सहकार महर्षि शंकरराव मोहिते पाटील सहकारी साखर कारखान्याचा सिझन 2024 – 25 चा प्रति मे. टन रुपये 2900/- प्रमाणे दर व अनुदान जाहीर

1. सहकार महर्षि शंकरराव मोहिते पाटील सहकारी साखर कारखान्याचा सिझन 2024 – 25 चा प्रति मे. टन रुपये 2900/- प्रमाणे दर व अनुदान जाहीर

अकलूज वैभव न्यूज नेटवर्क
आकाश भाग्यवंत नायकुडे
मुंबई दिनांक 14/12/ 2024 : सहकार महर्षि शंकरराव मोहिते पाटील सहकारी साखर कारखाना शंकरनगर अकलूज, सिझन 2024 -2025 मध्ये गाळपास आलेल्या व येणाऱ्या उसाकरिता प्रथम ॲडव्हान्स रक्कम रुपये 2600/- व पोळा सणाकरिता रक्कम रुपये 100/- तसेच दीपावली सणाकरीता रक्कम रुपये 200/- प्रमाणे एकूण रक्कम रुपये 2900/- प्रति मे टन ऊस दर देण्यात येणार आहे. तसेच माहे फेब्रुवारी 2025 पासून पुढे गाळपास येणाऱ्या उसाकरिता प्रति मे. टन रक्कम रुपये शंभर रुपये अनुदान जाहीर करण्यात येत असून ते दीपावली सणाचे बिलाबरोबर अदा करण्यात येणार असल्याची माहिती कारखान्याचे चेअरमन जयसिंह शंकरराव मोहिते पाटील यांनी दिली.
कारखान्याचे मार्गदर्शक संचालक व महाराष्ट्र राज्याचे माजी उपमुख्यमंत्री विजयसिंह शंकरराव मोहिते पाटील यांचे कुशल मार्गदर्शनाखाली व चेअरमन जयसिंह शंकरराव मोहिते पाटील यांचे नेतृत्वाखाली कारखाना प्रगतीपथावर वाटचाल करीत आहे. कारखान्याचा सिझन 2024 – 2025 चा ऊस गळीत हंगाम दिनांक 15 /11/ 2024 रोजी सुरू झाला असून दिनांक 13/ 12/ 2024 अखेर 2 लाख 36 हजार 777 मे.टन उसाचे गाळप होऊन 2 लाख 10 हजार 950 क्विंटल साखर पोत्याचे उत्पादन झालेले असून सरासरी साखर उतारा 9.49 टक्के आहे. सध्या प्रति दिवस 8,500 मे.टन याप्रमाणे उसाचे गाळप सुरू आहे.
चालू सिझन 2024 – 2025 मध्ये को – जन वीज निर्मिती प्रकल्प दिनांक 7 /11/ 2024 रोजी सुरू झाला असून दिनांक 13 /12/ 2024 अखेर 2 कोटी 09 लाख 03 हजार 490 युनिट वीज निर्माण झाली असून त्यामधून 1 कोटी 28 लाख 51 हजार 914 युनिट वीज विक्री केलेली आहे.
तसेच उपपदार्थ प्रकल्प डिस्टीलरीमध्ये 13 डिसेंबर 2024 अखेर 33 लाख 90 हजार 432 लिटर रेक्टिफाइड स्पिरीट तसेच 30 लाख 64 हजार 926 लिटर्स इथेनॉल उत्पादन झाले असल्याची माहिती कारखान्याचे कार्यकारी संचालक राजेंद्र चौगुले यांनी दिली. सदर प्रसंगी कारखान्याचे मार्गदर्शक संचालक विजयसिंह मोहिते पाटील( माजी उपमुख्यमंत्री महाराष्ट्र राज्य), व्हाईस चेअरमन शंकरराव माने देशमुख, संचालिका स्वरूपाराणी मोहिते पाटील, तसेच संचालक लक्ष्मण शिंदे, सतीश शेंडगे, नानासाहेब मुंडपणे, विजयकुमार पवार, रावसाहेब मगर, संग्रामसिंह जहागिरदार,रामचंद्र सिद, विराज निंबाळकर, रावसाहेब पराडे, महादेव क्षीरसागर, भिमराव काळे, अमरदिप काळकुटे, गोविंद पवार, सुभाष कटके, जयदिप एकतपुरे, रामचंद्र ठवरे, तज्ञ संचालक प्रकाशराव पाटील, रामचंद्र सावंत पाटील, संचालिका सुजाता शिंदे, कार्यलक्षी संचालक – रणजित रणनवरे व शिवसृष्टी किल्ला व शिवछत्रपती मल्टिमेडिया लेजर शो कमिटी संचालक – पांडुरंग एकतपुरे, बाळासाहेब माने देशमुख, कालीदास मिसाळ, दत्तात्रय चव्हाण, विनायक केचे, राजेंद्र भोसले, अमृतराज माने देशमुख, धनंजय सावंत, नामदेव चव्हाण, धनंजय दुपडे, अनिलराव कोकाटे, श्रीकांत बोडके, सौ हर्षाली निंबाळकर, श्रीमती पुष्पा महाडिक उपस्थित होते.