प्रताप क्रीडा मंडळाच्या उन्हाळी कला, क्रीडा प्रशिक्षण शिबीराचा प्रारंभ
अकलूज वैभव न्यूज नेटवर्क
आकाश भाग्यवंत नायकुडे
मुंबई दिनांक 26/04/2025 : ग्रामीण भागातील खेळाडूंना आंतरराष्ट्रीय खेळातील कौशल्याचे प्रशिक्षण मिळावे व विद्यार्थ्यांच्या सुप्त कला कौशल्याचाही विकास व्हावा या हेतूने मंडळाचे संस्थापक अध्यक्ष जयसिंह मोहिते पाटील व अध्यक्षा कु. स्वरूपारांणी मोहिते पाटील यांच्या मार्गदर्शनाखाली प्रताप क्रीडा मंडळाने दि.२६ ते २९ एप्रिल या कालावधीत आयोजित केलेल्या मोफत उन्हाळी क्रीडा व कला प्रशिक्षण शिबिराचा प्रारंभ झाला.सहकार महर्षि शंकरराव मोहिते पाटील इंजिनिअरिंग कॉलेज, शंकरनगर येथे आयोजित केलेल्या या प्रशिक्षण शिबिराचे उदघाट्न शंकरनगरचे ग्रामविकास अधिकारी विजयकुमार नवले यांच्या हस्ते झाले.या वेळी मंडळाचे उपाध्यक्ष पोपटराव भोसले-पाटील, सचिव बिभीषण जाधव, वेटलिफ्टिंग खेळातील राष्ट्रीय खेळाडू अक्षय कट्टीमनी, संजय झंजे, संचालक भीमाशंकर पाटील, राहुल गायकवाड, विशाल लिके, खजिनदार सुहास थोरात, सहाय्यक फिरोज तांबोळी, मंडळाचे सदस्य, खेळाडू,कलाकार, पालक उपस्थितीत होते.
प्रस्ताविकात सचिव बिभिषन जाधव म्हणाले, या शिबिरातील क्रीडा प्रकारा साठी २५३ खेळाडू व कला प्रकारासाठी ७९ विद्यार्थी असे एकूण ३३२ मुलां, मुलींनी सहभाग घेतला आहे.या
शिबिरामध्ये क्रीडा प्रकारात वेटलिफ्टिंग, हॉलीबॉल, ॲथलेटिक्स, कबड्डी, योगासने या खेळांचे व कला शिबिरामध्ये काच काम (ग्लास पेंटिंग) व माती काम (क्ले वर्क) या कलेचा समावेश आहे. उद्घाटन प्रसंगी विजयकुमार नवले म्हणाले, प्रताप क्रीडा मंडळाने या परिसरच्या ग्रामीण भागातील खेळाडूंना मागील अनेक वर्षापासून मोफत क्रीडा प्रशिक्षण दिले आहे. ही बाब खेळाडूसाठी भाग्याची असून यातून राष्ट्रीय व आंतरराष्ट्रीय खेळाडू निर्माण होतील.
हे उन्हाळी क्रीडा व कला शिबीर चार दिवस सकाळी ७.०० ते ९.३० यावेळेत होत असून यामध्ये क्रीडा शिबिरास यशवंत माने देशमुख, खंडाप्पा कोरे, अनिल मोहिते, ए व्ही बनसोडे, एस.व्ही.चव्हाण, डी.ए. सय्यद , टी.वाय. शिंदे ,एच.डी. साळुंखे , एस.डी.राऊत ,बी.बी. पाटील , यू.एम. भिंगे , आर.एस.लोंढे, एच.पी. वाघमोडे, पी.एस.पांढरे , ए.व्ही.बनसोडे, एन.डी.बनजगोळकर, एस.एस.पाटील तर कला प्रशिक्षणासाठी तानाजी काशीद, धन्यकुमार साळवे, विशाल लिके, दत्तात्रय शिंदे, सिद्धनाथ टिंगरे, शामराव कुंभार, शशिकांत पिसे, माधुरी भांगे हे प्रशिक्षण देणार आहेत. या शिबिरास खेळाडू व कलाकारांचा उत्स्फूर्त प्रतिसाद मिळाला असून यास खेळाडू, कलाकार व बहुसंख्य पालक उपस्थित होते. प्रतिदिनी शिबिराचा समारोप खाऊ वाटपाने होणार आहे. सूत्रसंचालन किरण सूर्यवंशी यांनी केले.
