💢 माळशिरस मधील लाईफ लाईन हॉस्पिटलच्या डॉक्टरांचा अजब कारनामा…… 🟣 पत्रकार तानाजी वाघमोडे यांना चार चाकी ने धडकवून आपल्याच हॉस्पिटलमध्ये दाखल करण्यासाठी जबरदस्ती.

💢 माळशिरस मधील लाईफ लाईन हॉस्पिटलच्या डॉक्टरांचा अजब कारनामा……

🟣 पत्रकार तानाजी वाघमोडे यांना चार चाकी ने धडकवून आपल्याच हॉस्पिटलमध्ये दाखल करण्यासाठी जबरदस्ती.

अकलूज वैभव न्यूज नेटवर्क
माळशिरस/सुजाता गोखले
दिनांक 20/03/2025 : तालुक्याच्या ठिकाणी नामांकित असणारे लाईफ लाईन हॉस्पिटल या हॉस्पिटल मधील डॉ.महादेव वाघमोडे यांनी माळशिरस येथील रहिवासी पत्रकार तानाजी वाघमोडे यांना दिनांक २८ फेब्रुवारी रोजी माळशिरस येथील आझाद कोल्ड्रिंक्सच्या समोर उभ्या असणाऱ्या दुचाकीला पाठीमागून आपल्या चार चाकी गाडीने जोरदार धडक दिली. या धडकेमध्ये तानाजी वाघमोडे खाली पडल्याने त्यांना गंभीर दुखापत झाली असून ,त्यांच्या दुचाकीचे मोठे नुकसान झाले आहे. याबाबत पत्रकार तानाजी वाघमोडे यांनी माळशिरस पोलीस स्टेशन मध्ये डॉ. महादेव वाघमोडे यांच्या विरुद्ध भादवि.मोटार वाहन अधिनियम १९८८ चे कलम १८३ ,१८४ ,१२५ अ व २८१ अन्वये फिर्याद दाखल केली आहे. याबाबतची सविस्तर हकीगत अशी की, फिर्यादी तानाजी वाघमोडे हे दिनांक २८ फेब्रुवारी रोजी सकाळी दहाच्या सुमारास आपल्या घरगुती कामानिमित्त बाहेर निघाले असताना आझाद कोल्ड्रिंक्स या ठिकाणी आपल्या मोटरसायकलवर बसून थांबले होते.त्यावेळी गाडी चार चाकी क्र. एम एच ४५ ए एल ७४४९ ही टाटा कंपनीची गाडी भरधाव वेगाने येऊन तानाजी वाघमोडे यांच्या दुचाकीला जोराची धडक मारली या धडकेमध्ये तानाजी वाघमोडे व त्यांची दुचाकी रस्त्यावर पडली त्यामध्ये त्यांना गंभीर दुखापत झाली. त्यानंतर चार चाकी मालक महादेव वाघमोडे यांनी स्वतःच्याच दवाखान्यांमध्ये यांना घेऊन जाऊन तुम्ही काळजी करू नका तुम्ही कुठेही ट्रीटमेंट घ्या .मी तुमच्या दवाखान्याचा सगळा इलाज करतो असे सांगितले. परंतु त्यांनी अशा प्रकारची कोणतेही शब्द पुरे केलेले नाहीत.उलट लाईफ लाईन हॉस्पिटल मध्ये दाखल केल्यानंतर तानाजी वाघमोडे यांना जास्त त्रास होऊ लागला त्यानंतर त्यांनी त्या ठिकाणाहून जाऊन दुसरीकडच्या दवाखान्यांमध्ये आपल्यावर उपचार केला.नंतर तानाजी वाघमोडे यांनी डॉक्टर महादेव वाघमोडे यांना वारंवार कॉल करून देखील महादेव वाघमोडे यांनी तानाजी वाघमोडे यांच्या फोनला कोणताही प्रतिसाद दिला नाही त्यामुळे लाईफ लाईन हॉस्पिटलच्या डॉक्टरांचा हा अजब कारनामा आपल्या चार चाकी गाडीने लोकांना धडकवून आपल्याच दवाखान्यामध्ये दाखल करून घेऊन आपला दवाखाना चालवण्याचा हा नवीन उद्योग सुरू केला का ?असा सवाल या निमित्ताने उपस्थित केला जात आहे. अशा डॉक्टरांवरती योग्य ती कारवाई झाली पाहिजे अशी मागणी तानाजी वाघमोडे व त्यांच्या परिवारानी केली आहे .यामध्ये पुढील तपास डीवायएसपी राहुल मडावी यांच्या मार्गदर्शनाखाली पोलीस हेडकॉन्स्टेबल सोनटक्के, पोलीस हेडकॉन्स्टेबल मोरे करीत आहेत. याबाबत डॉ.महादेव वाघमोडे यांना संपर्क करण्याचा प्रयत्न केला असता त्यांचा मोबाईल त्यांनी अन्य नंबर वर फॉरवर्ड केला आहे असे सांगितले गेले. त्यामुळे त्यांची प्रतिक्रिया मिळू शकली नाही.
“डॉ. महादेव वाघमोडे यांच्या चार चाकी गाडीने माझे मोठे नुकसान झाले आहे. शारीरिक व आर्थिक नुकसान झाल्यामुळे मी महादेव वाघमोडे यांना वारंवार कॉल करून याबाबत विचारणा केली असता त्यांनी अरे रावीची भाषा वापरत माझ्या गाडीची सर्व कागदपत्रे आहेत, तुम्हाला काही करायचं ते करा. अशा प्रकारची भाषा एखाद्या डॉक्टरांनी वापरणे म्हणजे जणू काही त्यांनी माणसं मारण्याचे लायसन डॉक्टरांना मिळालेय का ?असा या निमित्ताने सवाल उपस्थित होतो आहे .अशा शिरजोरी करणाऱ्या डॉक्टरांविरुद्ध कडक कारवाई झाली पाहिजे ही माझी इच्छा आहे” -तानाजी वाघमोडे