज समितीचे अध्यक्ष रमेश नामदास, सौरभ रूपणवर, चंद्रकांत लोखंडे, राजेंद्र गायकवाड, रियाज काझी ,रामचंद्र पाटील, अजय सोरटे, शंकर वाघमोडे, सेवाजेष्ठ पत्रकार भाग्यवंत लक्ष्मण नायकुडे, धनाजी धडस, बाळू दडस, राहुल दडस, शरद वाघमोडे, लक्ष्मणराव लोखंडे, गणेश गायकवाड, इकबाल काझी, शशिकांत कदम, सतीश सौदईकर आदी पदाधिकारी मोठ्या संख्येने उपस्थित होते.