🟣शरद जोशी विचारमंच शेतकरी संघटनेच्या आंदोलनाचे मोठे यश

🟣शरद जोशी विचारमंच शेतकरी संघटनेच्या आंदोलनाचे मोठे यश

🟢शेतकऱ्यांचा उरलेला सर्व कांदा नाफेड खरेदी करणार, पणन कडून नाफेडला पत्रव्यवहार, आंदोलन मागे घेण्याची शासनाची लेखी विनंती तात्पुरती मान्य : विठ्ठल पवार राजे

Akluj Vaibhav News Network.
Chief Editor Bhagywant Laxman Naykude.
Akluj , Taluka Malshiras, District Solapur. Maharashtra State, India.
Mo. 9860959764.

नेवासा अहमदनगर/अकलूज दिनांक 11/7/2023 :
शरद जोशी विचारमंच शेतकरी संघटना महाराष्ट्र राज्य(Sharad Joshi Vichar Manch Shetkari Sanghatna Maharashtra Rajya) चे अध्यक्ष तथा राष्ट्रीय निमंत्रक विठ्ठल पवार राजे (Vitthal Pawar Raje)यांच्या नेतृत्वाखाली शेतकरी संवाद यात्रा आंदोलन राज्यभर सुरू आहे. नेवासा येथे संघटनेच्या वतीने नाफेड मार्फत कांदा खरेदी करावा अन्यथा अकरा जुलैपासून नगर नाशिक जिल्ह्यात रास्ता रोको चक्काजाम आंदोलन करण्यात येईल असा इशारा संघटनेच्या वतीने देण्यात आला होता. त्यावेळी शासनाच्या वतीने आंदोलन करू नये, सर्व कांदा नाफेड मार्फत खरेदी केला जाईल अशा आशयाचे लेखी निवेदन संघटनेला प्राप्त झाले. त्यामुळे रस्ता रोको चक्का जाम आंदोलन तात्पुरते स्थगित करण्यात आले आहे.
!राज्यात पावसाचे संकट आणि शेतमाला मिळत नसलेला भाव यामुळे राज्यातील शेतकरी प्रचंड संकटात असताना राज्यकर्ते मात्र मंत्रीपद आणि पक्ष दलबद्लू पणामध्ये मशगुल आहेत, राज्यातील शेतकऱ्यांना वाली नसल्याने, शरद जोशी विचारमंच शेतकरी संघटनेचे माध्यमातून, राज्यभर शेतकरी संवाद यात्रा सुरू आहे. संघटनेचे प्रमुख विठ्ठल पवार राजे(Vitthal Pawar Raje ) अध्यक्ष तथा राष्ट्रीय निमंत्रक शरद जोशी विचारमंंच शेतकरी संघटना, कांदा उत्पादक शेतकऱ्यांनी नगर नाशिक जिल्ह्यातून कांदा खरेदी होत नसल्याबाबतच्या तक्रारी शनिवारी केल्यामुळे त्यांनी तत्काळ नाफेड पणन तहशिलदार, कलेक्टर अहमदनगर व संबंधित अधिकाऱ्यांची भ्रमणध्वनीवरून संपर्क साधत नाफेड मार्फत डाटा उरलेला सर्व कांदा खरेदी करा अन्यथा सोमवारी नगर, नाशिक जिल्ह्यामध्ये चक्काजाम रस्ता रोको आंदोलन करण्याचा इशारा दिला होता. त्यामुळे, पणन संचालक शैलेश कोथमिरे(Shailesh kothmere) यांनी तात्काळ नाफेड व अधिकाऱ्यांशी संपर्क करुन सहनिबंधक सहकारी संस्था यांचे मार्फत शिल्लक कांदा वाहनांचा पंचनामा करून सर्व कांदा नाफेड मार्फत खरेदी करण्यासंदर्भातल्या लेखी आश्वासन पत्र संघटनेला दिलेले असल्याने आज सोमवारपासून चे रस्ता रोको चक्काजाम आंदोलन तात्पुरते आंदोलन आजचे आंदोलन तात्पुरते स्थगिती करत असल्याचं संघटनेने संघटनेचे राज्य कार्यकारणी समितीचे प्रदेशाध्यक्ष अंबादास कोरडे पाटील(Ambadas korade Patil) यांनी सांगितले. तसेच संघटनेच्या आंदोलनामुळे कांद्याचे वाढलेले भाव आणि एकच ठिकाणी उपलब्ध असलेला कांदा एका रात्रीत सर्व कांदा खरेदी झाल्यामुळे शेतकऱ्यांना चांगला भाव मिळाल्याचे समाधान संघटनेने व्यक्त केले आहे, आंदोलनाच्या दणक्याने कांद्याला भाव वाढ झालेली असून शनिवारपासून रखडलेला कांदा आंदोलनामुळे सर्वत्र चर्चा सुरू झाली, सोमवारी दिवसभरात जवळपास 80 ते 90 ट्रॅक्टर कांदा त्या ठिकाणी ट्रॉलीत उभा होता व अनेक व्यापाऱ्यांना ही माहिती झाल्यानंतर बाजारांमधील टोमॅटो व कांद्याचे असलेले शॉर्टेज पाहता शेतकऱ्यांच्या कांद्याला चांगला भाव मिळाल्याने एका रात्रीत सर्व कांदा खरेदी झाला तर उर्वरित सर्व कांदा नाफेड खरेदी करणार असल्याची माहिती संघटनेचे अध्यक्ष तथा राष्ट्रीय निमंत्रक विठ्ठल पवार राजे(Vitthal Pawar Raji) यांनी अकलूज  वैभव (Akluj Vaibhav) , वृत्त एकसत्ता (Vrutt Eksatta), aklujvaibhav.in कडे प्रसिद्धीस दिलेल्या पत्रकात म्हटले आहे.

पाऊस नाही, पेरण्या नाही, पाणी नाही, शेतमालाला रास्त विक्री बेस रेट किंमत मिळत नसल्यामुळे शेतकरी संकटात.. तर राज्यकर्ते मंत्रिमंडळ वाटपात मशगुल संघटनेची टीका.
महाराष्ट्र राज्यामध्ये जानेवारीपासून कांद्याचे दर अत्यंत खाली आले होते कांदा उत्पादक शेतकऱ्यांना अक्षरशः कांदा फेकून देण्याची वेळ आलेली होती 25 पैसे किलो इतक्या खाली कांद्याचे रेट पडले होते. त्यावेळेस संघटनेने आवाज उठवलेला होता संघटनेने आवाज उठवल्याने त्यानंतर पणन संचालनालय महाराष्ट्र राज्य यांनी कांद्याच्या संदर्भामध्ये बैठक बोलावली होती त्यामध्ये शरद जोशी विचारमन शेतकरी संघटनेने कांदा उत्पादक शेतकऱ्यांना किमान 18 रुपये 50 पैसे किलो इतका कॉस्ट ऑफ प्रोडक्शन विक्री किंमत बेसलेट मिळावा अशी मागणी केली होती.
दरम्यानच्या काळात शेतकऱ्यांचे अतोनात नुकसान झाल्याच्या नंतर संघटनेने प्रतिक्विंटल नऊशे रुपये इतकी अनुदान भरपाई मागितलेली होती पैकी सरकारने 350 रुपये प्रति क्विंटल इतकी नुकसान भरपाई अनुदान शेतकऱ्यांना जाहीर केले आणि उर्वरित कांदा हा नाफेड मार्फत खरेदी करण्याचा निर्णय राज्य आणि केंद्र सरकारने घेतल्याच्या नंतर त्यामध्ये शरद जोशी विचारमन शेतकरी संघटनेच्या भूमिका सोबतच नाशिक जिल्ह्याच्या खासदार केंद्रीय राज्यमंत्री डॉक्टर भारती पवार(Dr. Bharati Pawar) यांची देखील महत्त्वाची भूमिका यामध्ये राहिली. संघटनेने आंदोलन केल्याच्या नंतर राज्यांमध्ये साधारणपणे दोन तीन लाख मेट्रिक टन कांदा बेस रेट विक्री किंमत भावाने खरेदी केला जाईल अशी अपेक्षा संघटनेला होती. परंतु नाशिक जिल्हा आणि नगर जिल्ह्याला सुमारे दीड लाख मे.टन कांदा खरेदीचे उद्दिष्ट नाफेड मार्फत फार्मर प्रोडूसर कंपन्यांना दिल्याची माहिती संघटनेला मिळालेली होती. मात्र या दरम्यान कांदा खरेदी मध्ये थांबून शेतकऱ्यांच्या उभा राहिलेल्या कांदा संदर्भामध्ये नाफेड ने अचानक कांदा खरेदी बंद केल्याने संघटनेने आंदोलनाचा पवित्र घेतला होता.
दिनांक सहा जुलैपासून कांदा खरेदी बंद होती मात्र दरम्यानच्या काळामध्ये कांदा खरेदी कोणाची केली हा मूळ प्रश्न असून सुमारे 70 ते 80 ट्रॅक्टर शनिवारपासून लाईनवर उभा असताना त्यांची खरेदी झाली नाही म्हणून संघटनेने सोमवार दिनांक दहा रोजी नाफेडचे नाशिक जिल्हा मॅनेजर उप मॅनेजर नाफेडचे ऑल इंडिया मॅनेजर तसेच पणन संचालक शैलेश कोतमिरे(Shailesh kothmere) यांच्याशी संपर्क साधून लाईनला व नोंदणी केलेला कांदा तात्काळ खरेदी करा बाबत लेखी निवेदनाने मागणी केलेली होती. त्याप्रमाणे राज्याचे पणन संचालक शैलेश कोथमिरे(Shailesh kothmere )यांनी संघटनेच्या वतीने दिलेल्या निवेदनाची दखल घेत तातडीने नगर जिल्हा डी डी आर यांना कार्यवाही करण्यासाठी सांगीतले, ठिकाणी नेवासा तालुक्याचे सहनिबंधक सहकारी संस्था देविदास घोडेचोर(Devidas Ghodechor) यांना सूचना करून सहनिबंधक घोडेचोर(Ghodechor) यांनी नेवासा देवगड फाटा येथील कांदा खरेदी केंद्र कंपनीच्या ठिकाणी कांदा भरून ऊभे असलेल्या ट्रॅक्टर ट्रॉल्या व शेतकऱ्यांच्या समक्ष तात्काळ पंचनामा करून, संघटनेने व सहनिबंधक यांनी कलेक्टर अहमदनगर नाशिक पणन संचालक महाराष्ट्र राज्य व नाफेड यांना केल्याच्या नंतर रात्री उशिरा पणन संचालक यांनी सदर सर्व कांदा नाफेड ने खरेदी करावा अशा आशयाचा पत्रव्यवहार संघटनेला करून आंदोलन थांबवा अशा प्रकारचे आदेश काढलेले आहे. संघटनेच्या वतीने पणन संचालनालय महाराष्ट्र राज्य त्यांचे संबंधित उपसंचालक पणन राजे निंबाळकर(Raje Nimbalkar) व नेवासा तालुक्याचे सहाय्यक निबंधक देविदास घोडेचोर(Devidas Ghodechor) यांचे आभार मानून आजचे नगर नाशिक जिल्ह्यातील रस्ता रोको चक्काजाम आंदोलन स्थगित केल्याची माहिती संघटनेचे अध्यक्ष तथा राष्ट्रीय निमंत्रक विठ्ठल पवार राजे(Vitthal Pawar Raje), संघटनेचे महाराष्ट्र प्रदेश कार्यकारणी समितीचे अध्यक्ष अंबादास कोरडे पाटील(Ambadas korade Patil), तालुक्याचे अध्यक्ष पंढरीनाथ कोतकर(Pandharinath kotkar), युवक अध्यक्ष दादा पाटील नाबदे(Dada Patil Nabade), नगर जिल्हा सहकार विभागाचे अध्यक्ष जगन्नाथ कोरडे पाटील (Jagannath korde Patil), सतीश कोतकर (Satish kotkar), देशमुख (Deshmukh), जिल्हा संपर्कप्रमुख दौलत गणगे (Daulat ghanage), दिलीप हीपोटे (Dilip Hipote), प्रताप चांदणे (Pratap Chandne), जिल्हा अध्यक्ष मेजर सुभाष वाळुंज (Subhash Valunj) व संघटनेचे सर्व पदाधिकारी यावेळी उपस्थित होते.