💢 न्यायालयीन कोठडीत असताना एडवोकेट सोमनाथ सूर्यवंशी यांना कोणी मारले ?

💢 न्यायालयीन कोठडीत असताना एडवोकेट सोमनाथ सूर्यवंशी यांना कोणी मारले ?

अकलूज वैभव न्यूज नेटवर्क

कायद्यात पदवीधर असलेल्या सोमनाथ सूर्यवंशी यांना संविधान सन्मान मोर्चात भाग घेतला म्हणून पोलिसांनी बेदम मारहाण केली. विशेष म्हणजे सोमनाथ न्यायालयीन कोठडीत होता. MCR मध्ये न्यायालयीन कोठडीत कायदेशीर चौकशी केली जाते. PCR मध्ये आरोपीला गुन्हा कबूल करून घेण्यासाठी पोलीस इजा करून गुन्हा वदवून घेण्याचा प्रयत्न करतात. मग एडवोकेट सोमनाथ कोठडीत असताना त्याला कोणी मारले? पोलीस प्रशासन म्हणते की त्याला हृदयविकाराचा झटका आला.डॉ. बाबासाहेब आंबेडकर आणि भारतीय संविधानाचा अवमान केल्याच्या निषेधार्थ रस्त्यावर उतरले असता असे जर आपल्या तरुणाईला व सोमनाथला मरेपर्यंत एवढा मार का दिला हा प्रश्न आपण इथल्या व्यवस्थेला विचारणार आहोत की नाही हा प्रश्न आहे.
बहुजन समाजातील उच्चशिक्षित लोक प्राध्यापक, वकील, सनदी अधिकारी अशा अत्याचारावर काय दिशा देतील,की घरात गोधडीत लपून बसतील. आपण हे लक्षात ठेवले पाहिजे. आपला आंबेडकरी कार्यकर्ता तरुण रस्त्यावर उतरून भुलेश्वर व आंबेडकरी विचाराची चळवळ जिवंत ठेवतो म्हणून आपण कार्यालयात नोकरी करतो. आता स्वस्थ बसून चालणार नाही. एकविसाव्या शतकात भारतीय संविधान कार्यरत असताना हा अन्याय होत असेल तर पिढ्या न पिढ्या आपल्या पूर्वजावर किती आणि कसे अन्याय झाले असतील याची कल्पना आपण केली पाहिजे. पुढेही समाजावर असेच आन्याय अत्याचार का?
समाजाला शिक्षित करून संविधान एक हक्क अधिकार मिळवून देण्यासाठी कृतिशील कार्यक्रम हाती घेतला पाहिजे. आणि हे जर आपण करू शकलो नाही तर येणारी पिढी म्हणेल की बाबासाहेब आंबेडकरांनी मिळवून दिलेले मानवी अधिकार आणि संविधानाचे रक्षण करण्यात आमचे पूर्वज नालायक निघाले. मी आपल्या ग्रुप मधील सर्व सदस्यांना आवाहन करतो यावर आता कृती कार्यक्रम हाती घेतला पाहिजे.
डॉ. केशव पवार, सातारा.