सहकार महर्षि कारखाना कार्यस्थळावर महापर्जन्य याग यज्ञास प्रारंभ
Akluj Vaibhav News Network.
Chief Editor Bhagywant Laxman Naykude.
Akluj , Taluka Malshiras District Solapur Maharashtra State, India .
Mo. 9860959764.
अकलूज दिनांक 28/7/2023 : येथील सहकार महर्षि शंकरराव मोहिते पाटील सहकारी साखर कारखान्याच्या कार्यस्थळावर आज शुक्रवार दिनांक 28 जुलै रोजी सकाळी 8:15 वाजता महापर्जन्य याग यज्ञास धार्मिक वातावरणात, ब्रह्मवृंदाच्या मंत्रघोषात प्रारंभ झाला.
कारखान्याचे मार्गदर्शक संचालक आणि माजी उपमुख्यमंत्री विजयसिंह शंकरराव मोहिते पाटील यांच्या प्रमुख उपस्थितीत, महापर्जन्य याग यज्ञ संकल्पक आणि कारखान्याचे चेअरमन जयसिंह शंकरराव मोहिते पाटील यांच्या मार्गदर्शनाखाली, कारखान्याचे व्हाईस चेअरमन शंकरराव माने देशमुख व त्यांच्या सुविद्य पत्नी सौ मायादेवी शंकरराव माने देशमुख यांच्या शुभहस्ते या महापर्जन्य याग यज्ञाचा प्रारंभ झाला. याप्रसंगी कृषी उत्पन्न बाजार समिती, अकलूज चे सभापती मदनसिंह शंकरराव मोहिते पाटील यांच्यासह कारखान्याचे संचालक मंडळ, कार्यकारी संचालक, अधिकारी, खाते प्रमुख, कर्मचारी तसेच शिवसृष्टी किल्ला व शिवछत्रपती मल्टीमीडिया लेजर शो कमिटी सदस्य उपस्थित होते.
