सहकार महर्षि अभियांत्रिकी महाविद्यालयातील विद्यार्थ्यांची बजाज ऑटोमध्ये निवड
अकलूज वैभव न्यूज नेटवर्क
आकाश भाग्यवंत नायकुडे
मुंबई दिनांक 18 जानेवारी 2025 :
अकलूज येथील सहकार महर्षि शंकरराव मोहिते पाटील इन्स्टिटयूट ऑफ टेक्नॉलॉजी अँड रिसर्च, शंकरनगर मधील तृतीय वर्ष मेकॅनिकल अभियांत्रिकी मधील ४ विद्यार्थ्यांची पुणे येथील बजाज ऑटो लिमिटेड या नामांकित कंपनी मध्ये निवड झाल्याची माहिती महाविद्यालयाचे प्राचार्य डॉ. प्रवीण ढवळे यांनी दिली.
याबद्दल अधिक माहिती देताना डॉ. ढवळे म्हणाले, सांगोला येथील फॅबटेक टेक्निकल कॅम्पस या अभियांत्रिकी महाविद्यालयाद्वारे दि. १५ जानेवारी २०२५ रोजी वाहन निर्मितीमधील अग्रगण्य असणाऱ्या कंपनीपैकी एक बजाज ऑटो लिमिटेड, पुणे या नामांकित कंपनीच्या प्लेसमेंट ड्राइव्हचे आयोजन केले होते. सदर ड्राइव्ह साठी परिसरातील विविध अभियांत्रिकी महाविद्यालयांमधून अंदाजे २०० पेक्षा जास्त विद्यार्थ्यांनी सहभाग नोंदविला. याच प्रसंगी सहकार महर्षि अभियांत्रिकी महाविद्यालयातील पदविका मेकॅनिकल विभागातील सहभागी विद्यार्थ्यांपैकी कु. गायत्री माने, कु. कीर्ती रिसवडकर, चि. प्रणव जाधव व चि. दर्शन मोरे या चार विद्यार्थ्यांची निवड झाली आहे.
सदर निवडी बद्दल शंकरराव मोहिते पाटील चॅरिटेबल हॉस्पिटल ट्रस्टचे अध्यक्ष जयसिंह मोहिते पाटील, सचिव राजेंद्र चौगुले, महाविद्यालय विकास समिती अध्यक्षा स्वरूपाराणी मोहिते पाटील यांनी अभिनंदन केले व विद्यार्थ्यांच्या पुढील वाटचालीस शुभेच्या दिल्या. तसेच मागील वर्षी प्रमाणे यावर्षी देखील शंभर टक्के प्लेसमेंटची आशा व्यक्त केली.
विभाग प्रमुख प्रा. निकम एस. एम., कॉलेजचे ट्रेनिंग अँड प्लेसमेंट ऑफिसर प्रा.शेटे वाय. एस. तसेच समन्वयक प्रा.धनवले एस. पी. यांचे विद्यार्थ्यांना मार्गदर्शन लाभले.
