सहकार महर्षि अभियांत्रिकी महाविद्यालयामध्ये पालक-शिक्षक मेळावा संपन्न
अकलूज वैभव न्यूज नेटवर्क
आकाश भाग्यवंत नायकुडे
मुंबई दिनांक 25/02/2025 : अकलूज येथील सहकार महर्षि शंकरराव मोहिते-पाटील इन्स्टिटयूट ऑफ टेक्नॉलॉजी अँड रिसर्च,शंकरनगर-अकलूज या अभियांत्रिकी महाविद्यालयामधील पदविका कम्प्युटर इंजिनीरिंग विभागामध्ये विकास समिती अध्यक्षा स्वरूपाराणी जयसिंह मोहिते पाटील यांच्या मार्गदर्शनाखाली पालक-शिक्षक मेळावा झाल्याची माहिती महाविद्यालयाचे प्राचार्य डॉ. प्रवीण ढवळे यांनी दिली. कार्यक्रमाची औपचारिक सुरुवात प्रा श्रैया देशमुख यांच्या स्वागतपर भाषणाने झाली. विभाग प्रमुख फडे जी.एम यांनी सर्व प्राध्यापक सदस्यांची पालकांशी ओळख करून देत विभागामध्ये वर्षभर चालणाऱ्या शैक्षणिक क्षेत्रातील तसेच शैक्षणिक व्यतिरिक्त उपक्रम याबद्दल पालकांना अवगत करून विद्यार्थी आणि पालक या दोघांच्या जबाबदाऱ्या आणि कर्तव्ये यावर भाष्य केले. विद्यार्थ्यांची उपस्थिती आणि प्रथम चाचणी चे गुण संबंधित मार्गदर्शकांनी पालकांना दाखवले. अभ्यासात दुर्लक्ष करणाऱ्या विद्यार्थ्यांना त्यांची अभ्यासातील कामगिरी सुधारण्याचा सल्ला देण्यात आला. त्यानंतर पालकांनी महाविद्यालय आणि विभागातील शिक्षणाच्या गुणवत्तेबद्दल त्यांचे विचार व्यक्त केले आणि अभ्यासक्रमेतर/सह-अभ्यासक्रम उपक्रमांसाठी सुविधा आणि प्रोत्साहन दिल्याबद्दल महाविद्यालयाचे कौतुक केले जे एखाद्या व्यक्तीच्या सर्वांगीण विकासास मदत करते व विद्यार्थी आणि विभागांसाठी काही सूचना देखील दिल्या. तसेच सर्व शैक्षणिक तसेच सह-अभ्यासक्रम उपक्रमांमध्ये प्राध्यापक कर्मचाऱ्यांच्या सहभागाबद्दल आणि समुपदेशक पद्धतीचे कौतुकही केले. विद्यार्थ्यांच्या हितासाठी पालक आणि शिक्षकांनी हातात हात घालून काम करण्याची दुसरी संधी म्हणून प्रत्येकाने पाहावे, अशा प्रतिक्रिया पालकांना देण्यात आल्या. महाविद्यालयाचे प्राचार्य डॉ. ढवळे पी. ए. यांनीही सभेला संबोधित करून विद्यार्थ्यांच्या यशाचा आलेख पुढील प्रमाणे सांगितला त्यामध्ये प्रथम सत्रामध्ये कॉम्प्युटर विभागातील अंतिम वर्षातील अभियांत्रिकीच्या शेख अब्दाल (९३.८९) प्रथम क्रमांक, बचुटे आदित्य (९१.८९) द्वितीय क्रमांक, येवले साक्षी (९०.७८) तृतीय क्रमांक, व कॉम्प्युटर विभागातील द्वितीय वर्षातील अभियांत्रिकी पदविकेच्या पेटकर श्रद्धा (९६.००) यांनी प्रथम क्रमांक, स्वरांजली माने-देशमुख (९२.९४). द्वितीय क्रमांक, स्नेहा माने-देशमुख (८७.७७) हिने तृतीय क्रमांक मिळवला आहे तसेच कॉम्प्युटर विभागातील प्रथम वर्ष अभियांत्रिकी पदविकेच्या शेख माहेविश हिने (८५.८८) यांनी प्रथम क्रमाक, तलवार अप्पासाहेब (८५.२९) द्वितीय क्रमांक, धनश्री माने (८३.४१) तृतीय क्रमांक मिळवला या विद्यार्थ्यांचे प्राचार्यांनी कौतुक केले. शेवटी प्रथम वर्ष विभाग प्रमुख गोडसे यांनी आभार मानले. कार्यक्रम यशस्वीपणे पार पाडण्यासाठी कार्यक्रमाच्या समन्वयक म्हणून प्रा. श्रेया देशमुख यांनी काम पाहिले.
